Lebitiko̱ 24:1 - Xo̱jo̱n eén Néná

¹ Néná atíxomaa̱ Moisee̱ nga bi̱ katsoó:

Lebitiko̱ 24:1 ပူးပေါင်းရင်းမြစ်များ

Éksondo̱ 27:20

»Ndiꞌí xí tsꞌentsíjee̱n ngi̱ndie ndikoón, kui xi síndo ki̱a̱ ndiꞌandikoón kje̱n nínga tikón koxa̱a̱ kjo̱a̱ꞌbíndaa̱, chjiéngá nga ni̱xtjin nga ni̱xtji̱e̱n ku̱i̱ti̱. Kó Aaroo̱n ko̱jo xota̱ tji̱e̱e̱ boá xi skondá kui nii̱, ta̱nga ji tatíxomée̱ xota̱ Israee̱l nga ngatjeꞌejo̱ istii̱ toꞌolibo̱ xi kui soboá soboaá tsi̱ꞌe̱ nga ngatsjéni̱xtjin ku̱i̱ti̱ kui ndiꞌií. Kjo̱a̱kiti boá kui nii̱ kó chjiéngá sa̱ꞌínkjatjosón xota̱ Israee̱l ngatsjéni̱xtjin.

Lebitiko̱ 23:44

Kó bo̱a̱ tsꞌén Moisee̱ katsóyaà xota̱ Israee̱l kjo̱a̱a̱ kui sꞌué xí chjiéngá si̱ꞌan nganda tsi̱ꞌe̱ Néná.

Lebitiko̱ 24:2

«Bo̱a̱ tꞌíi̱n xota̱ Israee̱l tsi̱ꞌe̱ nga kji̱ndi̱bájo̱ istii̱ toꞌolibo̱, tsi̱ꞌe̱ nga ndiꞌí xí tsꞌentsíjee̱n xi síndo ndiꞌandikoón ngatsjéni̱xtjin nga ku̱i̱ti̱.

Xki̱ 4:16

»Eleasaa̱, ndií chináꞌmi Aaroo̱n, kuí boá xi sku̱i̱e̱ kjo̱a̱a̱ isti̱ xi ku̱i̱ndyiaa̱ ni xi ꞌbítíyá ndiꞌí xí tsꞌentsíjee̱n, ko̱jo nisijee̱n, ko̱jo kjo̱a̱tjó xi ngatsjéni̱xtjin si̱ꞌankꞌasꞌienna, ko̱jo isti̱ xi nanginjon xotaa̱ nga boeꞌéxaá. Kó ti̱ kuí boá xi skoón ndiꞌandikoón, ko̱jo ngayeje ni ndikón xí niꞌánkjién ngi̱yaa̱ kui ngi̱ndiee̱».

Xki̱ 8:2

«Bo̱a̱ tꞌíi̱n Aaroo̱n nga kjiꞌanga ku̱i̱ꞌítí nga yito kui ndiꞌí xí tsꞌentsíjee̱n, chjiéngá ki̱a̱ ngatꞌíndosón nga̱soón ni xi ꞌbítíyá ndiꞌí xí tsꞌentsíjee̱n, ki̱a̱ ka̱maa̱ nga xtji̱e̱e̱n kje̱e̱n nga tsꞌentsíjen kui ndiꞌií». Kó Aaroo̱n bo̱a̱ tsꞌén íjñá kui ni xi ꞌbítíyá ndiꞌí xí tsꞌentsíjee̱n, xikó má katsoó Néná nga atíxomaa̱ Moisee̱ nga sa̱ꞌín.