Lebitiko̱ 26:41 - Xo̱jo̱n eén Néná

⁴¹ Ngotꞌe̱ ꞌne̱ xota̱ kitikjo̱a̱ boá jún, kó bo̱a̱ niꞌánjnú xikoó xota̱ na̱xi̱ńdá xí sꞌijinjiín an, ta̱nga kjiꞌá boá nga ni̱ma̱kjo̱a̱ ka̱majnú, kó si̱ꞌanjo̱ꞌojnú kjo̱a̱botíjé xí tsoboájnú kjo̱a̱a̱ ni xi ndajín xi kiniꞌánjnú.

Lebitiko̱ 26:41 ပူးပေါင်းရင်းမြစ်များ

Xo̱jo̱n Salmoo̱ 39:9

»Xikoó tsi kamáni̱ma̱, iskjíxꞌájín an ndso̱ꞌba án, ¡ngatꞌa̱ jí boá xi bo̱a̱ kase ji nga bo̱a̱ ka̱ma!

Éksondo̱ 10:3

Kósꞌe̱ Moisee̱ ko̱jo Aaroo̱n kijíkoón nda̱ ree̱, kó bi̱ katsoó: «Nejne̱ kui xi Nee̱ xota̱ Israee̱l, kuí boá xi katsangiyajne̱ tsi̱ꞌe̱ nga ko̱si̱yajne̱ ji nga ngaskande kjiꞌání nga to̱kó nkꞌa ko̱ꞌna̱xié ji yojòo̱, kó ngaskande kjiꞌání nga ko̱nda̱ꞌyéꞌíi̱n. Te̱ꞌéndièjne̱ nga kongín niꞌántsjájne̱ Nejne̱.

Lebitiko̱ 26:24

tsie ngase sa̱ꞌinjéjnúꞌun xikó kjiꞌi tsoboaá jé xí kiniꞌánjnú.

Lebitiko̱ 26:28

án má xi skjanjo̱jnúꞌun, kó tsie ngase kotijéjnúꞌun xikó kjiꞌi tsoboaá jé xí kiniꞌánjnú.

Xki̱ 5:7

kó chjiéngá bi̱ tsꞌén sa̱ꞌíndaya yojoo̱: ngatsjá ngajo nginií ni xi jaꞌáxiín kui xotaa̱, kó ngo tíkjá nga ún ngatásoón.

Matioo̱ 23:12

Ngatꞌa̱ xota̱ xi je kꞌo̱xié yojoo̱, ni̱ma̱kjo̱a̱ si̱ꞌanjo̱, kó xi ni̱ma̱kjo̱a̱ kꞌo̱xié yojoo̱, kuí xí je ko̱ꞌna̱xié.

Rkaa̱ 14:11

Ngatꞌa̱ ta̱ꞌyaní xi je kꞌo̱xié yojoo̱, ni̱ma̱kjo̱a̱ si̱ꞌanjo̱, kó xi ni̱ma̱kjo̱a̱ kꞌo̱xié yojoo̱, kuí xí je ko̱ꞌna̱xié.

Rkaa̱ 18:14

Xiyàjnúꞌun nga kjiꞌanga jachó ndiꞌaa̱ kui nda̱ xi foaꞌáꞌyá to̱n xi machjítjé nii̱, jè kixi̱ tikón ngindyi̱ko̱n Néná, ta̱bo̱a̱jiín nda̱ xi ingoo̱, ngatꞌa̱ ta̱ꞌyaní xi je kꞌo̱xié yojoo̱, ni̱ma̱kjo̱a̱ si̱ꞌanjo̱, kó xi ni̱ma̱kjo̱a̱ kꞌo̱xié yojoo̱, kuí xí je ko̱ꞌna̱xié.

Ni xi kamá 7:51

Kó bi̱ katsó ngase Ixtibaa̱: Ta̱nga jún tajá tokojnú, ko̱jo ini̱ma̱jnú, ko̱jo tji̱bo̱a̱nijónjnú, ngatsjéni̱xtjin nga ndyi̱mongínjnúu̱ kondra̱ A̱si̱énni̱xtjii̱n Néná, xikó má katsꞌén xota̱ xi xchájnú.

Xota̱ Ngalasia̱ 5:6

Ngatꞌa̱ ndokꞌóchji̱nií Kristo̱ Kjisoo̱, nga ngiti̱ chjíjiín tsi kiniꞌán, ko̱jo tsi kiniꞌánjáa̱n sirkunsisioo̱n yojoná. Kjo̱a̱sꞌijii̱n Néná xí chjínií, ngatꞌaa̱ kjo̱a̱tjoó.

Ndeuteronomio̱ 10:16

Ta̱nga ngata̱ kitikjo̱a̱jín niꞌánjnú yojojnú, ti̱nde ngata̱ niꞌánchíyájínjnú ni xi índajo̱jnú Néná.

Ndeuteronomio̱ 30:6

Néná boá xi sa̱ꞌín nga xchi̱yàjnú nga ni xi ndajín si̱ꞌánjnú. Kósꞌe̱ jún ko̱jo xota̱ tji̱e̱jnú si̱ꞌantjójnú Néná, kó ko̱nda̱ꞌyáꞌénjnúu̱ ngayeje kjo̱a̱kjínkónjnú, ko̱jo ngayeje kjo̱a̱mindyionjnú, kó jmí tsi kjo̱a̱ꞌniú nga bo̱a̱ si̱ꞌánjnú. Kó bo̱a̱ tsꞌén nga kjín nó ka̱majnú nga ku̱i̱ndyionjnú nga̱sondie.

Ndeuteronomio̱ 31:21

Ngije sa̱ko̱ó ngayeje kui kjo̱a̱botíjé xi sangiyáa, kjiꞌa kjo̱a̱ꞌátsjiee̱n kui soó, kó kjiꞌanga ndií si̱é kui soó, sa̱ꞌínjo̱ꞌo nga bo̱a̱ kjiꞌi ni xi kixian an. Ndatsi kui xotaa̱ kji̱e̱ ꞌbosꞌienjín kui tꞌanangi xi je kixiyatjóo̱n nga tsjàa̱, achichí nda be an kókón kui xotaa̱, kó jè be án mí ni xi sa̱ꞌín».

Xota̱ Filipo̱ 3:3

Ngatꞌa̱ sirkunsisio̱n xi ndaa̱, kuí xí kichꞌiá ñá xi yandikón Néná xikótsꞌèn bokoyáná A̱si̱énni̱xtjii̱n, kó kjimaꞌniátakón ñá ni xi katsꞌén Kristo̱ Kjisoo̱, jmí tsi ni xi kiniꞌaán yojoná.

Xota̱ Kolosa̱ 2:11

Kjiꞌanga kisꞌijinjnú Kristoo̱ kiniꞌánjnú ngo sirkunsisio̱n, ta̱nga jmí tsi ngo sirkunsisio̱n xi niꞌaán yojoo̱ xotaa̱ xi kiniꞌánjnú, ngo sirkunsisio̱n xi jaꞌáxín jé xí kiniꞌánjnú, kó Kristoo̱ boá xi bo̱a̱ katsꞌénjo̱jnú.