Lebitiko̱ 7:18 - Xo̱jo̱n eén Néná

¹⁸ »Tsi tjín xí skji̱ni̱e̱ kui yojoo̱ nga kamáńgi, kui xi bo̱a̱ sa̱ꞌiín, sa̱ꞌínjé. Kó an ngiti̱ skjíbéjín an kui kjo̱a̱tjoó, ti̱nde ngiti̱ koaꞌaxki̱jín an, ngatꞌa̱ ngo xi chꞌo xiáa̱n.

Lebitiko̱ 7:18 ပူးပေါင်းရင်းမြစ်များ

Énkjínkón 15:8

Chꞌórií Néná kjo̱a̱tjó xi tsꞌenkꞌásꞌién xota̱ xi ꞌniú ndajiín, ta̱nga achichí tsjá maá nga ntꞌieé, kjiꞌanga xota̱ xi kixi̱i̱ chji̱a̱a̱ Néná.

Lebitiko̱ 10:17

—Ánní nga kichiniejínjnú kui tindsoo̱ ki̱a̱ ndiꞌandikoón. A mí tsí jè yàjnú nga kui kjo̱a̱tjoó, ni xi ndikón boá, ¡kjo̱a̱tjó xi niꞌánkꞌasꞌien tsi̱ꞌe̱ nga niꞌánjetakón jé boá! Kó kuí kjo̱a̱tjoó xi Néná tsꞌénjétakónni jéjnú, ko̱jo jeé xota̱ na̱xi̱ńdaá.

Lebitiko̱ 10:19

Kó Aaroo̱n bi̱ katsoó: —Ngotꞌe̱, ndína Nandaa̱b ko̱jo Abiuu̱, kijítsꞌenkꞌásꞌieén ngo kjo̱a̱tjó Néná, tsi̱ꞌe̱ nga sa̱ꞌínjetakoón jeé, kó ti̱ ítí ngo kjo̱a̱tjó nganda tsi̱ꞌe̱ Néná, ta̱nga jè ndajín kamá nga kichajá kui jána xi̱ꞌba̱. A beriítakín nga Néná tsja kamaá tsi ngotꞌe̱ iskjíni̱e̱ an kui kjo̱a̱tjó xi niꞌánkꞌasꞌien tsi̱ꞌe̱ nga niꞌánjetakón jeé.

Lebitiko̱ 11:41

»Jún ka̱májín xi̱ni̱e̱jnú yojoo̱ ngayeje cho̱ xi ꞌbifé yojoo̱ nga̱són tꞌanangii̱, ngatꞌa̱ tsjiejín kui cho̱o̱.

Lebitiko̱ 17:16

Tsi sa̱ꞌínkjatjosónjín kjo̱a̱botíxomana, ka̱majérií kjo̱a̱a̱ nga tsintꞌiéꞌénjín».

Lebitiko̱ 19:5

»Kjiꞌanga ngo kjo̱a̱tjó si̱ꞌankꞌasꞌienjnúꞌun, tsi̱ꞌe̱ nga chji̱a̱ꞌajnúꞌun nga nda ko̱jo nga tsjatsꞌèn ku̱i̱ndyionjnú, ti̱ꞌankꞌasꞌiénjnúꞌun kui kjo̱a̱tjoó nga tsja ngatamana.

Lebitiko̱ 20:17

»Tsi tjín xí kjojñájo̱ ndichja, ta̱nisién ꞌniú ndajín kui jeé, kó chjiéngá ku̱i̱ꞌíchjí kui ni xi ndajín xi katsꞌeén. Ngindyi̱ko̱n ngayeje xota̱ Israee̱l, nga nga joó nga ku̱i̱yòtjíngií ki̱a̱ na̱xi̱ńdaá.

Lebitiko̱ 20:19

»Tsi tjín xí kjojñájo̱ ndyikjoaa̱n, chjiéngá nga joó nga ka̱majeé, ngatꞌa̱ ta̱ ngo xtín xota̱ má.

Lebitiko̱ 22:16

Xi ta̱xkiya skji̱ni̱e̱, sa̱ꞌín jé. An, Nee̱ xota̱ Israee̱l boá xi je katsjaxáa̱ nga ta̱ xána tsí xi sa̱ꞌín».

