Lebitiko̱ 26:11 - Xo̱jo̱n eén Néná

^11-12 »Án boá xi kjótsoꞌbájo̱jnúꞌun ta̱ nínga kongínjnú, kó ki̱a̱ kotíjña̱ an ki̱a̱ ndiꞌandikón xi je kiniꞌándajnúꞌun, kó jmíni̱xtjin nga chꞌo tsꞌén skotsijenjnúꞌun. Jún boá xi xota̱ na̱xi̱ńdána jún, kó án boá xi Nejnú an.

Lebitiko̱ 26:11 ပူးပေါင်းရင်းမြစ်များ

Xo̱jo̱n Salmoo̱ 106:40

Néná achichí ꞌniú katsꞌénxchánjo̱ kui xotaa̱, kó katsꞌénchꞌó ngijee̱.

Xo̱jo̱n Salmoo̱ 76:2

Ki̱a̱ na̱xi̱ńdáꞌniú Jerusalee̱n tikón na̱ngo̱xi̱i̱, kó ki̱a̱ na̱xi̱ńdáꞌniú Sioo̱n tikón ngi̱ndiee̱.

Xo̱jo̱n Salmoo̱ 78:59

kó nga tsintꞌié kuí nii̱ Néná, achichí ndasen kamaá, kósꞌe̱ achichí ꞌniú kamáchꞌoó xota̱ Israee̱l.

Éksondo̱ 25:8

»Kó ti̱ mejénna nga sa̱ꞌíndana ngo ndiꞌandikón, tsi̱ꞌe̱ nga ki̱a̱ kotíjña̱jinjnúꞌun.

Éksondo̱ 29:45

Án boá xi kotíjña̱jìi̱n xota̱ Israee̱l, kó án boá xi Nee̱ ka̱ma an.

Éksondo̱ 29:46

Kó bo̱a̱ tsꞌén nga sku̱i̱e̱ kui xotaa̱ nga án boá xi Nee̱ an, kó nga án boá xi tsꞌaxié an nangi Ejipto̱.

Kjo̱a̱chaꞌaá 2:7

Néná jè katsꞌénchꞌó ṉchandikoón, ko̱jo ndiꞌandikoón, jè katsꞌénkꞌasꞌien ngi̱ya tsja kondraa̱ xó xí tjíchjáꞌyáni, ko̱jo ndo̱bo̱a̱xa̱á na̱xi̱ńdáꞌniuú. ¡Achichí ni xi ndyi̱tsó xotaa̱ nga ndyi̱kjandayà, xikó maá kjiꞌanga ma sꞌué!

Lebitiko̱ 20:23

Ta̱nga chjiéngá nga bo̱a̱jín niꞌánjnú, xikoó xota̱ na̱xi̱ńdá xí síndo ngotꞌe̱ ki̱a̱a̱, ngatꞌa̱ ta̱ngatꞌanii̱ nga ndajínkjiꞌi ni xi katsꞌén, kuíni nga katsꞌenxchán án.

Lebitiko̱ 26:43

kui tꞌanangi xi jún kꞌuijñámasienjnú, kui tꞌanangi xi je nda katsꞌénkjaꞌyaá. ¡Ta̱nga jún ko̱ti̱jéjnú kjo̱a̱a̱ ni xi ndajín xi kiniꞌánjnú, ko̱jo kjo̱a̱a̱ nga kiniꞌánkjatjosónjínjnú kjo̱a̱botíxomana!

Lebitiko̱ 26:44

Kó ndatsi ngo na̱xi̱ńdá xi tsi̱ꞌe̱ kondra̱jnú ku̱i̱ndyionjnú, jmí tsi sa̱ꞌinkjié kjin kjinjnúꞌun. Ki̱a̱jín kjin fochó kjo̱a̱xchánna. Án boá xi Nee̱ xota̱ Israee̱l, kó sa̱ꞌintja̱tsi̱e̱ya nginí an ni xi indajo̱ an xota̱ xi xchájnú, kjiꞌanga tsꞌaxié an nangi Ejipto̱, tsi̱ꞌe̱ nga an kamá an Nee̱. ¡Kui nii̱ xi kamábe ngayeje xota̱ na̱xi̱ńdaá!»

Xota̱ Éfeso̱ 2:22

Ta̱ngatꞌanii̱ nga ngo majo̱jnú Kristoo̱, nga jún xí ka̱majnú xikoó ngo na̱ngo̱xi̱ nínga kꞌuijñá A̱si̱énni̱xtjii̱n Néná.

Ndeuteronomio̱ 32:19

Kuíni nga Néná katsꞌénxchán, kó índotꞌaxín kui xotaa̱.

Ni xi akakoo̱ 21:3

Kó tsintꞌie an ngo nda̱ xi ꞌniú askjandáyà xi kjindibáni nínga tikón xi botixómaá, xi bi̱ katsó: Kꞌi̱e̱ tikón kui ngi̱ndie ndikón nínga Néná tikónjo̱ xotaa̱, kó kuí ki̱a̱ kꞌuijñájo̱, kó kuí boá xi xota̱ na̱xi̱ńdaá ka̱ma, kó ti̱kuíní Néná xi kꞌuijñájo̱ nga xikoó nga kui xi Nee̱ ka̱ma.

Ni xi akakoo̱ 7:15

Kuíni nga ki̱a̱ síndo kje̱n nínga tikón kui Néná xí botixómaá, kó nga jñó nga ni̱xtjin nga ndyi̱tsꞌènseén Néná ki̱a̱ na̱ngo̱xi̱i̱, kó kuí xi botixómaá, skoón nga ki̱a̱ kꞌuijñájo̱ ngi̱ndie ndikoón.