Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lebitiko̱ 5:15 - Xo̱jo̱n eén Néná

15-16 «Tsi tjín xí nde bejín, kó ndajín tjítsꞌénjo̱na nga tjítsꞌénkꞌásꞌiénjín ni xi tsoboaá nga sa̱ꞌínkꞌasꞌienna, chjiéngá ngo cho̱tsa̱nga̱ xi jaꞌatji ndi̱ja̱a̱ xi nda sa̱ꞌínkꞌasꞌienna. Kó chináꞌmii̱ sa̱ꞌínkꞌasꞌienna kui cho̱o̱, kó an sa̱ꞌinjetakóo̱n kui xi ndajín katsꞌénjo̱na. Ta̱nga tsi kui xi mejeén, ka̱ma sa̱ꞌínkꞌasꞌienna ngo to̱n xikó kjiꞌi chjií kui cho̱o̱, kó ngi kan poxo̱ nga úchán ngatásoón xikó tjín chjií kui cho̱o̱, kó tsi̱ꞌe̱ chináꞌmii̱ ka̱ma kui to̱n xi̱ꞌba̱. Chjií kui cho̱o̱ ki̱a̱ xchísónnii̱ to̱n xi machjién ki̱a̱ ndiꞌandikoón.

အခန်းကိုကြည့်ပါ။ ကော်ပီ




Lebitiko̱ 5:15
33 ပူးပေါင်းရင်းမြစ်များ  

»Tsi̱ꞌe̱ nga an sa̱ꞌinjetakóo̱n ngayeje xota̱ Israee̱l xi je tsꞌatio kan noó xi je kjiya xki̱i̱, chjiéngá ún to̱ntiboa ngatsꞌénkꞌásꞌiénna, masien tsí má kui chjií xikó kjiꞌi machjí ki̱a̱ ndiꞌandikoón. Ti̱nde xi cho̱o̱n ka̱májín tsie ngase tsja̱á, ti̱nde xi ni̱ma̱ xi jmí to̱njiín chiboajín ngase tsja̱á.


»Tsi tjín xí ngo ndií cho̱tsa̱nga̱ ko̱jo tsi ngo ndií tindso̱ sa̱ꞌínkꞌasꞌienna, ti̱ chjiéngá nga ngo cho̱ xi xi̱ꞌin ko̱jo xi nda ngatama nga.


»Tsi tjín xí ngo kjo̱a̱tjó xi ndií cho̱yojo sa̱ꞌínkꞌasꞌienna, chjiéngá kui cho̱o̱, ngo cho̱ xi xi̱ꞌin ko̱jo xi nda ngatama. Kó ki̱a̱ ngatjíjo̱ nínga bitjasꞌi̱e̱nnii̱ ndiꞌandikoón,


Kó ki̱a̱ skjíbé ngo cho̱tsa̱nga̱a̱, ko̱jo istii̱, kó ki̱a̱ sa̱ꞌín ni xi niꞌán nga niꞌánkꞌasꞌien kjo̱a̱tjoó. Kui kjo̱a̱tjoó kuí boá xi niꞌánkꞌasꞌien tsi̱ꞌe̱ nga nda koaꞌa ngiñá an xotaa̱.


chjiéngá bi̱ kjiꞌi ku̱i̱ꞌíchjí, xikótsꞌèn kichisoón chjií to̱ntiboa xi niꞌánkjién ki̱a̱ ndiꞌandikoón: Nga ngo nda̱ xi kan ngaskande ichítié ko̱jo tie noó, ichítié to̱ntiboa ku̱i̱ꞌíchjítáꞌín.


tsi̱ꞌe̱ nga sa̱ꞌínkꞌasꞌiee̱n xota̱ Israee̱l kui kjo̱a̱botíxomaa̱: «Kjiꞌanga tjín xí jmí tsi xá ku̱i̱ntꞌiéꞌénjínna, chjiéngá kui nii̱ xi sa̱ꞌín: »Tsi ngito̱ko̱o̱ chináꞌmii̱ boá xi tsintꞌiéꞌénjínna, chjiéngá ngayeje xota̱ na̱xi̱ńdaá xi ko̱a̱ꞌa̱nijín kui jeé. Kó tsi̱ꞌe̱ nga sa̱ꞌinjetakóo̱n, kui ngito̱ko̱o̱ chináꞌmii̱ chjiéngá ngo ndií cho̱yojo sa̱ꞌínkꞌasꞌienna, ngo cho̱ xi nda. Ki̱a̱ ngatjíjo̱ nínga bitjasꞌi̱e̱nnii̱ ndiꞌandikoón, ngatꞌíjñasoón tsja to̱ko̱ kui cho̱o̱, kósꞌe̱ ki̱a̱ nga tsꞌenkꞌién nga̱són ṉchandikoón. Jaskan nga kjíbé jiín kui cho̱o̱, kó ki̱a̱ ngatjíjo̱ ngi̱yaa̱ kui ndiꞌandikoón, ngatsꞌénkꞌándyi̱ni xtín tsja kui jiín, kósꞌe̱ yito ndi̱yà nga kjitjónjón xtji̱e̱e̱n nínga tikón koxa̱a̱ kjo̱a̱ꞌbíndaa̱ Néná, nga̱xto̱n ńjño kortinaa̱ ngi̱ndie xi ꞌniú ndikoón. »Jaskan kui ngito̱ko̱o̱ chináꞌmii̱ ngatindyiá chií kui jiín ndyi̱ko̱n ṉchandikón nínga tí nisijee̱n, kó jín xí ngasee̱ ki̱a̱ nga kjitjón ngindiee̱ kui ṉchandikón xí tikón nínga bitjasꞌi̱e̱nnii̱ ndiꞌandikoón. Sꞌe̱ ngatjaꞌáxiín kui cho̱o̱ ngayeje ni xi ndyi̱a̱a̱ ngi̱ya nga̱tsꞌo̱a̱, xikó niꞌaán kui cho̱ xi niꞌánkꞌasꞌien nga chjiáꞌá kjo̱a̱a̱ nga nda ko̱jo nga tsjatsꞌèn mindyión, kó ki̱a̱ ngatꞌítí nga̱són ṉchandikoón. Kó ni xi kꞌo̱ngii̱ kui ndí cho̱yojo chichií, xikoó: tji̱xi̱ín, ngayeje yojoo̱, to̱ko̱, se, tsiꞌee̱, ko̱jo yeꞌee̱ kui cho̱o̱, ki̱a̱ ngatjíjo̱ ndi̱tsee̱n nínga síndo ndiꞌaa̱ xotaa̱, kó ki̱a̱ ngatꞌítí, ki̱a̱ nínga tikón ngi̱ndie nínga mindyia ndisoo̱. »Kó tsi ngayeje xota̱ na̱xi̱ńdaá boá xi tsintꞌiéꞌénjínna,


