Lebitiko̱ 4:31 - Xo̱jo̱n eén Néná

³¹ Jaskan ngatꞌítí ngayeje xinieé kui cho̱o̱ nga̱són ṉchandikoón, xikó niꞌaán nga niꞌánkꞌasꞌien ngo kjo̱a̱tjó kjo̱a̱a̱ nga chjiáꞌá nga nda ko̱jo nga tsjatsꞌèn mindyión. Kó bo̱a̱ tsꞌén nga chináꞌmii̱ sa̱ꞌínkꞌasꞌien ngo kjo̱a̱tjó xi sije̱n kjo̱a̱a̱ kui xotaa̱, kó án sa̱ꞌinjetakóo̱n jeé.

Lebitiko̱ 4:31 ပူးပေါင်းရင်းမြစ်များ

Jenesii̱s 8:21

Kó Néná ngije jaꞌándá sije̱n sije̱e̱n kui nii̱, bi̱ katsó ngi̱jin ini̱ma̱a̱: «Ndatsi xota̱ nga̱sondiee̱ ndajín ni xi tsꞌénkjó ngi̱jin ini̱ma̱a̱ ndeskande koó nga kjindí, nginijánjín kotijée̱ nga sa̱ꞌinkjié an tꞌanangii̱ ta̱ngatꞌanii̱ xota̱ nga̱sondiee̱, xikó je katsꞌen an.

Joo̱b 42:8

Kuíni ngotꞌe̱ ꞌne̱ tangínjo̱jnú Joo̱b, kó tꞌítíjnú yito cho̱yojo toro̱, ko̱jo yito cho̱tsa̱nga̱ xi jaꞌatji ndi̱ja̱a̱, tsi̱ꞌe̱ nga sa̱ꞌinjetakónjnúꞌun. ꞌNiú ku̱i̱ꞌana Joo̱b nga ku̱i̱chji̱a̱tjéjnú, kó ta̱ngatꞌanii̱ kui nga jmí kjo̱a̱soboá sa̱ꞌínkjaꞌájínjnú, ta̱ngatꞌanii̱ nga kixi̱jín kandokjo̱a̱jnú kjo̱a̱a̱ an, xikó tsꞌén kixi̱ tsíchji̱a̱ Joo̱b».

Éksondo̱ 29:18

Kó ki̱a̱ nga̱són ṉchaa̱n tꞌítí ji ngayeje kui nii̱, kuí boá kui nii̱ kjo̱a̱tjó xi sije̱n ka̱mana an, tsi̱ꞌe̱ nga sa̱ꞌinjetakón an jeé xotaa̱.

Lebitiko̱ 1:17

Jaskan ngatatiengaa̱ kui cho̱o̱, ta̱nga jmí tsi kjo̱a̱ꞌáxiín nga̱a̱, kó jmí tsi jó tjín kꞌo̱xié. Kó nga fetꞌaa̱ kui chináꞌmii̱ ki̱a̱ ngatꞌítí nga̱són chikín xí tjítií kui cho̱o̱. Kuí boá kui nii̱ xi ngo kjo̱a̱tjó xi sije̱n, xi si̱ꞌankꞌasꞌien nganda tsa̱ꞌa̱n».

Lebitiko̱ 14:18

Kó nga fetꞌani, chináꞌmii̱ skjitjónjón isti̱ xi kꞌo̱ngii̱ to̱ko̱ kui xota̱ xi tjíniꞌántsjiee̱. Sꞌe̱ jaskan sa̱ꞌínkꞌasꞌien kjo̱a̱tjó xi niꞌánkꞌasꞌien nga machjítjé jeé, kósꞌe̱ ingo kjo̱a̱tjó kꞌuití nganda tsi̱ꞌe̱ Néná, ki̱a̱ nijan ngatꞌítí kjo̱a̱tjó xi ni xi kamáxchá jno̱o̱. Bo̱a̱ tsí tsꞌén nga ka̱matsjie yeje kui xotaa̱.

