Lebitiko̱ 5:11 - Xo̱jo̱n eén Néná

^11-12 »Tsi kui xi katsꞌénjeé jmíjiín to̱n nga kꞌo̱tsieni jó tójo ko̱jo tsi jó toṉña̱, ka̱ma jó kilo̱ ndso̱ko̱a̱n ṉño̱pan xi nda sa̱ꞌínkꞌasꞌienna tsi̱ꞌe̱ nga sa̱ꞌinjetakóo̱n jeé. Kó chináꞌmii̱ ngatjíjoo̱, kó kui chináꞌmii̱ skjíbé ngo tji̱ngo̱ kui ndso̱ko̱a̱n ṉño̱paa̱n, kó ki̱a̱ ku̱i̱ꞌítí nga̱soón ṉchandikoón. Kó bo̱a̱ tsꞌén nga jún kjo̱a̱ꞌátsjienjnú nga án boá xi tsjajnúꞌun ngayeje nii̱. Kuí boá kui nii̱ xi ngo kjo̱a̱tjó xi niꞌánkꞌasꞌien kjo̱a̱a̱ nga niꞌánjetakón jé, kó nga jmí isti̱ ko̱jo nga jmí nisije̱n mindyiajínjnúu̱.

Lebitiko̱ 5:11 ပူးပေါင်းရင်းမြစ်များ

Éksondo̱ 16:18

ta̱nga nga tsꞌachi̱bo̱a̱, ti̱nde tsꞌangijiín xi tsie jaꞌátikoó, kó ti̱nde kichajájiín xi chiboa jaꞌátikoó.

Lebitiko̱ 1:14

»Kó tsi tjín xí sa̱ꞌínkꞌasꞌienna ngo kjo̱a̱tjó xi cho̱ xi tjiín tsja̱nga̱, chjiéngá tójo ko̱jo tsi ndií toṉña̱ xi sa̱ꞌínkjién.

Lebitiko̱ 12:8

Ta̱nga tsi kui naa̱ jmíjín to̱n xi kꞌo̱tsieni ngo cho̱tsa̱nga̱, ka̱má jó tójo ko̱jo tsi jó toṉña̱ sa̱ꞌínkꞌasꞌien. Kó chináꞌmii̱ ngo kui cho̱o̱ xi ku̱i̱ꞌítí nganda tsi̱ꞌe̱ Néná, kó xi ingoo̱, kjo̱a̱tjó tsi̱ꞌe̱ nga niꞌánjetakón jé sa̱ꞌín. Kó bo̱a̱ tsꞌén nga ka̱matsjie kui naa̱».

Lebitiko̱ 14:21

»Tsi kui xi ka̱matsjiee̱ ni̱ma̱ nga jmí to̱njiín, tsi̱ꞌe̱ nga ka̱matsjie ka̱má sa̱ꞌínkꞌasꞌien ngo tsí cho̱tsa̱nga̱, jó kilo̱ ndso̱ko̱a̱n ṉño̱pan, ko̱jo ngo kuarto̱ litro̱ isti̱.

Lebitiko̱ 27:8

»Tsi kui xotaa̱ ta̱nisién ni̱ma̱ kó tsi jmíjiín kui to̱o̱n, ka̱má ko̱e̱je̱koo̱n chináꞌmii̱ tsi̱ꞌe̱ nga sa̱ꞌínkjaꞌajee̱n kui chjií, kó ngindie ngi̱chí ka̱ma ku̱i̱ꞌíchjí.

Lebitiko̱ 5:9

sꞌe̱ jaskan nga kjitjónjón chií jiín kui cho̱o̱ ki̱a̱ tꞌa ṉchandikoón, kó xi ngase jiín ki̱a̱ nga kjitjón ngindiee̱ nínga tikón kui ṉchaa̱n. Kuí boá kui nii̱ xi ngo kjo̱a̱tjó xi niꞌánkꞌasꞌien kjo̱a̱a̱ nga niꞌánjetakón jé.

Lebitiko̱ 6:20

«Kjiꞌanga Aaroo̱n ko̱jo xota̱ tji̱e̱ tsi̱ꞌe̱ ko̱e̱ꞌéxaá nga chináꞌmina ka̱ma, chjiéngá jó kilo̱ ndso̱ko̱a̱n ṉño̱pan sa̱ꞌínkjién nga sa̱ꞌínkꞌasꞌienna ngo kjo̱a̱tjó. Ngo kilo̱ sa̱ꞌínkꞌasꞌienna nga ta̱jño̱ó, kó xi ingo kiloo̱ nga kamángixoón sa̱ꞌínkꞌasꞌienna. »Kui kjo̱a̱tjó xi ndso̱ko̱a̱n ṉño̱paa̱n, chjiéngá tsie isti̱ ku̱i̱ndyiaa̱, kó ngo ngi̱ya sarte̱n si̱ꞌandayá, kó ku̱i̱chíyá nga si̱ꞌankꞌasꞌienna. Jaskan kꞌuití yeje, xikoó ngo kjo̱a̱tjó xi sije̱n. Kui kjo̱a̱tjoó, ka̱májín tjín xí skji̱ni̱e̱. »Kui kjo̱a̱kitii̱ jmíni̱xtjin sa̱síkjo».

Xki̱ 5:15

»Kjiꞌanga bo̱a̱ ka̱ma, xi̱ꞌii̱n kui xota̱chjo̱on chjiéngá kjo̱jo chjo̱ón ngindyi̱ko̱n chináꞌmii̱, kó ki̱a̱ sa̱ꞌínkꞌasꞌiee̱n Néná ngo kjo̱a̱tjó xi jó kilo̱ ndso̱ko̱a̱a̱n to sebanda̱. Kó nga kui kjo̱a̱tjoó tsi̱ꞌe̱ ngo xi̱ꞌin xi chi̱ni̱ xi mejeén sku̱i̱e̱ tsi chjo̱ón tjítsꞌéntꞌaa̱ kjo̱a̱, ka̱májín isti̱ ko̱jo tsi nisije̱n chjatjájón kui ndso̱ko̱a̱a̱n to sebanda̱.

Rkaa̱ 2:24

Kó bo̱a̱ tsꞌén kijítsꞌenkꞌásꞌieén Néná xikótsꞌèn botixómá kjo̱a̱kitii̱ Néná, nínga bi̱ tsoó: Chjiéngá ngo ꞌniú toṉña̱ ko̱jo tsi jó tójo si̱ꞌankꞌasꞌiee̱n Néná.

2 Xota̱ Korinto̱ 5:21

Kristoo̱ nde ngo jé kisꞌiejiín, nganda tsa̱ñá boá nga Néná xikoó tsi xota̱ jé katsꞌén, tsi̱ꞌe̱ nga ñá xota̱ kixi̱ ka̱ma ngindyi̱ko̱n Néná, ta̱ngatꞌanii̱ ni xi katsꞌén Kristoo̱.

Xota̱ Ebreo̱ 9:22

Kjo̱a̱kitii̱ tsó nga tsi̱ꞌe̱ nga ka̱matsjie mején ngayeje nii̱ ngindyi̱ko̱n Néná, jiín xí bo̱a̱ tsꞌén. Kuíni nga chjiéngá jín xtjónní tsi̱ꞌe̱ nga ka̱majetakón jeé.