Lebitiko̱ 4:32 - Xo̱jo̱n eén Néná

³² »Tsi xi katsꞌénjeé ngo ndí chjo̱ón cho̱tsa̱nga̱ sa̱ꞌínkꞌasꞌienna, chjiéngá nda ka̱ma kui cho̱o̱.

Lebitiko̱ 4:32 ပူးပေါင်းရင်းမြစ်များ

Éksondo̱ 12:3

Bo̱a̱ tꞌínjnúu̱ ngayeje xota̱ Israee̱l nga xki̱ ni̱xtjin tiee̱ kui saá, nga ngo nga ngo xtín xota̱ nga nga tꞌijñánda ngo ndií cho̱tsa̱nga̱ tsi̱ꞌe̱ nga skji̱ni̱e̱. Chjiéngá cho̱ xi xi̱ꞌin ngatama kui cho̱o̱, xi sꞌe̱ tsí ngo noó, ko̱jo xi onjiín. Ta̱nga nda má nga kosoón nga kjo̱chóꞌá ngayeje xi skji̱ni̱e̱ kui cho̱o̱, ngatꞌa̱ nga ngo nga ngo kui xotaa̱ chjiéngá skji̱ni̱e̱ xikó kjiꞌi kjinie síkijí. Tsi ngo xtín xotaa̱ xi kjínjín má, kó tsi kju̱i̱e̱jiín kui cho̱o̱, chjiéngá nga kjiniejo̱ xota̱ tꞌa ndiꞌaa̱.

Lebitiko̱ 1:3

»Tsi tjín xí ngo kjo̱a̱tjó xi ndií cho̱yojo sa̱ꞌínkꞌasꞌienna, chjiéngá kui cho̱o̱, ngo cho̱ xi xi̱ꞌin ko̱jo xi nda ngatama. Kó ki̱a̱ ngatjíjo̱ nínga bitjasꞌi̱e̱nnii̱ ndiꞌandikoón,

Lebitiko̱ 4:28

ka̱ma kꞌuiyaá nga katsꞌénjé. Kósꞌe̱ kui xotaa̱ chjiéngá ngo tindso̱ chjo̱on xí nda sa̱ꞌínkꞌasꞌienna.

Rkaa̱ 1:35

Kó ndítsjiee̱, bi̱ katsoó: —A̱si̱énni̱xtjii̱n Néná kji̱ndi̱bánieé ji, kó ngaꞌniuú Néná xí tikón ndiꞌakꞌajmi jàn ko̱óꞌmánii̱ tji̱nkꞌi̱e̱én, kuíni nga kui ndí xí stse̱én jí, ndií Néná kꞌuiín.

Juaa̱ 1:29

Nga kamángindyiojón Juaa̱ kamábe nga Kjisoo̱ tsꞌéndibákón tiñaa̱, kó bi̱ katsó: –Kꞌi̱e̱ tikón kꞌi̱e̱e̱ ndí cho̱tsa̱nga̱a̱ Néná, xi foaꞌáxín jeé xotaa̱ kui nga̱sondiee̱.

Juaa̱ 1:36

kó nga kamábe nga ki̱a̱ tsoꞌbá Kjisoo̱, bi̱ katsó: –Kꞌi̱e̱ tikón kꞌi̱e̱e̱ ndí cho̱tsa̱nga̱a̱ Néná.

Xota̱ Éfeso̱ 5:27

tsi̱ꞌe̱ nga xota̱ na̱ngo̱xi̱i̱ kꞌuieé kjo̱a̱je nga kjo̱chó ngindyi̱ko̱n Kristoo̱, kó nga kꞌuiéjiín ni xi ndándí, ko̱jo ni xi chꞌo tsꞌén xcha̱, ngatꞌa̱ Kristoo̱ mejeén nga tsjie ko̱jo nga ndo̱jò kjin kjin ka̱ma xota̱ na̱ngo̱xi̱i̱.

Xota̱ Ebreo̱ 7:26

Kjisoo̱ kuí boá kui chináꞌmi xi ꞌniú nkꞌa xaá xi machjiénná ñá: Kuí xí tsjie, kuí xí jmíjiín ni xi ndajín, kuí xí jmíjiín ni xi ndándí, kuí xí xín tikónnii̱ xota̱jeé, kuí xí ꞌniú niꞌándikón ki̱a̱ ndiꞌakꞌajmii̱,

Xota̱ Ebreo̱ 9:14

Tsi bo̱a̱ kamá, ja̱ tsie ngase ngaꞌniú tjiín jiín Kristoo̱. Kui xi ngatꞌaa̱ A̱siénni̱xtjin xi tikón ngatsjéni̱xtjii̱n nga Kristoo̱ katsjá ti̱ kuii̱ yojoo̱, xikoó ngo chji̱e̱ xi tsjie ngindyi̱ko̱n Néná, kó bo̱a̱ tsꞌén nga jiín Kristoo̱ boá xi tsꞌéntsjie kjo̱a̱kjíntakónná tsi̱ꞌe̱ nga ngiti̱ si̱ꞌánjín ñá ni xi tsꞌenkꞌiénná, kó ta̱sá si̱ꞌantsjàa̱ kui Néná xí tikoón.

1 Xo̱jo̱o̱n Peé 2:22

Kristoo̱ ngojín jé katsꞌén, ti̱nde jmíni̱xtjin tjín xí tsꞌenṉcha̱jo nga tsíchji̱a̱,

1 Xo̱jo̱o̱n Peé 2:24

Kuí Kristoo̱ xi kijíjo̱ jéná ngi̱jin yojoo̱ ki̱a̱ tꞌa kroo̱, tsi̱ꞌe̱ nga ñá ko̱yà kjo̱a̱a̱ jé xí kiniꞌán, kó ku̱i̱ndyión kjo̱a̱a̱ kjo̱a̱kixi̱i̱. Kó ta̱ngatꞌanii̱ nga kiniꞌánꞌoón Kristoo̱ nga jún je kamándayajnú.

1 Xo̱jo̱o̱n Peé 3:18

Ngatꞌa̱ Kristoo̱ ti̱ bo̱a̱ ti̱ tsꞌén jaꞌatio kjo̱a̱ni̱ma̱, kó ta̱ ngo tsí ndi̱yà kꞌien nga katsꞌénkjié jeé xotaa̱. Nda̱ xi kixi̱i̱, xota̱ xi kixi̱jiín kꞌientjéni, tsi̱ꞌe̱ nga kjo̱joná ngindyi̱ko̱n Néná. Nga ja̱koxi̱ kiniꞌánkꞌién nga xota̱, ta̱nga kiniꞌánkjaꞌáꞌyaá nga a̱siénni̱xtjin.

Ni xi akakoo̱ 5:6

Kósꞌe̱, ngamasiee̱n nínga tikón xi botixómaá, ko̱jo nga nijón kui xi síndoo̱, ko̱jo ngamasiee̱n xota̱ xi xchaá, kamábe an ngo cho̱tsa̱nga̱ xi sikónkixi̱, xikoó tsi je kiniꞌánkꞌién, kó yito ndi̱ja̱, ko̱jo yito ndyi̱ko̱n kisꞌiee̱, kó kuí boá xi nga yito A̱si̱énni̱xtjii̱n Néná xí kanangiya ngayeje tꞌanangii̱.