Lebitiko̱ 3:1 - Xo̱jo̱n eén Néná

¹ «Kjiꞌanga tjín xí mejeén ku̱i̱ꞌana nga nda kꞌuieé ko̱jo nga nda kꞌuijñá, chjiéngá ngo ndí chjo̱on ko̱jo tsi ndí xíꞌiín ngo cho̱yojo xi nda ngatsꞌénkꞌásꞌiénna.

Lebitiko̱ 3:1 ပူးပေါင်းရင်းမြစ်များ

Éksondo̱ 20:24

»Kjiꞌanga si̱ꞌandajnú ngo ṉchandikón tsi̱ꞌe̱ nga an si̱ꞌandikónjnúꞌun, ńdie ti̱ꞌandajo̱jnú, kó ki̱a̱ ti̱ꞌankꞌiènjnú cho̱tsa̱nga̱ ko̱jo cho̱yojo xi̱ꞌin xi si̱ꞌankꞌasꞌienjnúꞌun. Ki̱a̱ tꞌíjñájnú nga̱soón kui ṉchaa̱n kui kjo̱a̱tjó xi si̱ꞌankꞌasꞌienjnú kjo̱a̱a̱ jeé xota̱ na̱xi̱ńdaá, ko̱jo kui kjo̱a̱tjó xi bokó nga mejénjnú nga kꞌuiéná kjo̱a̱xió jún ko̱jo an, ko̱jo jún ko̱jo xota̱ xi ngasee̱. An kji̱ndi̱bá an ngo ngi̱ndie xi kjoaꞌajin an tsi̱ꞌe̱ nga kjo̱a̱ꞌátsjienjnú an, kó án boá xi sa̱ꞌin an nga nda ka̱ma ngayeje ni xi si̱ꞌánjnú.

Éksondo̱ 24:5

Kósꞌe̱ íxaá já xo̱ngò xí chji̱a̱ni xota̱ Israee̱l, xi katsꞌénkꞌasꞌiee̱n Néná cho̱yojo toro̱ kjo̱a̱a̱ kjo̱a̱xioó.

Énkjínkón 7:14

«A ka̱ma xi̱ni̱ ji nichinie, kui yojo xi je katsꞌenkꞌasꞌièe̱n néna. Ngotꞌe̱ boá nga katsꞌenkjatjosóo̱n ni xi katsóyàtjóo̱n, kó achichí kjo̱a̱xió je tjínna an ko̱jo kui.

Lebitiko̱ 1:10

»Tsi tjín xí ngo ndií cho̱tsa̱nga̱ ko̱jo tsi ngo ndií tindso̱ sa̱ꞌínkꞌasꞌienna, ti̱ chjiéngá nga ngo cho̱ xi xi̱ꞌin ko̱jo xi nda ngatama nga.

Lebitiko̱ 1:3

»Tsi tjín xí ngo kjo̱a̱tjó xi ndií cho̱yojo sa̱ꞌínkꞌasꞌienna, chjiéngá kui cho̱o̱, ngo cho̱ xi xi̱ꞌin ko̱jo xi nda ngatama. Kó ki̱a̱ ngatjíjo̱ nínga bitjasꞌi̱e̱nnii̱ ndiꞌandikoón,

Lebitiko̱ 17:5

»Xota̱ Israee̱l xi sa̱ꞌínkꞌasꞌienna kui cho̱o̱ xikoó tsi ngo kjo̱a̱tjó tsi̱ꞌe̱ nga ku̱i̱ꞌana nga nda ko̱jo nga tsjatsꞌèn kꞌuíndo, chjiéngá ki̱a̱ nínga bitjasꞌi̱e̱nnii̱ ndiꞌandikoón ko̱e̱je̱jo. Kósꞌe̱ ki̱a̱ sa̱ꞌínkꞌasꞌiee̱n chináꞌmii̱, kó kui chináꞌmii̱ an sa̱ꞌínkꞌasꞌienna ngijee̱.

Lebitiko̱ 3:6

»Tsi tjín xí sa̱ꞌínkꞌasꞌienna ngo kjo̱a̱tjó xi ngo cho̱tsa̱nga̱ ko̱jo tsi ngo tindso̱, chjiéngá nga ngo cho̱ xi nda ngatama.

Lebitiko̱ 9:18

Kó ti̱ Aaroo̱n katsꞌénkꞌién kui cho̱yojo toro̱ ko̱jo kui cho̱tsa̱nga̱ xi jaꞌatji ndi̱ja̱a̱, xi katsjá xota̱ na̱xi̱ńdaá tsi̱ꞌe̱ nga tsíꞌaá Néná nga nda ko̱jo nga tsjatsꞌèn kꞌuíndo, kó katsꞌénkꞌasꞌiee̱n Néná. Kósꞌe̱ jaá Aaroo̱n kijíjo̱ boaꞌaá na̱ꞌmii̱ jiín kui cho̱o̱, kó Aaroo̱n iskjitjónjón nga nijón nga̱ndee̱ kui ṉchandikoón.

