Lebitiko̱ 3:3 - Xo̱jo̱n eén Néná

^3-5 kó ki̱a̱ kꞌuítísón kui nii̱: tsiꞌee̱, nga jó chjo̱ondáyaá, nga jó yojoyìtsꞌe̱n, ngo chikjan chi̱nga̱ndaa̱, ko̱jo xinié xí kjijon ngayeje kui nii̱. Kui kjo̱a̱tjoó ki̱a̱ nijan ngatꞌítí kjo̱a̱tjó xi niꞌánkꞌasꞌien xki̱ ta̱jño̱ó. Kuí boá kui nii̱ xi ngo kjo̱a̱tjó xi sije̱n, xi si̱ꞌankꞌasꞌien nganda tsa̱ꞌa̱n.

Lebitiko̱ 3:3 ပူးပေါင်းရင်းမြစ်များ

Éksondo̱ 29:13

Kó chja̱ꞌáxín ji ngayeje xinié xí kjijon tsiꞌee̱ kui cho̱o̱ ko̱jo chi̱nga̱ndaa̱ ko̱jo chjo̱ondáyaá, kó ki̱a̱ tꞌítí ji nga̱són ṉchandikoón.

Éksondo̱ 29:22

»Kó nga kui cho̱tsa̱nga̱ xi jaꞌatji ndi̱ja̱a̱ xi si̱ꞌankꞌasꞌiennii̱ xaá chináꞌmii̱, tꞌíjñitꞌaxín ji xinieé ńtsꞌen kui cho̱o̱, ko̱jo xinié xí kjijon tsiꞌee̱, ko̱jo xinié xí kjijon chi̱nga̱ndaa̱ ko̱jo ti̱ꞌmi xí kixi̱i̱, ko̱jo nga jó chjo̱ondáyaá, ko̱jo kui xinié xí kjijoo̱n.

Énkjínkón 23:26

Ji xi̱ꞌin, an ti̱ꞌinkꞌasꞌinní ini̱ma̱a̱, kó tsjangatamaa̱ ndyikin ji nga ki̱a̱ kꞌuíntjíngí ji ndi̱yàna.

Lebitiko̱ 1:12

Sꞌe̱ jaskan kui xi sa̱ꞌínkꞌasꞌienna kui kjo̱a̱tjoó ngatatieya kui cho̱o̱. Kó nga fetꞌa ndáfoa ngatanijónni tsiꞌee̱ ko̱jo se, sꞌe̱ ngatsꞌénkꞌásꞌieén ngayeje kui cho̱o̱ chináꞌmii̱. Kó ki̱a̱ ṉchandikoón ngatꞌítí chikjaa̱n kui cho̱o̱, ko̱jo to̱ko̱, ko̱jo se, ko̱jo tsiꞌee̱, ko̱jo xinieé. Kuí boá kui nii̱ xi ngo kjo̱a̱tjó xi sije̱n, xi si̱ꞌankꞌasꞌien nganda tsa̱ꞌa̱n.

Lebitiko̱ 16:25

Kó ti̱ ku̱i̱ꞌítí nga̱són ṉchanna xinieé kui cho̱ xi niꞌánkꞌasꞌien tsi̱ꞌe̱ nga niꞌánjetakón jeé.

Lebitiko̱ 3:2

»Kui xi sa̱ꞌínkꞌasꞌien kui kjo̱a̱tjoó ngatꞌíjñasoón tsja to̱ko̱ kui cho̱o̱, kósꞌe̱ ki̱a̱ nga tsꞌenkꞌién nínga bitjasꞌi̱e̱nnii̱ ndiꞌandikoón. Jaskan já chináꞌmii̱ nga kjitjónjón jiín kui cho̱o̱ nga̱ndee̱ ṉchandikoón,

Lebitiko̱ 7:30

Tsja má nga tsꞌenkꞌásꞌienni kui kjo̱a̱tjó xi ku̱i̱ti̱ nganda tsa̱ꞌa̱n, nijan ngatjeꞌejo̱ ni̱se̱e̱n, ko̱jo xinieé kui cho̱o̱ nga, kó ki̱a̱ kje̱n nínga tikón ṉchanna, ki̱a̱ ngatsꞌénkꞌásꞌiénna xi kótsꞌèn niꞌánkꞌasꞌien ngo kjo̱a̱tjó.

Lebitiko̱ 7:5

»Kui kjo̱a̱tjoó ta̱ chináꞌmii̱ tsí xi ka̱ma skji̱ni̱e̱. Kuí boá kui nii̱ xi ngo kjo̱a̱tjó xi si̱ꞌankꞌasꞌien nganda tsa̱ꞌa̱n, kuíni nga chjiéngá ki̱a̱ ka̱ma skji̱ni̱e̱ kui nii̱ ki̱a̱ ngi̱ndie xi xá tikónni.

Lebitiko̱ 9:10

Sꞌe̱ jaskan ítí xinieé ki̱a̱ nga̱són ṉchandikoón, ko̱jo chjo̱ondáyaá, ko̱jo ngo chikjan chi̱nga̱ndaa̱ kui cho̱o̱, xikó má katsoó Néná nga atíxomaa̱ Moisee̱, bo̱a̱ má katsꞌén.

Matioo̱ 13:16

Ta̱nga achichíra̱tsjaa̱ ndyikonjnú, ngatꞌa̱ be, ko̱jo tji̱bo̱a̱nijónjnú, ngatꞌa̱ ntꞌié.

Matioo̱ 15:8

Kui xota̱ na̱xi̱ńdaá ta̱ tsꞌoa tsí nga bendikónna, ta̱nga ini̱ma̱a̱ achichí kjin tikónnii̱ an.

Xota̱ Roma̱ 5:5

Kó kjo̱a̱chiyaá tsja̱ajínná kjo̱a̱soboá, ngatꞌa̱ kjo̱a̱tjoó Néná íjñá ngi̱jii̱n ini̱ma̱ná ta̱ngatꞌanii̱ kui A̱si̱énni̱xtjii̱n xi katsjáná ñá.

Xota̱ Roma̱ 6:6

Ja̱ jè ya ñá nga kjo̱a̱mindyion xi kisꞌiená ngasꞌe̱ jè nijan kꞌienjo̱ Kristoo̱ ki̱a̱ tꞌa kroo̱. Tsi̱ꞌe̱ nga yojo jeé si̱ꞌankjie. Kuíni nga ngiti̱ kuijín jeé xi ko̱tíxománá.

Ndeuteronomio̱ 30:6

Néná boá xi sa̱ꞌín nga xchi̱yàjnú nga ni xi ndajín si̱ꞌánjnú. Kósꞌe̱ jún ko̱jo xota̱ tji̱e̱jnú si̱ꞌantjójnú Néná, kó ko̱nda̱ꞌyáꞌénjnúu̱ ngayeje kjo̱a̱kjínkónjnú, ko̱jo ngayeje kjo̱a̱mindyionjnú, kó jmí tsi kjo̱a̱ꞌniú nga bo̱a̱ si̱ꞌánjnú. Kó bo̱a̱ tsꞌén nga kjín nó ka̱majnú nga ku̱i̱ndyionjnú nga̱sondie.