Lebitiko̱ 4:35 - Xo̱jo̱n eén Néná

³⁵ Jaskan ngatꞌítí ngayeje xinieé kui cho̱o̱ nga̱són ṉchandikoón, xikó niꞌaán nga niꞌánkꞌasꞌien ngo kjo̱a̱tjó kjo̱a̱a̱ nga chjiáꞌá nga nda ko̱jo nga tsjatsꞌèn mindyión, ko̱jo kjo̱a̱tjó xi niꞌánkꞌasꞌien nganda tsa̱ꞌa̱n. Kó bo̱a̱ tsꞌén nga chináꞌmii̱ sa̱ꞌínkꞌasꞌien ngo kjo̱a̱tjó kjo̱a̱a̱ kui xotaa̱, kó án sa̱ꞌinjetakóo̱n jeé.

Lebitiko̱ 4:35 ပူးပေါင်းရင်းမြစ်များ

Lebitiko̱ 12:8

Ta̱nga tsi kui naa̱ jmíjín to̱n xi kꞌo̱tsieni ngo cho̱tsa̱nga̱, ka̱má jó tójo ko̱jo tsi jó toṉña̱ sa̱ꞌínkꞌasꞌien. Kó chináꞌmii̱ ngo kui cho̱o̱ xi ku̱i̱ꞌítí nganda tsi̱ꞌe̱ Néná, kó xi ingoo̱, kjo̱a̱tjó tsi̱ꞌe̱ nga niꞌánjetakón jé sa̱ꞌín. Kó bo̱a̱ tsꞌén nga ka̱matsjie kui naa̱».

Lebitiko̱ 14:18

Kó nga fetꞌani, chináꞌmii̱ skjitjónjón isti̱ xi kꞌo̱ngii̱ to̱ko̱ kui xota̱ xi tjíniꞌántsjiee̱. Sꞌe̱ jaskan sa̱ꞌínkꞌasꞌien kjo̱a̱tjó xi niꞌánkꞌasꞌien nga machjítjé jeé, kósꞌe̱ ingo kjo̱a̱tjó kꞌuití nganda tsi̱ꞌe̱ Néná, ki̱a̱ nijan ngatꞌítí kjo̱a̱tjó xi ni xi kamáxchá jno̱o̱. Bo̱a̱ tsí tsꞌén nga ka̱matsjie yeje kui xotaa̱.

Lebitiko̱ 15:15

Kósꞌe̱ chináꞌmii̱ nga kjíbé kuí cho̱o̱, kó ngo nga tsꞌenkꞌásꞌién kjo̱a̱tjó tsi̱ꞌe̱ nga sa̱ꞌinjetakóo̱n jeé, kó xi ingoo̱ nganda tsa̱ꞌa̱n ngatꞌítí. Kó bo̱a̱ tsí tsꞌén nga kui xi tjiín kui chiꞌii̱n, xota̱ xi je kamátsjie kꞌuiín.

Lebitiko̱ 19:22

tsi̱ꞌe̱ nga chináꞌmii̱ sa̱ꞌínkꞌasꞌienna ngo kjo̱a̱tjó.

Lebitiko̱ 4:20

kó bo̱a̱ tsꞌén nga sa̱ꞌinjetakóo̱n jeé xota̱ na̱xi̱ńdaá. Nga fetꞌani chináꞌmii̱ kꞌo̱xiéni ki̱a̱ nínga síndo ndiꞌaa̱ xotaa̱ ngayeje ni xi ngasee̱ kui cho̱o̱, kó ki̱a̱ ngatꞌítí ki̱a̱ nínga tikón ngi̱ndie nínga mindyia ndisoo̱.

Lebitiko̱ 4:26

Jaskan ngatꞌítí ngayeje xinieé kui cho̱o̱, xikó niꞌaán nga niꞌánkꞌasꞌien ngo kjo̱a̱tjó kjo̱a̱a̱ nga chjiáꞌá nga nda ko̱jo nga tsjatsꞌèn mindyión. Kó bo̱a̱ tsꞌén nga chináꞌmii̱ boá xi sa̱ꞌínkꞌasꞌien kui kjo̱a̱tjoó kjo̱a̱a̱ kui xota̱ xi katsꞌénjeé, kó án sa̱ꞌinjetakóo̱n jeé.

Lebitiko̱ 5:10

Cho̱ xi ingoo̱, chináꞌmii̱ ngatꞌítí nganda tsa̱ꞌa̱n, xikótsꞌèn je atixoma an nga si̱ꞌan, tsi̱ꞌe̱ nga an sa̱ꞌinjetakóo̱n kui xi katsꞌénjeé.

