Lebitiko̱ 7:31 - Xo̱jo̱n eén Néná

^31-32 Kósꞌe̱ chináꞌmii̱ ngatꞌítí xinieé kui cho̱o̱ ki̱a̱ nga̱són ṉchandikónna. »Kjo̱a̱a̱ kui kjo̱a̱tjoó, ni̱se̱e̱n kui cho̱o̱ tsi̱ꞌe̱ já chináꞌmii̱ ka̱ma, ta̱nga ti̱ꞌmi xí kixi̱i̱ kui cho̱o̱ chjiéngá kui chináꞌmi xi sa̱ꞌínkꞌasꞌien kui kjo̱a̱tjoó skjíbé,

Lebitiko̱ 7:31 ပူးပေါင်းရင်းမြစ်များ

Éksondo̱ 29:26

»Ngije katseꞌéxée̱ Aaroo̱n nga kui xi ka̱ma chináꞌmina, chjábé jí ni̱se̱e̱n kui cho̱tsa̱nga̱ xi jaꞌatji ndi̱ja̱a̱, kó án ti̱ꞌinkꞌasꞌinní ki̱a̱ ṉchandikónna. Kó kui ni̱se̱e̱n kui cho̱o̱ ji chjábé jí,

Lebitiko̱ 5:13

»Bo̱a̱ tsꞌén nga sa̱ꞌínkꞌasꞌien chináꞌmii̱ kui kjo̱a̱tjoó, tsi̱ꞌe̱ nga an sa̱ꞌinjetakóo̱n ta̱ꞌyaní xi katsꞌén ngo kui jeé. »Ni xi kꞌo̱ngii̱ kui kjo̱a̱tjoó, tsi̱ꞌe̱ chináꞌmii̱ ka̱ma, xikó niꞌaán nga niꞌánkꞌasꞌien ni xi maxchá jno̱o̱».

Lebitiko̱ 6:16

»Já chináꞌmii̱ boá xi skji̱ni̱e̱ ni xi kꞌo̱ngii̱ kui kjo̱a̱tjoó, ngatꞌa̱ kuí boá kui nii̱ xi ngatsjéni̱xtjin nga tsꞌéntsjàa̱. Kjiꞌanga sa̱ꞌínchján kui nii̱ ka̱májín ku̱i̱ndyiaá nisan, kó chjiéngá ki̱a̱ skji̱ni̱e̱ ndi̱tsee̱n ndiꞌandikoón, kui ngi̱ndie xi xá tikónni tsi̱ꞌe̱ nga ki̱a̱ skji̱ni̱e̱. Kuí boá kui nii̱ xi ngo kjo̱a̱tjó xi ndikón, xikoó kui kjo̱a̱tjó xi niꞌánkꞌasꞌien tsi̱ꞌe̱ nga niꞌánjetakón ngo jé. Tsi tjín ni xi ki̱a̱ si̱tꞌaa̱ kui kjo̱a̱tjoó, chjiéngá ndikón ka̱ma xikoó kui kjo̱a̱tjoó nga».

Lebitiko̱ 6:26

Kui chináꞌmi xi sa̱ꞌínkꞌasꞌien kui kjo̱a̱tjoó, chjiéngá skji̱ni̱e̱ ngo tjín kuí kjo̱a̱tjoó ki̱a̱ ndi̱tsee̱n ndiꞌandikoón, ki̱a̱ nínga tikón kui ngi̱ndie xi ta̱ xá ki̱a̱ xi̱ni̱e̱ni.

Lebitiko̱ 7:34

Án boá xi je bo̱a̱ kixian an, nga ni̱se̱e̱n ko̱jo ti̱ꞌmi̱í kui cho̱o̱ ngatsjéni̱xtjin nga tsi̱ꞌe̱ chináꞌmii̱ ka̱ma. Ngayeje kui kjo̱a̱tjó xi sa̱ꞌínkꞌasꞌien xota̱ Israee̱l, ngatsjéni̱xtjin nga kui nii̱ xi stso̱ba̱a̱ nga skjíbé já chináꞌmii̱».

Lebitiko̱ 8:29

Sꞌe̱ Moisee̱ iskjíbé ni̱se̱e̱n kui cho̱o̱, kui xi chji̱a̱ni kui kjo̱a̱tjoó, ta̱nga xi tsoboaá kui, kó katsꞌénkꞌasꞌien xikótsꞌèn niꞌánkꞌasꞌien kui kjo̱a̱tjoó. Ngayeje kui nii̱ bo̱a̱ má katsꞌén, xikó má katsoó Néná nga atíxomaa̱.

Xki̱ 18:11

»Ji ko̱jo xota̱ tji̱e̱e̱ xi chjo̱on xí xi̱ꞌin, kuí tsꞌéntsjàa̱ ngayeje kui kjo̱a̱tjó xi ndikón xí foeꞌejo̱na xota̱ Israee̱l. Ka̱ma skji̱ni̱e̱ ngayeje xota̱ xi je katsꞌénkjatjosón ni xi je tsíꞌá an nga sa̱ꞌínkjatjosón nga kjo̱chó ngindyikón án. Kui kjo̱a̱kitii̱ ngatsjéni̱xtjin nga kꞌuijñá.

1 Xota̱ Korinto̱ 9:13

A yàjínjnú nga xi tsꞌénxá na̱ngo̱xi̱i̱ kjinie ni xi tjoꞌósón tsi̱ꞌe̱ na̱ngo̱xi̱i̱, ko̱jo xi ndyi̱tsꞌènxátꞌa ṉchandikoón ti̱ ki̱a̱ sakoó yojoo̱ cho̱ xi niꞌánkꞌién ki̱a̱a̱ nga.

Ndeuteronomio̱ 18:3

»Chináꞌmii̱ ka̱ma skji̱ni̱e̱ yojoo̱ cho̱yojo toro̱, ko̱jo cho̱tsa̱nga̱ xi si̱ꞌankꞌasꞌiee̱n Néná, ta̱nga ta̱kuítsí yojoyìtsꞌe̱n, ko̱jo yojo tꞌanijon, ko̱jo ngo ndiè nga̱tsꞌo̱a̱ xi ka̱ma skji̱ni̱e̱.