Lebitiko̱ 8:4 - Xo̱jo̱n eén Néná

⁴ Kó Moisee̱ bo̱a̱ katsꞌén xikó má tsꞌén atíxomaa̱ Néná, kó ngije síndotikó ngayeje xotaa̱ ki̱a̱ nínga bitjasꞌi̱e̱nnii̱ ndiꞌandikoón,

Lebitiko̱ 8:4 ပူးပေါင်းရင်းမြစ်များ

Éksondo̱ 39:1

Kó ńjño xi tsajá chináꞌmii̱ ńjño xi koán, ko̱jo xi aso, ko̱jo ńjño xi iní kamándani. Kó ti̱ kiniꞌánda ńjñondio xi tsajá Aaroo̱n, kó ki̱a̱ akjatꞌaa̱ nga jó ndi̱jo̱ tsjakon xi ónise̱ xi kjín a̱sie̱én, nínga kjitꞌa jaꞌeén nga tiejó xota̱ tji̱e̱e̱ na̱xi̱ńdá Israee̱l. Kó kiniꞌánda jó axtañó to̱nsinié xi ta̱soboá martiyo̱ kiniꞌánkjítieni nínga jaskan ikichá, sꞌe̱ ki̱a̱ kaꞌnaxiéni ńchjón xí to̱nsinieé. Kó kuí ńchjoón xi kiniꞌánni chji̱ni̱e̱e̱ ńjñondioo̱ ko̱jo ńjño xi ꞌbíkjá ndáyaá Aaroo̱n. Ngayeje kui nii̱, bo̱a̱ tsꞌén kamánda xikótsꞌèn Néná atíxomaa̱ Moisee̱ nga si̱ꞌanda.

Lebitiko̱ 8:13

Nga fetꞌa, Moisee̱ tsíchji̱a̱ jaá Aaroo̱n tsi̱ꞌe̱ nga ko̱e̱je̱kon tiñaa̱, kó katsꞌénkajá ńjño xi boajá já chináꞌmii̱, iskjienꞌniuú ńjño xi ꞌbíkjá ndáyaá, ísoón ni ꞌbíꞌá tokoo̱, xikó má katsoó Néná nga atíxomaa̱ nga sa̱ꞌín.

Lebitiko̱ 8:17

ta̱nga tji̱xi̱ín, yojoo̱, ko̱jo yeꞌee̱ kui cho̱o̱, ki̱a̱ ítí ndi̱tsee̱n ngi̱ndie nínga síndo ndiꞌaa̱ xotaa̱, xikó má katsoó Néná nga atíxomaa̱ nga sa̱ꞌín.

Lebitiko̱ 8:29

Sꞌe̱ Moisee̱ iskjíbé ni̱se̱e̱n kui cho̱o̱, kui xi chji̱a̱ni kui kjo̱a̱tjoó, ta̱nga xi tsoboaá kui, kó katsꞌénkꞌasꞌien xikótsꞌèn niꞌánkꞌasꞌien kui kjo̱a̱tjoó. Ngayeje kui nii̱ bo̱a̱ má katsꞌén, xikó má katsoó Néná nga atíxomaa̱.

Lebitiko̱ 8:5

Moisee̱ bi̱ katsoó: «Kjo̱a̱botíxomaa̱ Néná boá xi tjítsꞌenkjatjosón an».

Lebitiko̱ 8:9

Kó to̱ko̱ íjñaá ni ꞌbíꞌá tokoo̱, kó nga̱soón kui nii̱ yítꞌaa̱ ndí axtañó xi to̱nsinieé, bo̱a̱ katsꞌén xikó má katsoó Néná nga atíxomaa̱. Kui ndí axtañó xi to̱nsinieé, kuí boá xi katsóyà nga Aaroo̱n boá xi ngo chináꞌmi xi je ta̱ xaá Néná tsí xi kisꞌijñani.

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

1 Xota̱ Korinto̱ 11:23

Ngatꞌa̱ ni xi akóyána Ndi̱a̱ná kuí má ni xi akoyájnúꞌun: Nga Ndi̱a̱ná Kjisoo̱ iskjíbé paa̱n kui ni̱xtji̱e̱n nga kiniꞌánkꞌasꞌien kui,

1 Xota̱ Korinto̱ 15:3

Ngatꞌa̱ tjón má ni xi kiniꞌánkꞌasꞌienna xi katsꞌenkꞌasꞌienjnúꞌun: Akoyájnúꞌun nga Kristoo̱, jéná xí kꞌientjé xikótsꞌèn kjitꞌa xo̱jo̱n eén Néná,

Ndeuteronomio̱ 12:32

Kuíni nga ti̱ꞌankjatjosónjnú kui kjo̱a̱botíxomaa̱, kó nga chjeꞌéxínjínjnúu̱ ngo ni, ti̱nde nga fosónjínjnúu̱ ngo ni.