Lebitiko̱ 3:8 - Xo̱jo̱n eén Néná

⁸ chjiéngá tsja ku̱i̱ꞌíjñasoón to̱ko̱ kui cho̱o̱, kósꞌe̱ ki̱a̱ nga tsꞌenkꞌién nínga bitjasꞌi̱e̱nnii̱ ndiꞌandikoón. Sꞌe̱ jaskan já chináꞌmii̱ skjitjónjón jiín kui cho̱o̱ ki̱a̱ nga̱ndee̱ ṉchandikoón,

Lebitiko̱ 3:8 ပူးပေါင်းရင်းမြစ်များ

Lebitiko̱ 1:11

Ki̱a̱ nga tsꞌenkꞌién ki̱a̱ tꞌa ṉchandikoón, kó já chináꞌmii̱ ki̱a̱ nga kjitjónjón jiín kui cho̱o̱ nga nijón nga̱ndee̱ kui ṉchandikoón.

Lebitiko̱ 1:4

kó ki̱a̱ ngatꞌíjñasoón tsja to̱ko̱ kui ndií cho̱yojoo̱, sꞌe̱ nga tsꞌenkꞌién ngijee̱. Bo̱a̱ tsꞌén nga tsja ka̱mana nga skjíbé án kui kjo̱a̱tjoó, kó sa̱ꞌinjetakóo̱n jeé. »Kó já chináꞌmii̱ sa̱ꞌínkꞌasꞌienna jiín kui ndí cho̱yojoo̱, sꞌe̱ jaskan ki̱a̱ nga kjitjónjón nga nijón nga̱ndee̱ kui ṉchandikoón.

Lebitiko̱ 4:15

kó xota̱ xi ngito̱ko̱o̱ ngatꞌíjñasoón tsja to̱ko̱ kui cho̱o̱, sꞌe̱ jaskan nga tsꞌenkꞌién kui cho̱o̱ ki̱a̱ nga̱són ṉchandikónna,

Lebitiko̱ 4:24

Ngatꞌíjñasoón tsja to̱ko̱ kui cho̱o̱, kósꞌe̱ ki̱a̱ nga tsꞌenkꞌién tꞌa ṉchandikónna, ngatꞌa̱ kjo̱a̱tjó xi niꞌánkꞌasꞌien tsi̱ꞌe̱ nga si̱ꞌanjetakón jé boá.

Matioo̱ 3:17

Kó kandaꞌyá ngo nda̱ ndiꞌakꞌajmi jàn xi bi̱ katsó: –Kuí xi̱ꞌbi̱ xi ndí tjóna, ꞌniú tsjátjínna kjo̱a̱a̱ kui.

2 Xota̱ Korinto̱ 5:19

Néná katsꞌénkjién Kristoo̱ tsi̱ꞌe̱ nga xota̱ nga̱sondiee̱ sa̱ꞌíntiñaa̱ yojoo̱ Néná, kó katsꞌénxki̱jín jeé kui xotaa̱. Ji̱n katsjájne̱ nga kꞌuiníjmi̱jne̱ kui eén, tsi̱ꞌe̱ xotaa̱ sa̱ꞌíntiñaa̱ yojoo̱ Néná.

2 Xota̱ Korinto̱ 5:21

Kristoo̱ nde ngo jé kisꞌiejiín, nganda tsa̱ñá boá nga Néná xikoó tsi xota̱ jé katsꞌén, tsi̱ꞌe̱ nga ñá xota̱ kixi̱ ka̱ma ngindyi̱ko̱n Néná, ta̱ngatꞌanii̱ ni xi katsꞌén Kristoo̱.

Xota̱ Éfeso̱ 2:18

Kó ngatꞌaa̱ Kristoo̱ nga xota̱ xi jundío̱ ko̱jo xi jundío̱jín ta̱ ngo tsí A̱siénni̱xtjin tikónná, kó ka̱ma kjóchochontiñáa̱ Na̱ꞌmii̱.

Xota̱ Éfeso̱ 3:12

Ndokꞌóchji̱nií Kristoo̱, ko̱jo nga sꞌijinná kuí, kuíni nga maꞌniátakón nga mongínchon tiñáa̱ Néná.

1 Xo̱jo̱o̱n Peé 2:24

Kuí Kristoo̱ xi kijíjo̱ jéná ngi̱jin yojoo̱ ki̱a̱ tꞌa kroo̱, tsi̱ꞌe̱ nga ñá ko̱yà kjo̱a̱a̱ jé xí kiniꞌán, kó ku̱i̱ndyión kjo̱a̱a̱ kjo̱a̱kixi̱i̱. Kó ta̱ngatꞌanii̱ nga kiniꞌánꞌoón Kristoo̱ nga jún je kamándayajnú.