Lebitiko̱ 15:15

Kósꞌe̱ chináꞌmii̱ nga kjíbé kuí cho̱o̱, kó ngo nga tsꞌenkꞌásꞌién kjo̱a̱tjó tsi̱ꞌe̱ nga sa̱ꞌinjetakóo̱n jeé, kó xi ingoo̱ nganda tsa̱ꞌa̱n ngatꞌítí. Kó bo̱a̱ tsí tsꞌén nga kui xi tjiín kui chiꞌii̱n, xota̱ xi je kamátsjie kꞌuiín.

Lebitiko̱ 19:22

tsi̱ꞌe̱ nga chináꞌmii̱ sa̱ꞌínkꞌasꞌienna ngo kjo̱a̱tjó.

Lebitiko̱ 2:2

sꞌe̱ jaskan ngatsjaá já chináꞌmii̱. Kó kui jaá chináꞌmii̱ nga kjíbé ngo tji̱ngo̱ kui to ndso̱ko̱a̱n ṉño̱pan xi je ndyi̱a̱a̱ isti̱ ko̱jo ni sije̱e̱n, kó ki̱a̱ ngatꞌítísón nga̱són ṉchandikoón, tsi̱ꞌe̱ nga jún kjo̱a̱ꞌátsjienjnú nga án boá xi tsꞌéntsjájnúꞌun ngayeje nii̱. Kuí boá kui nii̱ xi ngo kjo̱a̱tjó xi sije̱n, xi si̱ꞌankꞌasꞌien nganda tsa̱ꞌa̱n.

Lebitiko̱ 2:9

Kó ki̱a̱, já chináꞌmii̱ ku̱i̱ꞌítí chiboa kui kjo̱a̱tjoó, tsi̱ꞌe̱ nga jún kjo̱a̱ꞌátsjienjnú nga án boá xi tsꞌéntsjájnúꞌun ngayeje nii̱. Kuí boá kui nii̱ xi ngo kjo̱a̱tjó xi sije̱n, xi si̱ꞌankꞌasꞌien nganda tsa̱ꞌa̱n.

Lebitiko̱ 4:19

»Sꞌe̱ tji̱e̱nmá kui ngito̱ko̱o̱ já chináꞌmii̱ nga kjíbé ngayeje xinieé kui ndí cho̱yojo chichií, kó ki̱a̱ ngatꞌítí nga̱són ṉchandikoón,

Lebitiko̱ 4:26

Jaskan ngatꞌítí ngayeje xinieé kui cho̱o̱, xikó niꞌaán nga niꞌánkꞌasꞌien ngo kjo̱a̱tjó kjo̱a̱a̱ nga chjiáꞌá nga nda ko̱jo nga tsjatsꞌèn mindyión. Kó bo̱a̱ tsꞌén nga chináꞌmii̱ boá xi sa̱ꞌínkꞌasꞌien kui kjo̱a̱tjoó kjo̱a̱a̱ kui xota̱ xi katsꞌénjeé, kó án sa̱ꞌinjetakóo̱n jeé.

Lebitiko̱ 4:35

Jaskan ngatꞌítí ngayeje xinieé kui cho̱o̱ nga̱són ṉchandikoón, xikó niꞌaán nga niꞌánkꞌasꞌien ngo kjo̱a̱tjó kjo̱a̱a̱ nga chjiáꞌá nga nda ko̱jo nga tsjatsꞌèn mindyión, ko̱jo kjo̱a̱tjó xi niꞌánkꞌasꞌien nganda tsa̱ꞌa̱n. Kó bo̱a̱ tsꞌén nga chináꞌmii̱ sa̱ꞌínkꞌasꞌien ngo kjo̱a̱tjó kjo̱a̱a̱ kui xotaa̱, kó án sa̱ꞌinjetakóo̱n jeé.

Lebitiko̱ 5:10

Cho̱ xi ingoo̱, chináꞌmii̱ ngatꞌítí nganda tsa̱ꞌa̱n, xikótsꞌèn je atixoma an nga si̱ꞌan, tsi̱ꞌe̱ nga an sa̱ꞌinjetakóo̱n kui xi katsꞌénjeé.