Lebitiko̱ 22:23

Ti̱nde ngata̱ niꞌánkꞌasꞌiénjínjnúꞌun cho̱ xi kijítie too̱, ko̱jo tsi xi kijísꞌién too̱, ko̱jo tsi kiti too̱, ko̱jo tsi kachjóntindsó too̱. Tsi kui ndií cho̱yojoo̱ ko̱jo tsi kui cho̱tsa̱nga̱ xi si̱ꞌankꞌasꞌienjnúꞌun ndajínkjiꞌi yojoo̱, ka̱má si̱ꞌankꞌasꞌienjnúꞌun tsi ngayeje ini̱ma̱jnú, ta̱nga ka̱májín si̱ꞌankꞌasꞌienjnú tsi̱ꞌe̱ nga kjo̱tjosón ngo ni xi kiꞌmíyatjónjnú nga si̱ꞌánjnú.

Lebitiko̱ 22:25

»Ngata̱ chjábéjínjnúu̱ tsi ngo xota̱ xi xín nangi chji̱a̱ni xi sa̱ꞌínkꞌasꞌienjnú ngo kui cho̱o̱, tsi̱ꞌe̱ nga kjo̱a̱tjó xi tsa̱ꞌa̱n si̱ꞌánjnú. Skjíbéjín an ngo cho̱ xi ndajínkjiꞌi».

Lebitiko̱ 5:17

»Tsi tjín xí nde bejín nga tsintꞌiéꞌénjínna, kó tsi sa̱ꞌínjé, chjiéngá ngo kjo̱a̱tjó sa̱ꞌínkꞌasꞌienna.

Lebitiko̱ 7:19

»Ngayeje xota̱ xi tsjie tsoó yojoo̱, ka̱ma skji̱ni̱e̱ yojo. Ta̱nga tsi tjín ni xi tsjiejín tjíꞌmií xi si̱tꞌaa̱ kui yojoo̱, ka̱májín xi̱ni̱e̱ kui yojoo̱, chjiéngá kꞌuití.

Xki̱ 18:27

xikó tsꞌén xota̱ Israee̱l nga an tsꞌenkꞌásꞌienna tie nga úchaán to ndso̱ko̱a̱n ṉño̱paa̱n ko̱jo binoo̱.

Rkaa̱ 16:15

Kó Kjisoo̱, bi̱ katsoó kui jaá: –Jún ngindyi̱ko̱n xotaa̱ kixi̱ májnú yojojnú, ta̱nga Néná be kókjiꞌi ini̱ma̱jnú. Ngatamakjínjnú nga ni xi achichí bendikón xotaa̱, ngindyi̱ko̱n Néná ni xi ta̱nisién ꞌniú chꞌokjiꞌi boá.

Xota̱ Roma̱ 4:11

Kó Abraa̱n kiniꞌaán sirkunsisioo̱n xikoó ngo chi̱bo̱a̱ nga je kiniꞌánkixi̱, kó kui nii̱ xi katseꞌeé ngindiee̱ nga si̱ꞌaa̱n sirkunsisioo̱n. Bo̱a̱ tsꞌén nga Abraa̱n xi kamá na̱ꞌmii̱ ngayeje xota̱ xi sꞌijii̱n Néná, ndatsi jmíjiín sirkunsisioo̱n, tsi̱ꞌe̱ nga kui xotaa̱ xꞌi̱a̱xki̱ kjo̱a̱sꞌijii̱n nga ka̱ma kixi̱.

Xota̱ Ebreo̱ 9:28

Kuíni nga ti̱ bo̱a̱ ti̱ tsꞌén Kristoo̱ ta̱ ngo tsí ndi̱yà katsjá yojoo̱ nga kiniꞌánkꞌién tsi̱ꞌe̱ nga kijíjo̱ jeé xotaa̱. Jaskan kji̱ndi̱bá nginí ingo ndi̱yà, ta̱nga jè ngiti̱ kjo̱a̱a̱ jeéjín nga kjo̱e̱ꞌe, kji̱ndi̱bá tsi̱ꞌe̱ nga kꞌo̱xiéꞌá xota̱ xi ndyi̱koyaa̱ kui.

1 Xo̱jo̱o̱n Peé 2:24

Kuí Kristoo̱ xi kijíjo̱ jéná ngi̱jin yojoo̱ ki̱a̱ tꞌa kroo̱, tsi̱ꞌe̱ nga ñá ko̱yà kjo̱a̱a̱ jé xí kiniꞌán, kó ku̱i̱ndyión kjo̱a̱a̱ kjo̱a̱kixi̱i̱. Kó ta̱ngatꞌanii̱ nga kiniꞌánꞌoón Kristoo̱ nga jún je kamándayajnú.