Lebitiko̱ 26:6 - Xo̱jo̱n eén Néná

^6-8 »Án boá xi sa̱ꞌin an nga xió ko̱jo nga nda tsꞌén ku̱i̱ndyionjnú. Chjiénjín nga ko̱nda̱konjnú cho̱ xi tamaá, ti̱nde ngata̱ ndakonjínmájnú kondra̱jnú, ngatꞌa̱ nde niꞌínjín ka̱majnú nga si̱ꞌánjnúu̱: Ta̱ ún tsí jún xi ka̱manii̱ nga ko̱ngandikónjnú úchán xota̱, kó ta̱ úchán tsi jún xi ka̱manii̱ nga ko̱ngandikónjnú tie mi̱ xota̱.

Lebitiko̱ 26:6 ပူးပေါင်းရင်းမြစ်များ

Joo̱b 11:19

Tsjajní ji, kó nde ngojín xi ku̱i̱ndyiándikoón, kó achichí ka̱ma xota̱ xi ka̱mamejeén kjo̱a̱ndàa̱.

Joo̱b 5:23

¡Ngatꞌa̱ ngaskande ndi̱jo̱ xi tjín ngi̱jin kꞌijñaá, ka̱ma kꞌuíndeje̱ ji ngo ni, kó cho̱ tamaá ko̱jo ji, kꞌuiéjnú kjo̱a̱xió!

Xo̱jo̱n Salmoo̱ 144:14

Te̱ꞌéndiè ji nga cho̱yojo xi̱ꞌinjne̱ nga kjifé karreta̱ xi tjikítsie maá nichinie. Ngiti̱ boeꞌéndièjín ji nga ko̱kján nginí xó xí tjíchjáꞌyáni na̱xi̱ńdájne̱, ti̱nde nga ngiti̱ mongínjo̱jínjne̱ kje̱ꞌe na̱xi̱ńdá, ti̱nde nga ngiti̱ ndaꞌyájín ngi̱ya ndi̱yàtiéjne̱ nga tjín xí skja̱ndáyà nga nda̱ kjimaa̱.

Xo̱jo̱n Salmoo̱ 147:14

Néná boá xi tsꞌéntsjaá nga kꞌuieé kjo̱a̱xió, kó tsie nichinie tsꞌéntsjaá.

Xo̱jo̱n Salmoo̱ 29:11

Néná boá xi tsja̱á ngaꞌniú xota̱ na̱xi̱ńdaá, Néná boá xi sa̱ꞌínchikonñé xota̱ na̱xi̱ńdaá nga tsja̱á kjo̱a̱xioó.

Xo̱jo̱n Salmoo̱ 3:5

An jajña an, kó kisꞌifé an, kó ti̱ jaꞌá nginína, ngatꞌa̱ ta̱ngatꞌanii̱ kui nga tikón an.

Xo̱jo̱n Salmoo̱ 4:8

Tjínna kjo̱a̱xió nga kjojña an, ko̱jo nga ko̱e̱ꞌéńjñána, ngatꞌa̱ ta̱ jí tsí xi kjimaꞌniátakoón ji Ne.

Xo̱jo̱n Salmoo̱ 85:8

Kosiennijòo̱n ni xi ka̱tso̱ Néná, ngatꞌa̱ ku̱i̱chji̱a̱ kjo̱a̱ kjo̱a̱xió xi kꞌuieé xota̱ na̱xi̱ńdaá ko̱jo xota̱ tsjiee̱, tsi̱ꞌe̱ nga ngiti̱ kitikjo̱a̱jín ka̱ma.

Éksondo̱ 23:29

Ta̱nga jmí tsi ngo nó ka̱mana nga kongatji̱ngìi̱ kui xota̱ kondraa̱, chíchi̱ chíchi̱ kꞌoxié an. Tsi ta̱ ngo ndi̱yà kꞌo̱xié an, kjo̱tsòn tꞌanangii̱ kó cho̱ tamá sꞌi̱kitsieni. Ta̱sá skoyáa̱ nga jún kꞌuiéjnú kjín ndí, kó kuí xí ngatꞌíndo ngayeje kui ngi̱ndiee̱.

Énkjínkón 3:24

Kjiꞌanga tsjáfé ji, ko̱nda̱kínjín ji, ta̱sá nda tsjáfé ji, kó achichí nda ko̱e̱ꞌéńjñaá.

Énkjínkón 6:22

Kui boá kui nii̱ xi ko̱ko̱ó ndi̱yà nínga kꞌuin jí, kuí boá xi skoón kjiꞌanga tsjáfé ji, kó kuí boá xi ku̱i̱chji̱a̱joo kjiꞌanga kjo̱a̱ꞌaá.

Lebitiko̱ 25:18

Tsi ko̱nda̱ꞌyáꞌénjnúu̱ kjo̱a̱kitina, kó tsi si̱ꞌankjatjosónjnú kjo̱a̱botíxomana, nda ku̱i̱ndyionjnú kui na̱xi̱ńdaá,

Lebitiko̱ 25:19

kó tꞌanangii̱ tsja̱ajnú to xi kꞌuítji̱e̱jnú, kó jún ka̱ma xi̱ni̱e̱jnú ngaskande nga nda stsi̱e̱jnú.

Lebitiko̱ 26:22

Tsjandiè an nga cho̱ xi tamaá skji̱ni̱e̱jnú, ko̱jo nga skji̱ni̱e̱ ndíjnú nga, ko̱jo cho̱yojojnú. Xota̱ xi kꞌuíndo ngasee̱ jè ta̱ chiboa tsí ka̱ma, nga ngaskande ndi̱ya̱à sꞌi̱tiya.

Lebitiko̱ 26:25

Án boá xi sa̱ꞌin an nga ko̱yàjnú ngi̱jii̱n kjo̱a̱xcha̱án, xikoó tsi ngo kjo̱a̱botíjé kjo̱a̱a̱ nga kiniꞌánkjatjosónjínjnú kjo̱a̱ꞌbíndana. Ngaskande ku̱i̱yòmájnú nga konginkíndyiónꞌmájnú na̱xi̱ńdájnú, ta̱nga án boá xi sangiyájnúꞌun chiꞌin xi ta̱nisién ꞌniú, kó án boá xi sa̱ꞌin an, nga ngi̱ya tsja kondra̱jnú kꞌo̱kayàjnú.

Juaa̱ 14:27

Kjo̱a̱xióna kꞌuijñájnúꞌun, kjo̱a̱xióna tsjajnúꞌun, jmí tsi bo̱a̱ tsꞌén tsja an xikótsꞌèn tsjá xotaa̱ kui nga̱sondiee̱. Ngata̱ nda̱jín maá ini̱ma̱jnú, ti̱nde ngata̱ ndakonjínmájnú.

Ni xi kamá 12:6

Kó ngo ni̱xtji̱e̱n ngindiee̱ nga Erondee̱ sa̱ꞌínjeé Peé ngindyi̱ko̱n xota̱ na̱xi̱ńdaá, Peé kjiꞌifé ngamasiee̱n jó jájún, nga tjitáꞌniú jó ńꞌniúki̱cha̱, tji̱e̱nga jájún xi ngasee̱ ndyi̱konda nga̱ntjo̱a̱ ndo̱bo̱a̱ya̱à.

Xota̱ Roma̱ 5:1

Ja̱ kuíni nga Néná katsꞌénjo̱ꞌoná xikoó xota̱ xi kixi̱, ndokꞌóchji̱nií nga sꞌijinná kuí, kó tjínná kjo̱a̱xió ngatꞌaa̱ Ndi̱a̱ná Jesukristoo̱.