Lebitiko̱ 6:27 - Xo̱jo̱n eén Néná

^27-30 »Tsi tjín ni xi ki̱a̱ si̱tꞌaa̱ kui kjo̱a̱tjoó, chjiéngá ndikón ka̱ma, xikoó kui kjo̱a̱tjoó nga. »Tsi ngo ti̱jì si̱ꞌanchjányá yojoo̱ kui cho̱ xi si̱ꞌankꞌasꞌiee̱n, chjiéngá ko̱kjan kui ti̱ji̱í ngije kamá kui nii̱. Kó tsi ti̱jì xi ki̱cha̱ bronse̱ si̱ꞌanchjányá, kui ti̱ji̱í chjiéngá chjajoón ngi̱yaa̱, kósꞌe̱ ndáfoa ko̱niéyáni ngijee̱. »Tsi jiín kui cho̱o̱ skji̱jon ńjñoo̱ ngo kui já chináꞌmii̱, chjiéngá ko̱niéjón ki̱a̱ nínga katjonjón kui jiín, kó ki̱a̱ ko̱niéjón ngo ngi̱ndie xi ta̱ xá tikónni. »Tsi kui jiín ki̱a̱ kongínjo̱ ndiꞌandikoón tsi̱ꞌe̱ nga chji̱a̱ꞌa ngo kjo̱a̱niꞌánjetakón kjo̱a̱a̱ ngo jé, ka̱májín xi̱ni̱e̱ yojoo̱, chjiéngá kꞌuití. »Ndikón kuí kjo̱a̱tjoó, kó ta̱ chináꞌmii̱ tsí xi ka̱ma skji̱ni̱e̱ kui nii̱.

Lebitiko̱ 6:27 ပူးပေါင်းရင်းမြစ်များ

Éksondo̱ 30:29

Ngije kiniꞌín ji kui nii̱, ngayeje ni xi niꞌánkjieén, ni xi ta̱ xá tsa̱ꞌa̱n je ka̱ma, kó chjiéngá ni xi ndikón ka̱ma ngijee̱. Ngayeje ni xi si̱tꞌaa̱ kui nii̱, ka̱matsjie nga, kó jè ta̱ xá tsa̱ꞌa̱n ka̱ma ngijee̱.

Lebitiko̱ 11:32

Tsi ngo yojo kꞌiee̱n kui cho̱o̱, kꞌo̱kanieé ngo ni xi yá ko̱jo tsi tji̱xi̱ín, ko̱jo tsi ngo ńjño xi chajá, ko̱jo tsi ngo ki̱cha̱ xi niꞌánkjién nga niꞌánxá, ngayeje kui ni xi bo̱a̱ ka̱maa̱, tsjiejín ka̱ma ngaskande nga ka̱majñoó, kó tsi̱ꞌe̱ nga ka̱matsjie nginí, chjiéngá nda ko̱niéjónni ndáfoa.

Lebitiko̱ 7:19

»Ngayeje xota̱ xi tsjie tsoó yojoo̱, ka̱ma skji̱ni̱e̱ yojo. Ta̱nga tsi tjín ni xi tsjiejín tjíꞌmií xi si̱tꞌaa̱ kui yojoo̱, ka̱májín xi̱ni̱e̱ kui yojoo̱, chjiéngá kꞌuití.

Matioo̱ 14:36

kó ꞌniú kichjiáꞌaá tsi̱ꞌe̱ nga ndeta̱ ńjñoo̱ xí si̱ꞌanjo̱, kó ngayeje xota̱ xi oo̱n xi katsꞌénjo̱ ńjñoo̱ Kjisoo̱ kamándaya.

Matioo̱ 9:21

ngatꞌa̱ bi̱ tsꞌén katsꞌénkjó: «Tsi ndeta̱ ńjñoo̱ xí sa̱ꞌinjo̱ an, kó kjo̱tjoꞌa an.»

2 Xota̱ Korinto̱ 7:1

Jún xota̱ xi tjóna, ñá tsa̱ñá ni xi katsóyàtjón Néná nga tsja̱á xota̱ xi tsi̱ꞌe̱. Kuíni nga tsjietsꞌén ku̱i̱ndyión ngindyi̱ko̱n Néná, nga xín kꞌuijñá ni xi tsꞌénndándí yojoná, ko̱jo ini̱ma̱ná. Si̱ꞌando̱jò kjin kjin kui kjo̱a̱tsjiee̱ nga xcha̱ndikón Néná.

2 Xota̱ Korinto̱ 7:11

Tsitsíjenjnúu̱ kókjiꞌi ni xi nda jeꞌejo̱jnú kui kjo̱a̱ndasen xi tsi̱ꞌe̱ Néná. Kamáyàjnú nga jmí jéjínna, kó ngaskande kaꞌnaxiéꞌájnúꞌun. Ti̱ bo̱a̱ ti̱ tsꞌén kiniꞌánxchánjnú, kó kandakonjnú tsi ngo ni xi ndajín ka̱ma. Kamámejénjnú xcha̱jnúꞌun, kó kiniꞌánjéjnúu̱ nda̱ xi tjiín jeé. Ngayeje kui nii̱ xi jún akakonijnú nga jmí ni yàjínjnú kjo̱a̱a̱ ni chꞌokjiꞌi xi kamaá.