Lebitiko̱ 5:13

»Bo̱a̱ tsꞌén nga sa̱ꞌínkꞌasꞌien chináꞌmii̱ kui kjo̱a̱tjoó, tsi̱ꞌe̱ nga an sa̱ꞌinjetakóo̱n ta̱ꞌyaní xi katsꞌén ngo kui jeé. »Ni xi kꞌo̱ngii̱ kui kjo̱a̱tjoó, tsi̱ꞌe̱ chináꞌmii̱ ka̱ma, xikó niꞌaán nga niꞌánkꞌasꞌien ni xi maxchá jno̱o̱».

Lebitiko̱ 6:7

Chináꞌmii̱ boá xi sa̱ꞌínkꞌasꞌienna kui kjo̱a̱tjoó nganda tsi̱ꞌe̱ xota̱ xi katsꞌénjeé, kó án boá xi sa̱ꞌinjetakóo̱n jeé».

Lebitiko̱ 9:7

Sꞌe̱ jaskan Moisee̱ bi̱ katsoó Aaroo̱n: «Ndibéboeꞌé ji tꞌa ṉchandikoón, kó ki̱a̱ ti̱ꞌinkꞌasꞌin ji kjo̱a̱tjó xi kichꞌié tsi̱ꞌe̱ nga si̱ꞌanjetakoón jée̱, kó ngo kjo̱a̱tjó tꞌítí ji nganda tsi̱ꞌe̱ Néná. Kó ti̱ ki̱a̱ ti̱ꞌinkꞌasꞌin ji ngo kjo̱a̱tjó xi tsi̱ꞌe̱ xota̱ na̱xi̱ńdaá, tsi̱ꞌe̱ nga Néná sa̱ꞌínjetakoón ji ko̱jo xota̱ na̱xi̱ńdaá nga».

Xki̱ 15:28

Chináꞌmii̱ boá xi sa̱ꞌín kui nii̱, kó kuí boá xi sa̱ꞌínkꞌasꞌien kjo̱a̱tjoó kui xotaa̱, kó an sa̱ꞌinjetakóo̱n.

Xota̱ Roma̱ 10:4

Ngatꞌa̱ nga fetꞌanii̱ kjo̱a̱kitii̱ Kristoo̱ boá, tsi̱ꞌe̱ nga xota̱ kixi̱ ka̱ma ngayeje xi sꞌijii̱n kui.

Xota̱ Roma̱ 4:25

Kui xi kiniꞌánkꞌasꞌien tsi̱ꞌe̱ nga si̱ꞌankꞌien, ta̱ngatꞌanii̱ jéná, kó jaꞌáꞌyaá tsi̱ꞌe̱ nga sa̱ꞌínkixi̱ná ngindyi̱ko̱n Néná.

Xota̱ Roma̱ 8:1

Kósꞌe̱ ngotꞌe̱ ꞌne̱, Néná ngiti̱ ko̱tíjéjiín xota̱ xi je katsꞌéngojo̱ yojoo̱ Kristo̱ Kjisoo̱, kui xi tjimá xikótsꞌèn mejeén A̱si̱énni̱xtjii̱n Néná, jmí tsi xikótsꞌèn mejeén yojoo̱.

2 Xota̱ Korinto̱ 5:21

Kristoo̱ nde ngo jé kisꞌiejiín, nganda tsa̱ñá boá nga Néná xikoó tsi xota̱ jé katsꞌén, tsi̱ꞌe̱ nga ñá xota̱ kixi̱ ka̱ma ngindyi̱ko̱n Néná, ta̱ngatꞌanii̱ ni xi katsꞌén Kristoo̱.

Xota̱ Éfeso̱ 5:2

Kó tjó ti̱ꞌanjo̱jnú ngayeje xotaa̱, xikótsꞌèn tjó katsꞌénná Kristoo̱ nga kꞌientjéná, kó katsjá yojoo̱ xikoó ngo chji̱e̱, ko̱jo kjo̱a̱tjó xi sije̱n kamaá Néná nga kiniꞌánkꞌasꞌiee̱n.

Xota̱ Kolosa̱ 1:14

kui xi íchjítjéná, tsi̱ꞌe̱ nga jatjoꞌa ñá, ko̱jo nga kiniꞌánjetakoón jéná.

Xota̱ Ebreo̱ 1:3

Kuí ndií xi tsꞌentsíjen kjo̱a̱jee̱ Néná, kó kuí boá xi bokó xikótsꞌèn tjíjii̱n Néná, kó kuí boá xi tsꞌénkꞌíndo ngayeje ni xi tjiín, ta̱ngatꞌanii̱ ngaꞌniuú én xí chji̱a̱. Ngije katsꞌéntsjiejónná jé xí tjínná ngindyi̱ko̱n Néná, ki̱a̱ kisꞌijña ndiꞌakꞌajmii̱ nga fojnií Néná xi tsꞌénbotixómaá.

