Lebitiko̱ 3:17 - Xo̱jo̱n eén Néná

¹⁷ »Nga jmíni̱xtjin chiniejnú xinié ko̱jo jín. Jmí ndasénjín ta̱ nínga tindyiónjnú, kui nii̱ kjo̱a̱kiti boá, kó chjiéngá si̱ꞌankjatjosónjnú ngatsjéni̱xtjin».

Lebitiko̱ 3:17 ပူးပေါင်းရင်းမြစ်များ

Jenesii̱s 9:4

Ta̱nga ka̱májín xi̱ni̱e̱jnú yojoo̱ cho̱ xi to̱kó tjiín jín, ngatꞌa̱ jiín boá xi kjo̱a̱mindyioo̱n.

Éksondo̱ 28:43

Kuí xkángíndieé xi ko̱a̱ja̱ Aaroo̱n ko̱jo ndií kjiꞌanga kꞌo̱sꞌien ndiꞌandikoón, ko̱jo tsi kjiꞌanga ko̱e̱je̱ tiña nínga tikón ṉchaa̱n nga sa̱ꞌín xaá. Tsi sa̱ꞌínkjiénjín kui ńjñoo̱, kotijéñáa̱, kó ngaskande ka̱ma ko̱yà. Kjo̱a̱kiti boá kui nii̱ kó chjiéngá sa̱ꞌínkjatjosón Aaroo̱n ko̱jo xota̱ tji̱e̱e̱ ngatsjéni̱xtjin».

Lebitiko̱ 10:9

«Kjiꞌanga ji ko̱jo tsi jáa̱ ku̱i̱tjásꞌi̱e̱njnú ki̱a̱ ndiꞌandikoón, ka̱májín tsi ni xi tsꞌenchꞌi̱ná sꞌi̱o̱jnú. Tsi bo̱a̱ si̱ꞌánjnú, ko̱yàjnú, ngatꞌa̱ jún boá xi ka̱ma xcha̱jnú ni xi an chjiá an, ko̱jo ni xi ánjín chjiá an, ko̱jo ni xi tsjie ko̱jo ni xi ndándí ngindyikón án. Kui kjo̱a̱botíxomaa̱ jmíni̱xtjin sa̱síkjo.

Lebitiko̱ 16:29

»Kui kjo̱a̱botíxomaa̱ jmí tsi ta̱ tsi̱ꞌe̱ xota̱ Israee̱l tsí bo̱a̱, ko̱jo tsi̱ꞌe̱ ngayeje xota̱ xi ki̱a̱ síndo kui ngi̱ndiee̱ boá, kui xi xín nangi chji̱a̱ni. Sá xi ma yitoo̱ kui xi ꞌmí Tebee̱t, ka̱májín ni skji̱ni̱e̱, ti̱nde ka̱májín sa̱ꞌínxá. Kuí boá xi̱ꞌba̱ xi ngo ni̱xtjin ndo̱jò nga niꞌánkjaꞌyá, ko̱jo nga niꞌánkjaꞌa kjindiá yojoná, ngatꞌa̱ kuí boá kui ni̱xtjii̱n nga sa̱ꞌinjetakón an ngayeje jeé.

Lebitiko̱ 16:34

Tsi̱ꞌe̱ nga ka̱majetakoón jeé, chjiéngá sa̱ꞌínkjatjosón kui kjo̱a̱botíxomaa̱ ngo ndi̱yà nga ngo noó». Ngayeje kui nii̱ xi kiniꞌán, xikó má tsꞌén atíxoma Moisee̱ nga si̱ꞌan.

Lebitiko̱ 17:7

Kó bo̱a̱ tsꞌén nga xota̱ Israee̱l ngiti̱ sa̱ꞌínkꞌasꞌienjiín kjo̱a̱tjó xindajín, kui xi ja̱ kon tindso̱ má kón. Kui kjo̱a̱botíxomaa̱ jmíni̱xtjin sa̱síkjo.