Lebitiko̱ 8:21

Kó aniéjón sé ko̱jo tsiꞌee̱ kui cho̱o̱, kó ítí ngayeje cho̱tsa̱nga̱ xi jaꞌatji ndi̱ja̱a̱, xikótsꞌèn ꞌbítí kjo̱a̱tjó xi sije̱n maa̱, nganda tsi̱ꞌe̱ Néná. Moisee̱ bo̱a̱ má tsꞌén, xikó má katsoó Néná nga atíxomaa̱.

Matioo̱ 3:17

Kó kandaꞌyá ngo nda̱ ndiꞌakꞌajmi jàn xi bi̱ katsó: –Kuí xi̱ꞌbi̱ xi ndí tjóna, ꞌniú tsjátjínna kjo̱a̱a̱ kui.

Xota̱ Éfeso̱ 5:2

Kó tjó ti̱ꞌanjo̱jnú ngayeje xotaa̱, xikótsꞌèn tjó katsꞌénná Kristoo̱ nga kꞌientjéná, kó katsjá yojoo̱ xikoó ngo chji̱e̱, ko̱jo kjo̱a̱tjó xi sije̱n kamaá Néná nga kiniꞌánkꞌasꞌiee̱n.

Xota̱ Ebreo̱ 1:3

Kuí ndií xi tsꞌentsíjen kjo̱a̱jee̱ Néná, kó kuí boá xi bokó xikótsꞌèn tjíjii̱n Néná, kó kuí boá xi tsꞌénkꞌíndo ngayeje ni xi tjiín, ta̱ngatꞌanii̱ ngaꞌniuú én xí chji̱a̱. Ngije katsꞌéntsjiejónná jé xí tjínná ngindyi̱ko̱n Néná, ki̱a̱ kisꞌijña ndiꞌakꞌajmii̱ nga fojnií Néná xi tsꞌénbotixómaá.

Xota̱ Ebreo̱ 10:12

Ta̱nga Kristoo̱ ta̱ ngo tsí ndi̱yà katsꞌénkꞌasꞌien yojoo̱ xikoó ngo kjo̱a̱tjó xi ta̱ kjiꞌání chjínií, ta̱ngatꞌanii̱ jeé xotaa̱, kósꞌe̱ ki̱a̱ kisꞌijña nga fojnií Néná.

Xota̱ Ebreo̱ 10:14

Ngo tsi kjo̱a̱tjó katsjá nga katsꞌén xi chjiéngá ka̱ma xota̱ tsjiee̱, ngatsjéni̱xtjin.

Xota̱ Ebreo̱ 9:12

ta̱ ngo tsí ndi̱yà ko̱jo ngatsjéni̱xtjin tsꞌasꞌien, ngi̱ndie nínga ta̱nisién ꞌniú ndikoón, kó jmí tsi tsi̱ꞌe̱ nga sa̱ꞌínkꞌasꞌiee̱n Néná jiín tindso̱ xi̱ꞌin, ko̱jo tsi jiín ndií cho̱yojo. Jín tsi̱ꞌe̱ boá xi katsꞌénkꞌasꞌien, kó bo̱a̱ tsꞌén íchjítjé jéná tsi̱ꞌe̱ nga ngatsjéni̱xtjin katsꞌéndéná.

1 Xo̱jo̱o̱n Juaa̱ 1:7

Ta̱nga tsi nínga tikón ndiꞌí xí tsꞌentsíjee̱n timá, xikótsꞌèn Néná tikón nínga tikón ndiꞌí xí tsꞌentsíjee̱n, kjiꞌá boá nga ja̱kꞌi̱e̱ ja̱ngaján ndyi̱niꞌángo yojoná, kó jiín Jesukristoo̱ boá xi tsꞌéntsjiejón ngayeje jéná.

Ni xi akakoo̱ 5:9

Kó ndyi̱sie ngo só tja̱tsi̱e̱ xi bi̱ tsoó: Jí xí tsoboaá nga chjábé jí kui chꞌo̱ xo̱jo̱o̱n ko̱jo nga chjándiyè ji seyoo̱, ngatꞌa̱ jí boá xi kiniꞌánkꞌieén, kó nga katjon jíi̱n kaꞌnaxiéꞌé nga tsi̱ꞌe̱ Néná kamá ngayeje tji̱e̱e̱ xota̱, én, ko̱jo nangi, ko̱jo na̱xi̱ńdá,