Xota̱ Ebreo̱ 4:14

Kuíni nga ꞌniú ku̱i̱ndyión nga kongíntji̱ngí kui kjo̱a̱sꞌijin xi timatji̱ngí, ngatꞌa̱ tikónna ngo chináꞌmi xi ꞌniú nkꞌa xaá xi jaꞌatjoón ndiꞌakꞌajmii̱, kó kuí boá xi Kjisoo̱, ndií Néná.

Xota̱ Ebreo̱ 7:26

Kjisoo̱ kuí boá kui chináꞌmi xi ꞌniú nkꞌa xaá xi machjiénná ñá: Kuí xí tsjie, kuí xí jmíjiín ni xi ndajín, kuí xí jmíjiín ni xi ndándí, kuí xí xín tikónnii̱ xota̱jeé, kuí xí ꞌniú niꞌándikón ki̱a̱ ndiꞌakꞌajmii̱,

Xota̱ Ebreo̱ 9:14

Tsi bo̱a̱ kamá, ja̱ tsie ngase ngaꞌniú tjiín jiín Kristoo̱. Kui xi ngatꞌaa̱ A̱siénni̱xtjin xi tikón ngatsjéni̱xtjii̱n nga Kristoo̱ katsjá ti̱ kuii̱ yojoo̱, xikoó ngo chji̱e̱ xi tsjie ngindyi̱ko̱n Néná, kó bo̱a̱ tsꞌén nga jiín Kristoo̱ boá xi tsꞌéntsjie kjo̱a̱kjíntakónná tsi̱ꞌe̱ nga ngiti̱ si̱ꞌánjín ñá ni xi tsꞌenkꞌiénná, kó ta̱sá si̱ꞌantsjàa̱ kui Néná xí tikoón.

1 Xo̱jo̱o̱n Peé 2:22

Kristoo̱ ngojín jé katsꞌén, ti̱nde jmíni̱xtjin tjín xí tsꞌenṉcha̱jo nga tsíchji̱a̱,

1 Xo̱jo̱o̱n Peé 2:24

Kuí Kristoo̱ xi kijíjo̱ jéná ngi̱jin yojoo̱ ki̱a̱ tꞌa kroo̱, tsi̱ꞌe̱ nga ñá ko̱yà kjo̱a̱a̱ jé xí kiniꞌán, kó ku̱i̱ndyión kjo̱a̱a̱ kjo̱a̱kixi̱i̱. Kó ta̱ngatꞌanii̱ nga kiniꞌánꞌoón Kristoo̱ nga jún je kamándayajnú.

1 Xo̱jo̱o̱n Peé 3:18

Ngatꞌa̱ Kristoo̱ ti̱ bo̱a̱ ti̱ tsꞌén jaꞌatio kjo̱a̱ni̱ma̱, kó ta̱ ngo tsí ndi̱yà kꞌien nga katsꞌénkjié jeé xotaa̱. Nda̱ xi kixi̱i̱, xota̱ xi kixi̱jiín kꞌientjéni, tsi̱ꞌe̱ nga kjo̱joná ngindyi̱ko̱n Néná. Nga ja̱koxi̱ kiniꞌánkꞌién nga xota̱, ta̱nga kiniꞌánkjaꞌáꞌyaá nga a̱siénni̱xtjin.

1 Xo̱jo̱o̱n Juaa̱ 1:7

Ta̱nga tsi nínga tikón ndiꞌí xí tsꞌentsíjee̱n timá, xikótsꞌèn Néná tikón nínga tikón ndiꞌí xí tsꞌentsíjee̱n, kjiꞌá boá nga ja̱kꞌi̱e̱ ja̱ngaján ndyi̱niꞌángo yojoná, kó jiín Jesukristoo̱ boá xi tsꞌéntsjiejón ngayeje jéná.

1 Xo̱jo̱o̱n Juaa̱ 2:2

Jesukristoo̱ boá xi katsjá yojoo̱ xikoó ngo kjo̱a̱tjó, nga jaꞌatio kjo̱a̱ni̱ma̱ ta̱ngatꞌanii̱ nga íchjítjé jéná ñá xi je kisꞌijinná Néná. Kó jmí tsi ta̱ jéná tsí, ko̱jo jeé ngayeje xota̱ xi tjín nga̱sondiee̱ boá nga.