Lebitiko̱ 8:21 - Xo̱jo̱n eén Néná

²¹ Kó aniéjón sé ko̱jo tsiꞌee̱ kui cho̱o̱, kó ítí ngayeje cho̱tsa̱nga̱ xi jaꞌatji ndi̱ja̱a̱, xikótsꞌèn ꞌbítí kjo̱a̱tjó xi sije̱n maa̱, nganda tsi̱ꞌe̱ Néná. Moisee̱ bo̱a̱ má tsꞌén, xikó má katsoó Néná nga atíxomaa̱.

Lebitiko̱ 8:21 ပူးပေါင်းရင်းမြစ်များ

Jenesii̱s 8:21

Kó Néná ngije jaꞌándá sije̱n sije̱e̱n kui nii̱, bi̱ katsó ngi̱jin ini̱ma̱a̱: «Ndatsi xota̱ nga̱sondiee̱ ndajín ni xi tsꞌénkjó ngi̱jin ini̱ma̱a̱ ndeskande koó nga kjindí, nginijánjín kotijée̱ nga sa̱ꞌinkjié an tꞌanangii̱ ta̱ngatꞌanii̱ xota̱ nga̱sondiee̱, xikó je katsꞌen an.

Éksondo̱ 12:9

Ta̱nga ka̱májín yojo xi xkjuién ko̱jo tsi yojo xi kachjándá skji̱ni̱e̱, chjiéngá kꞌuítsjó ngi̱jin ndiꞌií, kó ti̱ skji̱ni̱e̱ to̱ko̱, ko̱jo se, ko̱jo tsiꞌee̱ kui cho̱o̱ nga.

Éksondo̱ 29:18

Kó ki̱a̱ nga̱són ṉchaa̱n tꞌítí ji ngayeje kui nii̱, kuí boá kui nii̱ kjo̱a̱tjó xi sije̱n ka̱mana an, tsi̱ꞌe̱ nga sa̱ꞌinjetakón an jeé xotaa̱.

Éksondo̱ 40:16

Ni̱xtjin ngoo̱ sá xi ꞌmí Abii̱b, kjiꞌá boá nga kachjaninkꞌa ndiꞌandikoón Néná, kó bo̱a̱ má tsꞌén kachjaninkꞌa xikótsꞌèn atíxoma Néná. Jè má ngo nó chi̱bo̱a̱ chi̱bo̱a̱ je jaꞌa nga jatjoni xota̱ Israee̱l nangi Ejipto̱ nga bo̱a̱ kamá.

Lebitiko̱ 1:17

Jaskan ngatatiengaa̱ kui cho̱o̱, ta̱nga jmí tsi kjo̱a̱ꞌáxiín nga̱a̱, kó jmí tsi jó tjín kꞌo̱xié. Kó nga fetꞌaa̱ kui chináꞌmii̱ ki̱a̱ ngatꞌítí nga̱són chikín xí tjítií kui cho̱o̱. Kuí boá kui nii̱ xi ngo kjo̱a̱tjó xi sije̱n, xi si̱ꞌankꞌasꞌien nganda tsa̱ꞌa̱n».

Lebitiko̱ 2:9

Kó ki̱a̱, já chináꞌmii̱ ku̱i̱ꞌítí chiboa kui kjo̱a̱tjoó, tsi̱ꞌe̱ nga jún kjo̱a̱ꞌátsjienjnú nga án boá xi tsꞌéntsjájnúꞌun ngayeje nii̱. Kuí boá kui nii̱ xi ngo kjo̱a̱tjó xi sije̱n, xi si̱ꞌankꞌasꞌien nganda tsa̱ꞌa̱n.

Lebitiko̱ 8:13

Nga fetꞌa, Moisee̱ tsíchji̱a̱ jaá Aaroo̱n tsi̱ꞌe̱ nga ko̱e̱je̱kon tiñaa̱, kó katsꞌénkajá ńjño xi boajá já chináꞌmii̱, iskjienꞌniuú ńjño xi ꞌbíkjá ndáyaá, ísoón ni ꞌbíꞌá tokoo̱, xikó má katsoó Néná nga atíxomaa̱ nga sa̱ꞌín.

Lebitiko̱ 8:9

Kó to̱ko̱ íjñaá ni ꞌbíꞌá tokoo̱, kó nga̱soón kui nii̱ yítꞌaa̱ ndí axtañó xi to̱nsinieé, bo̱a̱ katsꞌén xikó má katsoó Néná nga atíxomaa̱. Kui ndí axtañó xi to̱nsinieé, kuí boá xi katsóyà nga Aaroo̱n boá xi ngo chináꞌmi xi je ta̱ xaá Néná tsí xi kisꞌijñani.

Xota̱ Éfeso̱ 5:2

Kó tjó ti̱ꞌanjo̱jnú ngayeje xotaa̱, xikótsꞌèn tjó katsꞌénná Kristoo̱ nga kꞌientjéná, kó katsjá yojoo̱ xikoó ngo chji̱e̱, ko̱jo kjo̱a̱tjó xi sije̱n kamaá Néná nga kiniꞌánkꞌasꞌiee̱n.