Lebitiko̱ 21:8 - Xo̱jo̱n eén Néná

⁸ »Chjiéngá ku̱i̱ndyiontꞌaxínjnúu̱ ngayeje ni xi ndajín, ngatꞌa̱ jún boá xi niꞌánkꞌasꞌiénjnú paa̱n nganda tsa̱ꞌa̱n. Chjiéngá kje̱ꞌe kón ka̱majnú, ngatꞌa̱ an bo̱a̱jín kón an xikoó ne xi ngasee̱. Án boá xi Nee̱ xota̱ Israee̱l, kó kje̱ꞌe kón katsꞌenjnúꞌun jún.

Lebitiko̱ 21:8 ပူးပေါင်းရင်းမြစ်များ

Éksondo̱ 19:10

»Mejénna nga kꞌuíchíi̱n xota̱ na̱xi̱ńdaá, kó tꞌíndendé jí tsi̱ꞌe̱ nga sa̱ꞌíndikónna ngotꞌe̱ ko̱jo ndyiojón. Tatíxomée̱ nga ko̱nié ńjñoo̱, tsi̱ꞌe̱ nga sa̱ꞌíntsjie yojoo̱, kó ngatꞌíndonda tsi̱ꞌe̱ nga sa̱ꞌíntsjána ngii̱, ngatꞌa̱ kuí ni̱xtjii̱n nga kokòo̱ yojona ki̱a̱ na̱xi̱ Sinaii̱.

Éksondo̱ 19:14

Kó Moisee̱ kijíkꞌijñánda kui xota̱ na̱xi̱ńdaá tsi̱ꞌe̱ nga sa̱ꞌíntsjaá Néná, kó kuí xotaa̱ anié ńjñoo̱.

Éksondo̱ 28:41

Tatíxomée̱ Aaroo̱n, ko̱jo ndií nga kui ńjñoo̱ xi sa̱ꞌínkjién nga ko̱a̱ja̱, kósꞌe̱ kjiꞌá boá nga ko̱na̱ngínjin ji isti̱ to̱ko̱, tsi̱ꞌe̱ nga kui xi ko̱e̱ꞌéxée̱, nga kui xi ka̱ma chináꞌmina.

Éksondo̱ 29:1

Néná to̱kó atíxomaraa̱ Moisee̱ kjo̱a̱a̱ nga ko̱e̱ꞌéxaá chináꞌmii̱, kó bi̱ katsoó: «Chjábé jí ngo ndií cho̱yojo ko̱jo jó cho̱tsa̱nga̱ xi jaꞌatji ndi̱ja̱a̱ xi ndakón.

Lebitiko̱ 19:2

tsi̱ꞌe̱ nga tsja̱á kui eén xota̱ Israee̱l: «Án boá xi nee̱ xota̱ Israee̱l, kó bo̱a̱jín kón an xikoó ne xi ngasee̱. Kuíni nga jún, chjiéngá bo̱a̱jín kón ka̱majnú xikoó xota̱ na̱xi̱ńdá xí ngasee̱.

Lebitiko̱ 21:6

Jún jè ta̱ xá tsa̱ꞌa̱n tsí xi si̱ꞌánjnú, kó chjiéngá ko̱nda̱ꞌyáꞌénjnúꞌun ngatsjéni̱xtjin. Chjiéngá kje̱ꞌe kón ka̱majnú, ngatꞌa̱ jún boá xi si̱ꞌankꞌasꞌienjnú paa̱n ko̱jo kjo̱a̱tjó xi ꞌbítí nganda tsa̱ꞌa̱n.

Lebitiko̱ 22:16

Xi ta̱xkiya skji̱ni̱e̱, sa̱ꞌín jé. An, Nee̱ xota̱ Israee̱l boá xi je katsjaxáa̱ nga ta̱ xána tsí xi sa̱ꞌín».

Xki̱ 28:2

«Bo̱a̱ tꞌíi̱n xota̱ Israee̱l, nga kuí má ni̱xtjin xi je kiꞌmií, nga sa̱ꞌínkꞌasꞌienna kjo̱a̱tjó tsi̱ꞌe̱ paa̱n ko̱jo kjo̱a̱tjó xi ꞌbítí nganda tsa̱ꞌa̱n. Bo̱a̱ má nga tsꞌén, xikótsꞌèn tsja mana an,

Juaa̱ 10:36

míkjo̱a̱a̱ nga kui nda̱ xi Néná xí Na̱ꞌmii̱ katsꞌéntsjie ko̱jo katsangiya kui nga̱sondiee̱, jún bi̱ ndyi̱ꞌmìjnúu̱: “Néná chꞌo tsoó”, ngatꞌa̱ bi̱ kixian an, nga an xi ndií Néná.

Juaa̱ 17:19

kó ta̱ngatꞌanii̱ kui nga matsjie yojona, tsi̱ꞌe̱ nga ka̱matsjie kui xotaa̱ ngi̱yaa̱ ja̱koxi̱i̱.

Xota̱ Ebreo̱ 10:29

Ja̱ ti̱ꞌankjínjnúu̱ takónjnú, kókjiꞌi ni xi si̱ꞌaa̱n kui xi tsꞌéntsjánié ni xi katsꞌén ndií Néná, kókjiꞌi ni xi si̱ꞌaa̱n kui xi ta̱ kjo̱a̱ndaní máa kui jín xí Néná índajo̱ni nga katsꞌéntsjie kui xotaa̱, ko̱jo kókjiꞌi ni xi ka̱maa̱ xi chꞌo tjítsoó A̱si̱énni̱xtjii̱n Néná xi tsꞌén tsjá kjo̱a̱ndaa̱.

Xota̱ Ebreo̱ 7:26

Kjisoo̱ kuí boá kui chináꞌmi xi ꞌniú nkꞌa xaá xi machjiénná ñá: Kuí xí tsjie, kuí xí jmíjiín ni xi ndajín, kuí xí jmíjiín ni xi ndándí, kuí xí xín tikónnii̱ xota̱jeé, kuí xí ꞌniú niꞌándikón ki̱a̱ ndiꞌakꞌajmii̱,