Lebitiko̱ 6:20 - Xo̱jo̱n eén Néná

^20-23 «Kjiꞌanga Aaroo̱n ko̱jo xota̱ tji̱e̱ tsi̱ꞌe̱ ko̱e̱ꞌéxaá nga chináꞌmina ka̱ma, chjiéngá jó kilo̱ ndso̱ko̱a̱n ṉño̱pan sa̱ꞌínkjién nga sa̱ꞌínkꞌasꞌienna ngo kjo̱a̱tjó. Ngo kilo̱ sa̱ꞌínkꞌasꞌienna nga ta̱jño̱ó, kó xi ingo kiloo̱ nga kamángixoón sa̱ꞌínkꞌasꞌienna. »Kui kjo̱a̱tjó xi ndso̱ko̱a̱n ṉño̱paa̱n, chjiéngá tsie isti̱ ku̱i̱ndyiaa̱, kó ngo ngi̱ya sarte̱n si̱ꞌandayá, kó ku̱i̱chíyá nga si̱ꞌankꞌasꞌienna. Jaskan kꞌuití yeje, xikoó ngo kjo̱a̱tjó xi sije̱n. Kui kjo̱a̱tjoó, ka̱májín tjín xí skji̱ni̱e̱. »Kui kjo̱a̱kitii̱ jmíni̱xtjin sa̱síkjo».

Lebitiko̱ 6:20 ပူးပေါင်းရင်းမြစ်များ

Éksondo̱ 29:2

Jaskan, ti̱ꞌinkꞌájin ji isti̱ ndso̱ko̱a̱n ńño pan xi ꞌniú ndaa̱, kó ti̱ꞌinde ji pan ko̱jo ngayita̱ xi nanginjon isti̱, ta̱nga nga jmí nisan mindyiéjíi̱n.

Lebitiko̱ 5:1

»Tsi tjín xí ko̱ndókjo̱a̱a̱ tsi̱ꞌe̱ nga chistiko̱ ka̱ma kjo̱a̱a̱ nga sꞌi̱nda ngo ni, kó tsi ka̱mamejénjiín ku̱i̱chji̱a̱ kjo̱a̱a̱ ni xi kamábe ko̱jo ni xi tsintꞌié, kui xota̱ xi̱ꞌba̱ tjítsꞌénjé, kó chjiéngá ka̱majeé. »Tsi tjín xí sa̱ꞌínjo̱ ngo cho̱ xi je kꞌien xi nijón sé, ko̱jo tsi cho̱ xi ꞌbifé yojoo̱ xi tsjiejín ngindyi̱ko̱n Néná, kui xi bo̱a̱ sa̱ꞌiín, sa̱ꞌínjé, kó chjiéngá xota̱ xi tsjiejín ka̱ma nga, ndatsi nde bejín ni xi katsꞌén. »Tsi tjín xí sa̱ꞌínjo̱ ngo ni xi ndándí xí jatjoo̱ yojoo̱ ngo xota̱, chjiéngá xota̱ xi tsjiejín ka̱ma nga, ndatsi nde bejín ni xi katsꞌén. Ngije sku̱i̱e̱ nga ndajínkjiꞌi ni xi katsꞌén, ka̱ma sꞌi̱nié ngo jé. »Tsi tjín xí ku̱i̱chji̱a̱ nga ngiboanéná katsó nga sa̱ꞌínkjatjosón ngo ni, tsi ndajín katsꞌénkjó nga bo̱a̱ katsó, kó tsi kamákjiín nga ndajínkjiꞌi ni xi katsó, ka̱ma sꞌi̱nié ngo jé. »Tsi tjín xí sa̱ꞌín ngo kui jeé, chjiéngá sa̱ꞌínkie yojoo̱ nga bo̱a̱ katsꞌén, kó ngatsꞌénkꞌásꞌiénna ngo kjo̱a̱tjó kjo̱a̱a̱ jé xí katsꞌén ngo tindso̱ chjo̱on, ko̱jo tsi ngo ndí chjo̱ón tindso̱. Kó chináꞌmii̱ kuí boá xi sa̱ꞌínkꞌasꞌien kui kjo̱a̱tjoó nganda tsi̱ꞌe̱ kui xi katsꞌénjeé, kó án sa̱ꞌinjetakóo̱n jeé.

