Lebitiko̱ 24:7 - Xo̱jo̱n eén Néná

⁷ »Kó nga ngo nga̱ndee̱ kui ndi̱yà nínga síndo kui paa̱n, tꞌíndée̱ nisije̱n xi kui soboá soboá, xikoó tsi ngo kjo̱a̱tjó xi nga tí nganda tsa̱ꞌa̱n.

Lebitiko̱ 24:7 ပူးပေါင်းရင်းမြစ်များ

Éksondo̱ 12:14

»Kó ngotꞌe̱ xꞌi̱a̱nijnú, nga ngatsjéni̱xtjin ngayejejnú chjiéngá si̱ꞌánjnú kui sꞌueé nganda tsa̱ꞌa̱n, tsi̱ꞌe̱ nga si̱ꞌankjaꞌátsjienjnú ni̱xtjin nga tsꞌaxiéjnúꞌun nangi Ejipto̱. Yito ni̱xtjin kꞌo̱ndíyaá kui sꞌueé, kjiꞌa ku̱i̱ꞌítsꞌi̱yani nga ka̱mangixoón ni̱xtjin tienijoón saá, kó nga kju̱i̱e̱ kjiꞌá boá nga kamángixoón ni̱xtjin xi kan ngoo̱. Kui xomanaa̱ chjiéngá jó ndi̱yà nga ndikóntsꞌèn ka̱matikójnú, ngo ndi̱yà nga ni̱xtjin xi tjoón, sꞌe̱ ingo ndi̱yà nga ni̱xtjin xi ma yitoo̱. Ta̱ nínga tindyiónjnú, nga yito kui ni̱xtjii̱n pan xi jmí nisanjiín boá xi xi̱ni̱e̱jnú. Ndeskande ni̱xtjin xi tjoón kui sꞌueé, ngaskande ni̱xtjin xi fetꞌanii̱ nga nde chií nda̱ꞌyo̱ pan xi tjiín nisan kꞌuiéjínjnú ndiꞌajnú. Kui xi skji̱ni̱e̱ pan xi tjiín nisan nga yito kui ni̱xtjii̱n, tsi xota̱ xi xín nangi, ko̱jo tsi xota̱ Israee̱l, chjiéngá ku̱i̱yòtjíngií ngi̱jii̱n jún. Kó nga yito kui ni̱xtjii̱n nde ngojín xá si̱ꞌánjnú, ta̱ ngototo ni xi xi̱ni̱e̱jnú xi ka̱ma si̱ꞌandajnú. Kjo̱a̱kiti xi kꞌuijñá ngatsjéni̱xtjin boá kui nii̱».

Éksondo̱ 13:9

Kui sꞌueé kuí boá xi ka̱ma xikoó ngo chi̱bo̱a̱ xi kjótꞌa ndsa̱jnú ko̱jo tsi xtjienjnú, kó kuí boá xi sa̱ꞌínkjaꞌátsjienjnú nga Néná katsꞌénkjién ngaꞌniuú nga tsꞌaxiéjnú nangi Ejipto̱, kuíni nga nga jmíni̱xtjin niꞌánchíyájnú kjo̱a̱botíxomaa̱ Néná.

Éksondo̱ 17:14

Kó ngi̱chí sájín Néná bi̱ katsoó Moisee̱: «Ti̱ꞌinꞌindé ji ngayeje ni xi kamá kui kjo̱a̱xcha̱án, tsi̱ꞌe̱ nga jmíjín xi xchi̱yaa̱, kó bo̱a̱ tꞌíi̱n Josuee̱ nga án boá xi sa̱ꞌin an nga ngiti̱ jmíjín xi kjo̱a̱ꞌátsjiee̱n xota̱ Amalee̱k».

