Lebitiko̱ 4:15 - Xo̱jo̱n eén Néná

¹⁵ kó xota̱ xi ngito̱ko̱o̱ ngatꞌíjñasoón tsja to̱ko̱ kui cho̱o̱, sꞌe̱ jaskan nga tsꞌenkꞌién kui cho̱o̱ ki̱a̱ nga̱són ṉchandikónna,

Lebitiko̱ 4:15 ပူးပေါင်းရင်းမြစ်များ

Éksondo̱ 24:1

Néná bi̱ katsoó Moisee̱: «Mejénna nga kji̱ndi̱bénijíngí ji kui na̱xi̱i̱, tsi̱ꞌe̱ nga kꞌi̱e̱ ko̱ndókjo̱e̱jení. Ka̱ma kji̱ndi̱béje̱ ji Aaroo̱n, ko̱jo Nandaa̱b, ko̱jo Abiuu̱, ko̱jo ichítié ko̱jo kan xota̱ ngito̱ko̱o̱ na̱xi̱ńdá Israee̱l. Ta̱nga ka̱májín kji̱ndi̱bá boaꞌá kui xotaa̱ nínga tikòn an. Ta̱ jí tsí xi ka̱ma kji̱ndi̱béchin tiñaní. Nga kjóchójnú, mejénna nga ta̱ kjin ko̱si̱e̱nnijnú tikójnú. Ta̱nga ka̱májín kji̱ndi̱bá ngase kje̱ꞌe xota̱ kꞌi̱e̱e̱».

Éksondo̱ 24:9

Kó Moisee̱ kijínijíngí nginí kui na̱xi̱i̱ ko̱jo Aaroo̱n ko̱jo Nandaa̱b, ko̱jo Abiuu̱ ko̱jo kui xi ichítié ko̱jo kan ngito̱ko̱o̱ xota̱ Israee̱l.

Lebitiko̱ 1:3

»Tsi tjín xí ngo kjo̱a̱tjó xi ndií cho̱yojo sa̱ꞌínkꞌasꞌienna, chjiéngá kui cho̱o̱, ngo cho̱ xi xi̱ꞌin ko̱jo xi nda ngatama. Kó ki̱a̱ ngatjíjo̱ nínga bitjasꞌi̱e̱nnii̱ ndiꞌandikoón,

Lebitiko̱ 1:4

kó ki̱a̱ ngatꞌíjñasoón tsja to̱ko̱ kui ndií cho̱yojoo̱, sꞌe̱ nga tsꞌenkꞌién ngijee̱. Bo̱a̱ tsꞌén nga tsja ka̱mana nga skjíbé án kui kjo̱a̱tjoó, kó sa̱ꞌinjetakóo̱n jeé. »Kó já chináꞌmii̱ sa̱ꞌínkꞌasꞌienna jiín kui ndí cho̱yojoo̱, sꞌe̱ jaskan ki̱a̱ nga kjitjónjón nga nijón nga̱ndee̱ kui ṉchandikoón.

Lebitiko̱ 16:21

Ngatꞌíjñasoón nga jó tsja to̱ko̱ kui cho̱o̱, kó nga tsáyà ngayeje jé xí katsꞌén xota̱ Israee̱l, kó bo̱a̱ tsꞌén nga kui tindsoo̱ xi si̱ꞌankaꞌa jeé xota̱ na̱xi̱ńdaá. Sꞌe̱ jaskan kui tindsoo̱ ki̱a̱ kongínjo̱ nangi kixií, tsi̱ꞌe̱ nga ko̱e̱je̱jo ngayeje jé xí katsꞌén xota̱ Israee̱l.

Lebitiko̱ 4:16

kó ngito̱ko̱o̱ já chináꞌmii̱ ngatjíjo̱ jiín kui cho̱o̱ ki̱a̱ ngi̱ya ndiꞌandikoón.

Lebitiko̱ 8:14

Kó Moisee̱ katsangiyakjaꞌá ndií cho̱yojo xi si̱ꞌankꞌasꞌien kjo̱a̱a̱ nga si̱ꞌanjetakón jeé, kósꞌe̱ Aaroo̱n ko̱jo jaá íjñasoón tsja to̱ko̱ kui cho̱o̱,

Lebitiko̱ 8:18

Kó Moisee̱ katsangiyakjaꞌá ndií cho̱tsa̱nga̱ xi jaꞌatji ndi̱ja̱a̱ xi si̱ꞌankꞌasꞌien nga kꞌuití ngandaa̱ Néná, kósꞌe̱ Aaroo̱n ko̱jo ndií íjñasoón tsja to̱ko̱ kui cho̱o̱, kósꞌe̱ Moisee̱ katsꞌénkꞌién kui cho̱o̱. Jaskan ngije kamá kui nii̱, iskjitjónjón jiín nga nijon nga̱ndee̱ kui ṉchandikoón,