Lebitiko̱ 5:11

»Tsi kui xi katsꞌénjeé jmíjiín to̱n nga kꞌo̱tsieni jó tójo ko̱jo tsi jó toṉña̱, ka̱ma jó kilo̱ ndso̱ko̱a̱n ṉño̱pan xi nda sa̱ꞌínkꞌasꞌienna tsi̱ꞌe̱ nga sa̱ꞌinjetakóo̱n jeé. Kó chináꞌmii̱ ngatjíjoo̱, kó kui chináꞌmii̱ skjíbé ngo tji̱ngo̱ kui ndso̱ko̱a̱n ṉño̱paa̱n, kó ki̱a̱ ku̱i̱ꞌítí nga̱soón ṉchandikoón. Kó bo̱a̱ tsꞌén nga jún kjo̱a̱ꞌátsjienjnú nga án boá xi tsjajnúꞌun ngayeje nii̱. Kuí boá kui nii̱ xi ngo kjo̱a̱tjó xi niꞌánkꞌasꞌien kjo̱a̱a̱ nga niꞌánjetakón jé, kó nga jmí isti̱ ko̱jo nga jmí nisije̱n mindyiajínjnúu̱.

Lebitiko̱ 6:19

Néná ti̱ bi̱ katsoó Moisee̱ nga atíxomaa̱ nga:

Xki̱ 28:3

kꞌi̱e̱ kꞌuijñá chi̱bo̱a̱ an xikótsꞌèn sa̱ꞌín: »Ndyiojón ndyiojón sa̱ꞌínkꞌién ko̱jo ku̱i̱ꞌítí jó ndií cho̱tsa̱nga̱ xi ngo noó, xi ndakón. Ngo sa̱ꞌínkꞌasꞌienna nga ta̱jño̱ó, sꞌe̱ ngo sa̱ꞌínkꞌasꞌienna nga kamángixoón. Ngo litro̱ bino̱ ngataꞌa nga kjo̱jo nga ngo nga ngo cho̱tsa̱nga̱a̱, kó kui binoo̱ ki̱a̱ skjitjónjón ndiꞌandikoón, bo̱a̱ tsꞌén nga sa̱ꞌíndikónna, ko̱jo jó kilo̱ ndso̱ko̱a̱n ṉño̱pan xi nda ngasee̱, xi je kiniꞌánda̱ꞌyo̱ni istii̱ toꞌolibo̱. Ki̱a̱ na̱xi̱ Sinaii̱ je kixiyàa̱ kótsꞌèn nga tsja mana nga niꞌánkꞌasꞌienna kjo̱a̱tjoó.

Xki̱ 4:16

»Eleasaa̱, ndií chináꞌmi Aaroo̱n, kuí boá xi sku̱i̱e̱ kjo̱a̱a̱ isti̱ xi ku̱i̱ndyiaa̱ ni xi ꞌbítíyá ndiꞌí xí tsꞌentsíjee̱n, ko̱jo nisijee̱n, ko̱jo kjo̱a̱tjó xi ngatsjéni̱xtjin si̱ꞌankꞌasꞌienna, ko̱jo isti̱ xi nanginjon xotaa̱ nga boeꞌéxaá. Kó ti̱ kuí boá xi skoón ndiꞌandikoón, ko̱jo ngayeje ni ndikón xí niꞌánkjién ngi̱yaa̱ kui ngi̱ndiee̱».

Xota̱ Ebreo̱ 5:1

Ngayeje chináꞌmi xi ꞌniú nkꞌa xaá xi tjoꞌójin ngi̱jii̱n xotaa̱, katseꞌéxárií ngindyi̱ko̱n Néná, tsi̱ꞌe̱ nga kui xi tsja̱á chji̱e̱ ko̱jo kjo̱a̱tjó xi si̱ꞌankꞌasꞌiee̱n Néná kjo̱a̱a̱ jeé xotaa̱.

Xota̱ Ebreo̱ 7:27

kuí xí chjiénjiín nga sa̱ꞌínkꞌasꞌien kjo̱a̱tjó ndyiojón ndyiojón, xikoó chináꞌmi xi ꞌniú nkꞌa xaá xi chjiéngá tjón mára sa̱ꞌínkꞌasꞌien ngo kjo̱a̱tjó kjo̱a̱a̱ jeé, sꞌe̱ jaskan kjo̱a̱a̱ jeé xota̱ na̱xi̱ńdaá. Ngatꞌa̱ Kjisoo̱ ta̱ ngo tsí ndi̱yà ko̱jo ngatsjéni̱xtjin nga katsꞌénkꞌasꞌien yojoo̱.