Lebitiko̱ 19:26

»Ngata̱ chiniejínjnú ni xi tjiín jín. »Ngata̱ niꞌánjínjnú ngayeje to̱ko̱ya kjo̱a̱tjiꞌe.

Lebitiko̱ 23:14

Ka̱májín xi̱ni̱e̱jnú pan ko̱jo to xí kamátsjó, ko̱jo tsi xi chjindié ngaskande ngije kiniꞌánkꞌasꞌienjnú kui kjo̱a̱tjoó. Ta̱ nínga tindyiónjnú, chjiéngá ngatsjéni̱xtjin si̱ꞌankjatjosónjnú kui kjo̱a̱botíxomaa̱.

Lebitiko̱ 23:21

»Ti̱ kuii̱ ni̱xtjin nga niꞌánna ngo sꞌué nínga si̱ꞌantsjana, kó jmí xá si̱ꞌánjínjnú kui ni̱xtjii̱n. Ta̱ nínga tindyiónjnú, chjiéngá ngatsjéni̱xtjin si̱ꞌankjatjosónjnú kui kjo̱a̱botíxomaa̱.

Lebitiko̱ 24:3

Aaroo̱n boá xi skoón kui ndiꞌií tsi̱ꞌe̱ nga, nga ngo ni̱xtji̱e̱e̱n ku̱i̱ti̱ ki̱a̱ ndiꞌandikónna. Kui ndiꞌií ki̱a̱ kꞌuíndo ndiꞌandikoón, kó ki̱a̱ kꞌuíndosón ki̱cha̱ xi to̱nsinieé ndiꞌí xí tsꞌentsíjee̱n, kui xi tikón ki̱a̱ ngi̱ndie ndikoón. Kui nii̱ kuí bí xi ngo kjo̱a̱botíxoma xi chjiéngá ngatsjéni̱xtjin nga si̱ꞌankjatjosón.

Lebitiko̱ 24:9

»Chináꞌmii̱ ka̱má skji̱ni̱e̱ kui paa̱n, ta̱nga chjiéngá ki̱a̱ skji̱ni̱e̱ ki̱a̱ ngi̱ndie xi xá tikónnii̱, ngatꞌa̱ kjo̱a̱tjó xi ndikón boá kui nii̱».

Lebitiko̱ 4:1

Néná bi̱ katsoó Moisee̱,

Lebitiko̱ 6:15

Kui chináꞌmii̱ chjiéngá skjíbé ngo tji̱ngo̱ ndso̱ko̱a̱n ṉño̱paa̱n ko̱jo istii̱ ko̱jo ngayeje nisijee̱n, kó ki̱a̱ ku̱i̱ꞌítí nga̱són ṉchandikoón, tsi̱ꞌe̱ nga jún kjo̱a̱ꞌátsjienjnú nga án boá xi tsjajnúꞌun ngayeje nii̱. Kuí boá kui nii̱ xi ngo kjo̱a̱tjó xi sije̱n, xi si̱ꞌankꞌasꞌien nganda tsa̱ꞌa̱n.

Lebitiko̱ 7:23

tsi̱ꞌe̱ nga sa̱ꞌínkꞌasꞌiee̱n xota̱ Israee̱l kui kjo̱a̱botíxomaa̱: «Jún ka̱májín xi̱ni̱e̱jnú xinieé cho̱yojo toro̱, ko̱jo tsi̱ꞌe̱ cho̱tsa̱nga̱, ko̱jo tsi̱ꞌe̱ tindso̱ chjo̱on.

Lebitiko̱ 7:34

Án boá xi je bo̱a̱ kixian an, nga ni̱se̱e̱n ko̱jo ti̱ꞌmi̱í kui cho̱o̱ ngatsjéni̱xtjin nga tsi̱ꞌe̱ chináꞌmii̱ ka̱ma. Ngayeje kui kjo̱a̱tjó xi sa̱ꞌínkꞌasꞌien xota̱ Israee̱l, ngatsjéni̱xtjin nga kui nii̱ xi stso̱ba̱a̱ nga skjíbé já chináꞌmii̱».