Chjiéngá kjo̱joo̱ chináꞌmii̱ ngo cho̱tsa̱nga̱ xi jaꞌatji ndi̱ja̱a̱ xi kui katsꞌénxchá, ko̱jo tsi to̱n xi kótjín chjií kui cho̱o̱. Bo̱a̱ tsꞌén nga sa̱ꞌínkꞌasꞌien chináꞌmii̱ kui kjo̱a̱tjoó nganda tsi̱ꞌe̱ kui xi katsꞌénjeé, kó án sa̱ꞌinjetakóo̱n jeé.


»Kjo̱a̱tjó xi si̱ꞌankꞌasꞌien kjo̱a̱a̱ nga nda koaꞌa ngiñá an xotaa̱, ꞌniú ndikón. Kuíni nga kui cho̱ xi si̱ꞌankꞌasꞌienna, chjiéngá ki̱a̱ si̱ꞌankꞌien nínga bitjasꞌi̱e̱nnii̱ ndiꞌandikoón, kó jiín kui cho̱o̱ ki̱a̱ chjatjónjón nga nijón nga̱ndee̱ ṉchandikoón.


»Tsi ngayeje xota̱ na̱xi̱ńdaá xi tsintꞌiéꞌénjínna, ta̱nga tsi xá katsꞌénjín, chjiéngá ngo cho̱yojo toro̱ sa̱ꞌínkꞌién, kó ku̱i̱ꞌítí ndo̱jò ndójo̱. Chjiéngá ko̱jo to ndso̱ko̱a̱n ṉño̱pan ko̱jo bino̱ nijan sa̱ꞌínkꞌasꞌienna. Kó chjiéngá ko̱jo ngo tindso̱ nijan sa̱ꞌínkꞌasꞌienna kui kjo̱a̱tjoó, tsi̱ꞌe̱ nga sa̱ꞌinjetakóo̱n jeé. Bo̱a̱ tsꞌén nga tsja mana kjo̱a̱tjó xi niꞌánkꞌasꞌienna. Chináꞌmii̱ boá xi sa̱ꞌínkꞌasꞌienna kjo̱a̱tjoó, tsi̱ꞌe̱ nga an sa̱ꞌinjetakóo̱n jeé ngayeje xota̱ Israee̱l, ko̱jo jeé ngayeje xota̱ xi xín nangi chji̱a̱ni xi ki̱a̱ síndojinjnú.


Tsi je kꞌien kui xota̱ xi kiniꞌánchejeé, kó tsi ka̱májín xota̱ xkjín kui xi je kꞌiee̱n ko̱e̱ꞌéꞌoyaá nginií kui nii̱, chjiéngá Néná sa̱ꞌínkꞌasꞌiee̱n, kó kui nii̱ ka̱ma sa̱ꞌínkjién já chináꞌmii̱. Kó kui xota̱ xi katsꞌénchejeé ko̱jo tsi kui xi katsꞌénkjatsón nii̱ kui xotaa̱, chjiéngá kjo̱joo̱ chináꞌmii̱ ngo cho̱tsa̱nga̱ xi jaꞌatji ndi̱ja̱a̱ tsi̱ꞌe̱ nga sa̱ꞌínkꞌién, kó Néná sa̱ꞌínkꞌasꞌiee̱n, kó bo̱a̱ tsꞌén nga Néná sa̱ꞌínjetakoón jeé.


Ti̱ bo̱a̱ ti̱ ti̱ꞌánjnúu̱ jiín cho̱ xi kjo̱a̱tjó si̱ꞌánjnú nga si̱ꞌankꞌasꞌienjnú nganda tsi̱ꞌe̱ Néná: Tjón mára chjatjónjnú kui jiín ki̱a̱ nga̱són ṉchaa̱n, sꞌe̱ jaskan ka̱ma xi̱ni̱e̱jnú yojoo̱.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