Lebitiko̱ 9:4

»Ngotꞌe̱ má, Néná ko̱kójnú kókjiꞌi ngaꞌniú xí tjiín. Kuíni nga chjiéngá si̱ꞌankꞌasꞌienjnúu̱ ngo kjo̱a̱tjó, xi ngo cho̱yojo toro̱, ko̱jo ngo cho̱tsa̱nga̱ xi jaꞌatji ndi̱ja̱a̱, tsi̱ꞌe̱ nga chji̱a̱ꞌajnúu̱ nga nda ko̱jo nga tsjatsꞌèn ku̱i̱ndyionjnú, ko̱jo chjiéngá si̱ꞌankꞌasꞌienjnúu̱ ngo kjo̱a̱tjó xi ni xi maxchá jno̱ xi isti̱ ku̱i̱ndyiaa̱ nga si̱ꞌanda̱ꞌyo̱ni».

Xki̱ 15:8

»Kjiꞌanga kꞌuitíjnú ngo cho̱yojo toro̱ nganda tsa̱ꞌa̱n, ko̱jo tsi ngo kjo̱a̱tjó si̱ꞌankꞌasꞌienjnúꞌun tsi̱ꞌe̱ nga kꞌuié nginíná kjo̱a̱xió, ko̱jo tsi tsi̱ꞌe̱ nga si̱ꞌankjatjosónjnú ngo ni xi kiꞌmíyatjónjnú, chjiéngá jó litro̱ bino̱, ko̱jo jun kilo̱ ndso̱ko̱a̱n ṉño̱pan xi nda, xi kiniꞌánda̱ꞌyo̱ni jó litro̱ isti̱ xi si̱ꞌankꞌasꞌienjnúꞌun. Bo̱a̱ tsꞌén nga tsja mana kjo̱a̱tjó xi niꞌánkꞌasꞌienna.

Xki̱ 6:14

kó ki̱a̱ sa̱ꞌínkꞌasꞌienna kui kjo̱a̱tjó xi̱ꞌbi̱: ngo ndií cho̱tsa̱nga̱ xi ngo noó xi onjiín, kui xi ngo kjo̱a̱tjó ka̱ma xi kꞌuití ndo̱jò ndójo̱, ko̱jo ngo cho̱tsa̱nga̱ xi ngo noó xi onjiín, tsi̱ꞌe̱ nga si̱ꞌanjetakoón jeé, ko̱jo ingo cho̱tsa̱nga̱ xi jaꞌatji ndi̱ja̱a̱ xi onjiín, tsi̱ꞌe̱ nga kui xota̱ nasareoo̱ ka̱ma nda koaꞌa ngiñá an.

Xota̱ Kolosa̱ 1:20

Kó nga ngatꞌaa̱ Kristoo̱ nga Néná boá xi katsꞌén nga kjo̱e̱ꞌekón nginií ngayeje xi síndotꞌaxiín, xi síndo kui nga̱sondiee̱, ko̱jo xi síndo ndiꞌakꞌajmii̱, kó Kristoo̱ boá xi katsjá kjo̱a̱xioó ta̱ngatꞌanii̱ jín xí iskjitjón tꞌa kroo̱.

Xota̱ Ebreo̱ 10:22

Kuíni chjiéngá nga ngayeje ini̱ma̱ná nga kongínchon tiñáa̱ Néná, nga kꞌuiéná ngo kjo̱a̱sꞌijin xi ja̱koxi̱, nga tsjie ka̱ma ini̱ma̱ná kjo̱a̱a̱ ni xi ndajínkjiꞌi xi tikoón kjo̱a̱kjíntakónná ko̱jo nga ko̱niéjón ñá yojoná ndáfoa xi tsjie.

1 Xo̱jo̱o̱n Juaa̱ 1:3

Kui xi je kamáyà ji̱n, ko̱jo kui xi je kandaꞌyá ji̱n xí ndyi̱ꞌbíni̱jmìjne̱ jún, tsi̱ꞌe̱ nga jún, ko̱jo ji̱n ngo ka̱ma ñá. Kó bo̱a̱ tsꞌén nga ja̱koxi̱ nga ñá je kiniꞌángojo̱ yojoná Na̱ꞌmii̱ ko̱jo Jesukristoo̱, kui xi ndií ma kui.