Matioo̱ 16:24

Kósꞌe̱ Kjisoo̱, bi̱ katsoó xota̱ tsi̱ꞌe̱: –Tsi tjín káꞌá xota̱ xi mejeén tsjiengína, ngatsꞌénchíyá yojoo̱, nga kjíbé kroo̱, kósꞌe̱ ngatjandibátjingína.

Matioo̱ 26:28

ngatꞌa̱ kuí xi̱ꞌbi̱ xi jínna, nínga tjíꞌbínda ngo kjo̱a̱tja̱tsi̱e̱ tsi̱ꞌe̱ Néná ko̱jo jún. Jín xí xtjoón ta̱ngatꞌanií kjo̱a̱ndaa̱ kjín xota̱, tsi̱ꞌe̱ nga si̱ꞌanjetakoón jeé.

Ni xi kamá 15:29

Nga xi̱ni̱e̱jínjnú yojoo̱ cho̱ xi je kiniꞌánkꞌasꞌiee̱n ngo a̱sie̱én ngo ne xi tsꞌénda xotaa̱, ko̱jo nga xi̱ni̱e̱jínjnú jín, ko̱jo yojoo̱ cho̱ xi kiniꞌánxíndo, ko̱jo nga ka̱májín tondo̱ ka̱majnú. Tsi si̱ꞌankjatjosónjnú ngayeje kui nii̱, ndakjíꞌí ni xi ndyi̱niꞌánjnú. Nda ngasꞌiejnú.”

Xota̱ Éfeso̱ 1:7

Kuí ndií xi kꞌien tsi̱ꞌe̱ nga Néná tsꞌaxiéꞌáná ñá, kó kuíni nga tjínná kjo̱a̱niꞌánjetakoón jéná, xikó kjiꞌi tsie kjo̱a̱nda je xi katsjáná Néná,

Xota̱ Éfeso̱ 5:26

kui nii̱ xi katsꞌén nga katsꞌéntsi̱ꞌe̱. Eén katsꞌéntsjieni, kó ndáfoa aniéjónni,

Ndeuteronomio̱ 12:23

Ta̱nga ngata̱ chiniejínjnú yojo xi to̱kó tjiín jín, chjiéngá te̱ꞌéndiè márajnúu̱ nga kjo̱tjo jiín kui yojoo̱ ki̱a̱ nga̱són tꞌanangii̱, xikoó tsi ndáfoa. Tsi ko̱nda̱ꞌyáꞌénjnúu̱ Néná, nda̱ ku̱i̱ndyionjnú jún ko̱jo xota̱ tji̱e̱jnú.

Ndeuteronomio̱ 15:23

Ta̱kuítsí jiín kui cho̱o̱ xi ka̱májín xi̱ni̱e̱jnú, chjiéngá ko̱e̱ꞌéndièjnúu̱ nga xtjón mára ki̱a̱ nga̱són tꞌanangii̱.»

Ndeuteronomio̱ 32:14

Cho̱yojojnú, ko̱jo tindso̱ ínchjínjnú, ko̱jo cho̱tsa̱nga̱jnú kaꞌnaxiéjnúu̱ ntsjén ko̱jo ni xi tsꞌéntájání kjixoo̱, nga̱són yámíxa̱jnú ikꞌíjñanda yojo xi nda ngasee̱ cho̱ xi maxchájnú. Kichiniejnú pan xi to ndso̱ko̱a̱n ṉño̱ xi nda ngasee̱ kiniꞌándajo̱, kó kiꞌyójnú binoo̱ tostsi̱je̱è xí nda ngasee̱.

1 Timoo̱ 4:4

Nda ngayeje ni xi Néná katsꞌénda, kó chjiénjín nga si̱ꞌanchꞌo tsi chjábé nga ko̱e̱ꞌée̱ ndokꞌóchjì Néná.