Lebitiko̱ 2:1

«Kjiꞌanga tjín xí sa̱ꞌínkꞌasꞌienna ngo kjo̱a̱tjó xi ni xi maxchá jno̱o̱, chjiéngá to ndso̱ko̱a̱n ṉño̱pan xi ꞌniú ndaa̱ xi kjo̱e̱ꞌéjo̱na. Nga̱soón kui to ndso̱ko̱a̱n ṉño̱paa̱n nga kjitjónjón chií isti̱, kó ngatindyiá chií ni sije̱n,

Lebitiko̱ 2:2

sꞌe̱ jaskan ngatsjaá já chináꞌmii̱. Kó kui jaá chináꞌmii̱ nga kjíbé ngo tji̱ngo̱ kui to ndso̱ko̱a̱n ṉño̱pan xi je ndyi̱a̱a̱ isti̱ ko̱jo ni sije̱e̱n, kó ki̱a̱ ngatꞌítísón nga̱són ṉchandikoón, tsi̱ꞌe̱ nga jún kjo̱a̱ꞌátsjienjnú nga án boá xi tsꞌéntsjájnúꞌun ngayeje nii̱. Kuí boá kui nii̱ xi ngo kjo̱a̱tjó xi sije̱n, xi si̱ꞌankꞌasꞌien nganda tsa̱ꞌa̱n.

Lebitiko̱ 2:9

Kó ki̱a̱, já chináꞌmii̱ ku̱i̱ꞌítí chiboa kui kjo̱a̱tjoó, tsi̱ꞌe̱ nga jún kjo̱a̱ꞌátsjienjnú nga án boá xi tsꞌéntsjájnúꞌun ngayeje nii̱. Kuí boá kui nii̱ xi ngo kjo̱a̱tjó xi sije̱n, xi si̱ꞌankꞌasꞌien nganda tsa̱ꞌa̱n.

Juaa̱ 6:35

Sꞌe̱ Kjisoo̱, bi̱ katsó: –Án boá kui pan xi tsjá kjo̱a̱mindyioo̱n, xi kjo̱e̱ꞌe̱kónna ngiti̱ ingojín ni̱xtjin nga ka̱ma bojoó, kó xi sa̱ꞌínsꞌijinna, nginijánjín ka̱ma xíndaá.

Juaa̱ 6:51

Án boá kui pan xi tikón xi jatjajenni ndiꞌakꞌajmi jàn, tsi tjín xí skji̱ni̱e̱ kui paa̱n, kꞌuijñá ngatsjéni̱xtjin, kó kui pan xi tsjàa̱ yojona boá, kui xi tsja an kjo̱a̱nda tsi̱ꞌe̱ kjo̱a̱mindyioo̱n kui nga̱sondiee̱.

Ni xi kamá 10:31

kó bi̱ katsóna: “Kornie̱, jè kandaꞌyá nga tindokjo̱e̱e̱ Néná, kó chji̱e̱e̱ jè tjíniꞌánkjaꞌátsjien ngindyi̱ko̱n Néná.

Ni xi kamá 10:4

Kó Korniee̱ ta̱ askotsijendárií kui ndítsjiee̱, kó achichí katsakjón nga asíyaá, sꞌe̱ bi̱ katsoó: –Mí xí machjieén Ndi̱a̱. Kósꞌe̱ bi̱ katsó ndítsjiee̱: –Nga tindokjo̱e̱e̱ Néná, ko̱jo nga tibosíke̱je ngayeje xota̱ ni̱ma̱ xi jmí to̱njiín, je jachó kui nii̱ ngindyi̱ko̱n Néná.

Xota̱ Éfeso̱ 1:6

Kuíni nga, nganiꞌántsjaá Néná kjo̱a̱a̱ kui kjo̱a̱nda je xi akó xi ta̱ katsjáná, xi kasakojinná ngi̱jii̱n kui ndí xí tjoó kui.

Xota̱ Ebreo̱ 7:25

Kó kuíni nga Kristoo̱ maa̱ ꞌboxiéꞌá ngatsjéni̱xtjin ngayeje xota̱ xi ngatꞌaa̱ kui nga tsꞌéntíñaa̱ yojoo̱ Néná, ngatꞌa̱ ngatsjéni̱xtjin tikón, tsi̱ꞌe̱ nga ku̱i̱ꞌatjé nga ku̱i̱chji̱a̱a̱ Néná kjo̱a̱a̱ kui xotaa̱.