Lebitiko̱ 6:1 - Xo̱jo̱n eén Néná

^1-3 Néná ti̱ bi̱ ti̱ katsoó Moisee̱, kjo̱a̱a̱ ni xi sa̱ꞌín kjiꞌanga ngo xota̱ xi sa̱ꞌín ngo jé xí xikoó xi̱ꞌbi̱: «Tsi tjín jún xi xꞌi̱ṉcha̱jojnú ngo xota̱ Israee̱l kjiꞌanga ko̱ti̱ñájnúu̱ ngo ni, ko̱jo tsi ngiti̱ si̱ꞌankꞌasꞌienjínjnúu̱ tsi ngo ni katsꞌénkondajnú, ko̱jo tsi ngo ni íjñangijnú, kui xota̱ xi bo̱a̱ sa̱ꞌiín, án boá xi tsꞌénꞌboṉcha̱jona. Kó tsi tjín ni xi sa̱ꞌínchejeé, ko̱jo tsi kjo̱a̱ꞌáxín kjo̱a̱ꞌniuú ngo ni xi tsi̱ꞌe̱, kui xota̱ xi bo̱a̱ sa̱ꞌiín, án boá xi tjítsꞌénchéjéna. Kó tsi ngo ni xi kichajá sa̱ko̱ó, kó tsi ánjín xi kasakona ka̱tso̱, kui xota̱ xi bo̱a̱ sa̱ꞌiín, kondra̱ tsa̱ꞌa̱n nga tjítsꞌénjé. Ndatsi ngiboanéná nga bo̱a̱jín katsꞌen an tsi ka̱tso̱, ti̱ kuí xi si̱ꞌniéni jé.

Lebitiko̱ 6:1 ပူးပေါင်းရင်းမြစ်များ

Éksondo̱ 20:15

»Ngata̱ jmí chejé niꞌánjínjnú.

Éksondo̱ 22:1

»Tsi tjín xí sa̱ꞌínchejé ngo cho̱yojo toro̱ ko̱jo tsi ngo cho̱tsa̱nga̱, kó tsi sa̱ꞌínkꞌién ko̱jo tsi ko̱tíñá, chjiéngá ún cho̱yojo ku̱i̱ꞌíchjí ngajo kjo̱a̱a̱ nga ngo cho̱yojo xi katsꞌénchejé, kó nijón cho̱tsa̱nga̱ ku̱i̱ꞌíchjí ngajo kjo̱a̱a̱ nga ngo cho̱tsa̱nga̱ xi katsꞌénchejé.

Éksondo̱ 22:7

»Tsi tjín xí sa̱ꞌínkjaꞌátjó kje̱ꞌe xota̱ to̱n ko̱jo tsi ni chjí xí síndoo̱, kó tsi ngo nda̱ sa̱ꞌínchejé ngayeje kui nii̱, tsi ko̱ndo̱bo̱a̱ xi katsꞌénchejeé, chjiéngá jó bo̱a̱ kjiꞌi ni xi katsꞌénchejé ku̱i̱ꞌíchjí.

Lebitiko̱ 19:21

Kó tsi̱ꞌe̱ nga an sa̱ꞌinjetakóo̱n jeé, kui nda̱a̱ chjiéngá ngo cho̱tsa̱nga̱ xi jaꞌatji ndi̱ja̱a̱ ko̱e̱je̱jo ki̱a̱ ndiꞌandikoón,

Lebitiko̱ 5:19

Kuí boá kui nii̱ xi ngo kjo̱a̱tjó xi niꞌánkꞌasꞌien kjo̱a̱a̱ nga niꞌánjetakón jé».

Lebitiko̱ 7:33

ngatꞌa̱ kuí boá kui nii̱ xi tsoboaá kjo̱a̱a̱ xá xí tsꞌén.

Rkaa̱ 19:8

Kósꞌe̱ Sakeoo̱ kasasienkixi̱, kó bi̱ katsoó Ndi̱a̱a̱: –Ngotꞌe̱ ꞌne̱ Ndi̱a̱, masien ni xi tjínna tsjàa̱ ngayeje xota̱ ni̱ma̱a̱, kó tsi tjín káꞌá xota̱ xi katsꞌenchejée̱, nijón bo̱a̱ kjiꞌi tsjaꞌoyá ngiñáa̱.