Lebitiko̱ 6:16 - Xo̱jo̱n eén Néná

^16-18 »Já chináꞌmii̱ boá xi skji̱ni̱e̱ ni xi kꞌo̱ngii̱ kui kjo̱a̱tjoó, ngatꞌa̱ kuí boá kui nii̱ xi ngatsjéni̱xtjin nga tsꞌéntsjàa̱. Kjiꞌanga sa̱ꞌínchján kui nii̱ ka̱májín ku̱i̱ndyiaá nisan, kó chjiéngá ki̱a̱ skji̱ni̱e̱ ndi̱tsee̱n ndiꞌandikoón, kui ngi̱ndie xi xá tikónni tsi̱ꞌe̱ nga ki̱a̱ skji̱ni̱e̱. Kuí boá kui nii̱ xi ngo kjo̱a̱tjó xi ndikón, xikoó kui kjo̱a̱tjó xi niꞌánkꞌasꞌien tsi̱ꞌe̱ nga niꞌánjetakón ngo jé. Tsi tjín ni xi ki̱a̱ si̱tꞌaa̱ kui kjo̱a̱tjoó, chjiéngá ndikón ka̱ma xikoó kui kjo̱a̱tjoó nga».

Lebitiko̱ 6:16 ပူးပေါင်းရင်းမြစ်များ

Éksondo̱ 12:8

Kó kui ni̱xtji̱e̱e̱n chjiéngá yojo xi ꞌbítsjó skji̱ni̱e̱, ko̱jo pan xi jmí nisanjiín ko̱jo xka̱ xi sa.

Lebitiko̱ 2:3

Ni xi kꞌo̱ngii̱ kui kjo̱a̱tjoó, ni ndikón boá, kó ta̱kuítsí já chináꞌmii̱ xi ka̱ma skji̱ni̱e̱.

Lebitiko̱ 5:13

»Bo̱a̱ tsꞌén nga sa̱ꞌínkꞌasꞌien chináꞌmii̱ kui kjo̱a̱tjoó, tsi̱ꞌe̱ nga an sa̱ꞌinjetakóo̱n ta̱ꞌyaní xi katsꞌén ngo kui jeé. »Ni xi kꞌo̱ngii̱ kui kjo̱a̱tjoó, tsi̱ꞌe̱ chináꞌmii̱ ka̱ma, xikó niꞌaán nga niꞌánkꞌasꞌien ni xi maxchá jno̱o̱».

Lebitiko̱ 6:26

Kui chináꞌmi xi sa̱ꞌínkꞌasꞌien kui kjo̱a̱tjoó, chjiéngá skji̱ni̱e̱ ngo tjín kuí kjo̱a̱tjoó ki̱a̱ ndi̱tsee̱n ndiꞌandikoón, ki̱a̱ nínga tikón kui ngi̱ndie xi ta̱ xá ki̱a̱ xi̱ni̱e̱ni.

Xki̱ 18:8

Kó Néná ti̱ bi̱ ti̱ katsoó Aaroo̱n nga: «Xá chináꞌmi xi tse̱, kuí boá nga ji xi si̱ꞌinkꞌasꞌínní kjo̱a̱tjoó xota̱ Israee̱l. Ngayeje kui kjo̱a̱tjoó jí boá xi tsjaa ko̱jo xota̱ tji̱e̱e̱, kjo̱a̱a̱ xá xí ndyi̱niꞌánjnúꞌun. Kó kui kjo̱a̱kitii̱ ngatsjéni̱xtjin nga kꞌuijñá.

1 Xota̱ Korinto̱ 5:8

Kó kuíni nga chjiéngá si̱ꞌán sꞌué paskuaa̱ nga nda tjíjintakón, ko̱jo nga ja̱koxi̱ ni xi ndyi̱niꞌán, xikó maá pan xi jmí nisan xchájiín. Ngiti̱ si̱ꞌánjín ñá ni xi ndajiín ko̱jo kjo̱a̱too̱n, ngatꞌa̱ kui nii̱ xikónií nisan xi xchaá.