Lebitiko̱ 8:22

Kó Moisee̱ katsangiyakjaꞌá xí ingo cho̱tsa̱nga̱ xi jaꞌatji ndi̱ja̱a̱ xi niꞌánkꞌasꞌien tsi̱ꞌe̱ nga boeꞌéxaá ngo xota̱. Kó Aaroo̱n ko̱jo ndií íjñasoón tsja to̱ko̱ kui cho̱o̱, sꞌe̱ Moisee̱ katsꞌénkꞌién kui cho̱o̱. Jaskan ngije kamá kui nii̱, Moisee̱ katsꞌénkꞌandyi̱ni xtín tsja jiín kui cho̱o̱, kósꞌe̱ tji̱bo̱a̱nijon xi kixi̱ Aaroo̱n katsangijon, ko̱jo xtín jeé tsja xi kixi̱, ko̱jo xtín jeé se xi kixi̱ Aaroo̱n nga.

Xki̱ 11:16

Kó Néná bi̱ katsoó Moisee̱: —Tꞌítikí jí ngi̱jii̱n xota̱ na̱xi̱ńdaá ichítié ko̱jo kan xota̱ xi xchá xí ngito̱ko̱. Tꞌenje̱ ji ki̱a̱ ndiꞌandikoón, kó ki̱a̱ nga koyara.

Xki̱ 11:25

Néná ngo ṉdi̱ jatjajenni, kó tsíchji̱a̱jo Moisee̱, sꞌe̱ jaskan katsꞌén ni xi katsóyàtjoón nga sa̱ꞌín: íjñajii̱n kui já ngito̱ko̱o̱ kui a̱siénni̱xtjin xi kisꞌijñajii̱n Moisee̱, kó kui jaá ítsꞌi̱yani nga tsíchji̱a̱ én xí Néná tsjaá xota̱ xi chji̱ni̱e̱ꞌe̱én. Ta̱ ngo tsí ndi̱yà kamá kui nii̱.

Xki̱ 8:10

Kó ki̱a̱ je kꞌuíndo Aaroo̱n ko̱jo xota̱ tji̱e̱e̱, nga kui xi ngito̱ko̱o̱ xota̱ na̱xi̱ńdaá, kó Aaroo̱n bi̱ sa̱ꞌín nga tsja̱axaá nga xá xí tsa̱ꞌa̱n sa̱ꞌín: »Xota̱ Israee̱l ku̱i̱ꞌíjñasoón tsja to̱ko̱ xota̱ tji̱e̱e̱ Lebii̱, sꞌe̱ jaskan kui jaá ku̱i̱ꞌíjñasoón tsja to̱ko̱ nga jó kui cho̱yojo xo̱ngo̱ò. Ngo kui cho̱yojo xo̱ngo̱ò xi si̱ꞌankꞌien tsi̱ꞌe̱ nga kjo̱a̱tjó xi ka̱majetakón jeé ka̱ma, kó xi ingoo̱ kꞌuití ndo̱jò ndójo̱ nganda tsa̱ꞌa̱n. Bo̱a̱ tsꞌén si̱ꞌintsjie ji xota̱ tji̱e̱e̱ Lebii̱. Kó ngije kamá kui nii̱, jè síndonda tsi̱ꞌe̱ nga ta̱ xána xi sa̱ꞌín ki̱a̱ ndiꞌandikoón. »Xota̱ tji̱e̱e̱ Lebii̱ án tsa̱ꞌa̱n ka̱ma, ngatꞌa̱ xota̱ Israee̱l boá xi sa̱ꞌínkꞌasꞌienna ngajoo̱ ndí xí tjoón. Kjiꞌanga katsꞌenkꞌién an ndí tjoón xtín xota̱ Ejiptoo̱, bo̱a̱ kixian an nga ngayeje ndí tjoón xtín xota̱ Israee̱l an tsa̱ꞌa̱n ka̱ma, ko̱jo ngayeje ndí tjoón cho̱ xi tjiín nga. Kó nga ngajoo̱ kui ndí xí tjoón, nga xota̱ tji̱e̱e̱ Lebii̱ xi katsꞌenjo̱ꞌo an. »Kó kuíni nga, tꞌíndetꞌaxín ji xota̱ tji̱e̱e̱ Lebii̱ ngi̱jii̱n xota̱ Israee̱l xi ngasee̱, tsi̱ꞌe̱ nga ngatsjéni̱xtjin kꞌuíndo nga ta̱ xána tsí xi sa̱ꞌín.