Lebitiko̱ 8:13 - Xo̱jo̱n eén Néná

¹³ Nga fetꞌa, Moisee̱ tsíchji̱a̱ jaá Aaroo̱n tsi̱ꞌe̱ nga ko̱e̱je̱kon tiñaa̱, kó katsꞌénkajá ńjño xi boajá já chináꞌmii̱, iskjienꞌniuú ńjño xi ꞌbíkjá ndáyaá, ísoón ni ꞌbíꞌá tokoo̱, xikó má katsoó Néná nga atíxomaa̱ nga sa̱ꞌín.

Lebitiko̱ 8:13 ပူးပေါင်းရင်းမြစ်များ

Xo̱jo̱n Salmoo̱ 132:9

Já chináꞌmìi̱ ko̱a̱ja̱ ńjño xi bokó kjo̱a̱kixi̱i̱, kó xota̱ na̱xi̱ńdáa̱ tsjangatamaa̱ nga si̱eé.

Éksondo̱ 40:13

Kó Aaroo̱n chjiéngá ko̱a̱ja̱ ńjñondio xi tsi̱ꞌe̱ chináꞌmii̱, kó nangínjìn ji isti̱ tsi̱ꞌe̱ nga chináꞌmi xi tsa̱ꞌa̱n ka̱ma.

Éksondo̱ 40:16

Ni̱xtjin ngoo̱ sá xi ꞌmí Abii̱b, kjiꞌá boá nga kachjaninkꞌa ndiꞌandikoón Néná, kó bo̱a̱ má tsꞌén kachjaninkꞌa xikótsꞌèn atíxoma Néná. Jè má ngo nó chi̱bo̱a̱ chi̱bo̱a̱ je jaꞌa nga jatjoni xota̱ Israee̱l nangi Ejipto̱ nga bo̱a̱ kamá.

Lebitiko̱ 10:5

Kó kijí kui jaá, kó ti̱ kuii̱ chi̱nga ndioo̱ kui ini̱ma̱ xi je jesoón xi íxtiéní, kó tsꞌaxiéni ki̱a̱ nínga síndo ndiꞌaa̱ xotaa̱.

Lebitiko̱ 8:21

Kó aniéjón sé ko̱jo tsiꞌee̱ kui cho̱o̱, kó ítí ngayeje cho̱tsa̱nga̱ xi jaꞌatji ndi̱ja̱a̱, xikótsꞌèn ꞌbítí kjo̱a̱tjó xi sije̱n maa̱, nganda tsi̱ꞌe̱ Néná. Moisee̱ bo̱a̱ má tsꞌén, xikó má katsoó Néná nga atíxomaa̱.

1 Xo̱jo̱o̱n Peé 2:5

ko̱jo jún kjimajnú xikoó ndi̱jo̱ xi síndo tikón, kó Néná boá xi iskjininkꞌajnú xikoó ngo na̱ngo̱xi̱ xi jmí tsi kui nga̱sondiee̱ chji̱a̱ni, bo̱a̱ tsꞌén nga jún boá xi kiniꞌánjnú xikoó chináꞌmi tsjiee̱ Néná, xi tsꞌenkꞌásꞌieén kjo̱a̱tjó xi tsja maa̱ Néná ngatꞌaa̱ Jesukristoo̱.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.

Ni xi akakoo̱ 1:6

kó kuí boá xi botixómáná, ko̱jo xi katsꞌénná chináꞌmi xi tsꞌén xaá Nee̱, kui xi Na̱ꞌmii̱. ¡Kjo̱a̱jee̱ Néná, ko̱jo ngaꞌniuú kui tsi̱ꞌe̱ ngatama ngatsjéni̱xtjin! Bo̱a̱ kjiꞌi.

Ni xi akakoo̱ 5:10

kó kuí xotaa̱ xi kiniꞌín ji re xi tsi̱ꞌe̱ Néná, kiniꞌín ji chináꞌmi xi tsi̱ꞌe̱ Néná, kó kuí boá xi ko̱tíxoma ngayeje tꞌanangii̱.