Lebitiko̱ 7:37 - Xo̱jo̱n eén Néná

³⁷ Kó ti̱ bo̱a̱ tsꞌén je kisꞌijña kótsꞌèn chjiéngá si̱ꞌankꞌasꞌien kui kjo̱a̱tjó xi ꞌbítí nganda tsi̱ꞌe̱ Néná, ko̱jo kui kjo̱a̱tjó xi ni xi maxchá jno̱, ko̱jo kui kjo̱a̱tjó xi niꞌánkꞌasꞌien nga nda chꞌiá nginí Néná, ko̱jo kui kjo̱a̱tjó xi niꞌánkꞌasꞌien kjiꞌanga boeꞌéxaá já chináꞌmii̱, ko̱jo kui kjo̱a̱tjó xi niꞌánkꞌasꞌien nga chjiáꞌaá Néná nga nda ko̱jo nga tsjatsꞌèn mindyión.

Lebitiko̱ 7:37 ပူးပေါင်းရင်းမြစ်များ

Éksondo̱ 29:1

Néná to̱kó atíxomaraa̱ Moisee̱ kjo̱a̱a̱ nga ko̱e̱ꞌéxaá chináꞌmii̱, kó bi̱ katsoó: «Chjábé jí ngo ndií cho̱yojo ko̱jo jó cho̱tsa̱nga̱ xi jaꞌatji ndi̱ja̱a̱ xi ndakón.

Éksondo̱ 29:22

»Kó nga kui cho̱tsa̱nga̱ xi jaꞌatji ndi̱ja̱a̱ xi si̱ꞌankꞌasꞌiennii̱ xaá chináꞌmii̱, tꞌíjñitꞌaxín ji xinieé ńtsꞌen kui cho̱o̱, ko̱jo xinié xí kjijon tsiꞌee̱, ko̱jo xinié xí kjijon chi̱nga̱ndaa̱ ko̱jo ti̱ꞌmi xí kixi̱i̱, ko̱jo nga jó chjo̱ondáyaá, ko̱jo kui xinié xí kjijoo̱n.

Lebitiko̱ 1:1

Néná tsíchji̱a̱a̱ Moisee̱ ndeskande ki̱a̱ nínga tikón ndiꞌandikoón, kó bi̱ tsꞌén atíxomaa̱,

Lebitiko̱ 5:7

»Tsi xi katsꞌénjeé jmíjiín to̱n xi kꞌo̱tsieni ngo ndí tindso̱ chjo̱on, chjiéngá jó tójo ko̱jo tsi jó toṉña̱ xi ngatsꞌénkꞌásꞌiénna. Chináꞌmii̱ ngatjíjoo̱ nga jó kui cho̱o̱, kó chináꞌmii̱ ngo kui cho̱o̱ xi sa̱ꞌínkꞌasꞌienna tsi̱ꞌe̱ nga sa̱ꞌinjetakóo̱n jeé, kó xi ingo kui cho̱o̱ nganda tsa̱ꞌa̱n ngatꞌítí. Cho̱ xi tjoón nga kjítꞌósén, ta̱nga nga ꞌboxiékjojín to̱ko̱,

Lebitiko̱ 6:20

«Kjiꞌanga Aaroo̱n ko̱jo xota̱ tji̱e̱ tsi̱ꞌe̱ ko̱e̱ꞌéxaá nga chináꞌmina ka̱ma, chjiéngá jó kilo̱ ndso̱ko̱a̱n ṉño̱pan sa̱ꞌínkjién nga sa̱ꞌínkꞌasꞌienna ngo kjo̱a̱tjó. Ngo kilo̱ sa̱ꞌínkꞌasꞌienna nga ta̱jño̱ó, kó xi ingo kiloo̱ nga kamángixoón sa̱ꞌínkꞌasꞌienna. »Kui kjo̱a̱tjó xi ndso̱ko̱a̱n ṉño̱paa̱n, chjiéngá tsie isti̱ ku̱i̱ndyiaa̱, kó ngo ngi̱ya sarte̱n si̱ꞌandayá, kó ku̱i̱chíyá nga si̱ꞌankꞌasꞌienna. Jaskan kꞌuití yeje, xikoó ngo kjo̱a̱tjó xi sije̱n. Kui kjo̱a̱tjoó, ka̱májín tjín xí skji̱ni̱e̱. »Kui kjo̱a̱kitii̱ jmíni̱xtjin sa̱síkjo».

Lebitiko̱ 8:22

Kó Moisee̱ katsangiyakjaꞌá xí ingo cho̱tsa̱nga̱ xi jaꞌatji ndi̱ja̱a̱ xi niꞌánkꞌasꞌien tsi̱ꞌe̱ nga boeꞌéxaá ngo xota̱. Kó Aaroo̱n ko̱jo ndií íjñasoón tsja to̱ko̱ kui cho̱o̱, sꞌe̱ Moisee̱ katsꞌénkꞌién kui cho̱o̱. Jaskan ngije kamá kui nii̱, Moisee̱ katsꞌénkꞌandyi̱ni xtín tsja jiín kui cho̱o̱, kósꞌe̱ tji̱bo̱a̱nijon xi kixi̱ Aaroo̱n katsangijon, ko̱jo xtín jeé tsja xi kixi̱, ko̱jo xtín jeé se xi kixi̱ Aaroo̱n nga.