Lebitiko̱ 24:22 - Xo̱jo̱n eén Néná

²² »Kui kjo̱a̱kitii̱ tsi̱ꞌe̱ ngayeje xotaa̱ boá, tsi xota̱ Israee̱l ko̱jo tsi xota̱ xi xín nangi chji̱a̱ni. Án boá xi Nee̱ xota̱ Israee̱l».

Lebitiko̱ 24:22 ပူးပေါင်းရင်းမြစ်များ

Lebitiko̱ 17:10

»Tsi ngo xota̱ Israee̱l, ko̱jo tsi ngo xota̱ xi xín nangi chji̱a̱ni, ta̱nga tsi ki̱a̱ tikón kui na̱xi̱ńdaá, xi skji̱ni̱e̱ yojo xi tjiín jín, kondraa̱ kotíjña̱ an, kó kongatji̱ngìi̱ ki̱a̱ na̱xi̱ńdaá.

Lebitiko̱ 19:34

Bo̱a̱ ti̱ꞌanjo̱jnú xikoó tsi xota̱ Israee̱l, kó tjó ti̱ꞌanjo̱jnú xikoó tsi ti̱ juún bo̱a̱, ngatꞌa̱ jún, xota̱ xi xín nangi kamájnú ngasꞌe̱ ki̱a̱ nangi Ejipto̱. Án boá xi Nee̱ xota̱ Israee̱l.

Lebitiko̱ 24:23

Kó Moisee̱ katsóyaà ngayeje kui nii̱ xota̱ Israee̱l, kó kui xotaa̱ tsꞌaxiéni ki̱a̱ nínga síndo ndiꞌaa̱ xotaa̱, kui xi chꞌo katsoó Néná, kó ndi̱jo̱ tsꞌaya nga katsꞌénkꞌién. Bo̱a̱ tsꞌén katsꞌénkjatjosón kui xotaa̱ kui kjo̱a̱botíxoma xi Néná katsjaá Moisee̱.

Xki̱ 15:29

Kuí bí xi̱ꞌbi̱ xi kjo̱a̱kiti ka̱maa̱ xota̱ xi jmí tsi xá tsꞌénjéní, kó kui kjo̱a̱kitii̱ chjínií tsi̱ꞌe̱ xota̱ Israee̱l ko̱jo xota̱ xi xín nangi chji̱a̱ni xi síndojinjnú.

Xki̱ 9:14

Tsi síndojinjnú xota̱ xi xín nangi chji̱a̱ni, ti̱ chjiéngá sa̱ꞌín sꞌué Paskuaa̱ nga, bo̱a̱ tsꞌén sa̱ꞌín xikó má tsꞌén je akatíxomájnú jún. Kjo̱a̱kitii̱ ta̱ són chjínií ngi̱jii̱n ngayeje xotaa̱».

Ndeuteronomio̱ 1:16

»Kó kuí má chi̱bo̱a̱a̱ nga bo̱a̱ kixianjnúꞌun jún ngayeje ni xi chjiéngá si̱ꞌánjnú. Kó bo̱a̱ kixiáa̱n já nendiꞌamasiee̱n nga ta̱són nga kixi̱ sa̱ꞌínjo̱ ngayeje xotaa̱, jmí ndasénjín tsi xota̱ ni̱ma̱ ko̱jo tsi xota̱ cho̱n, tsi xota̱ Israee̱l, ko̱jo tsi xín nangi chji̱a̱ni, kó nga ngojín ni ko̱jo tsi xota̱ xi stsa̱kjo̱ón, ngatꞌa̱ Néná boá xi ko̱síko̱jo nga nijan ka̱ma ni xi sa̱ꞌín. Kó ti̱ bo̱a̱ kixiáa̱n nga kjiꞌanga sa̱ko̱ó ngo kjo̱a̱xti xi ta̱nisién niꞌín, an nga tsangiyana, tsi̱ꞌe̱ nga an sa̱ꞌindajin an.