Lebitiko̱ 21:10 - Xo̱jo̱n eén Néná

¹⁰ »Ngito̱ko̱o̱ chináꞌmii̱, kuí boá xi ꞌniú ndikón ngase ngi̱jii̱n ngayeje chináꞌmi xi ngasee̱, ngatꞌa̱ kjiꞌanga katseꞌéxaá nga chináꞌmina kamá, kiniꞌánkꞌasꞌiee̱n ńjño chináꞌmii̱, kó kachjatjónjón to̱ko̱ isti̱ xi boeꞌéxánií xotaa̱. Kuíni nga ngito̱ko̱o̱ chináꞌmii̱, ka̱májín kjótsoꞌbá ndso̱toko, ti̱nde ka̱májín skjíndiyá ńjñoo̱ nga ko̱kó xa̱ꞌya̱.

Lebitiko̱ 21:10 ပူးပေါင်းရင်းမြစ်များ

Jenesii̱s 37:34

Kósꞌe̱ Jakoo̱b iskjíndiyá ńjñoo̱ nga ndasen kamaá, tsajá ńjño xa̱ꞌya̱, kó achichí kjín ni̱xtjin nga askjandátjé kui ndií.

Na̱ Estee̱r (Ebreo̱) 6:12

Jaskan Marndokeoo̱ kijíkꞌíjñá nginí ngi̱xtio nga̱ntjo̱a̱ ndo̱bo̱a̱xa̱á ree̱, tji̱e̱nga Amaa̱n achichí tsá kijí ndiꞌaa̱, kó achichí ndasen kisꞌijña, ngaskande yíꞌmá má kje̱n ta̱ngatꞌaa̱ kjo̱a̱soboaá.

Joo̱b 1:20

Ngije tsintꞌié kuí nii̱ Joo̱b, kasasienkixi̱, kó iskjíndiyájón ńjño xi yajá nga akó nga on kamaá, sꞌe̱ íjón taka takaa̱ to̱ko̱, kósꞌe̱ asiéntikoó ngaskande nga kisitꞌaa̱ xtjien tꞌanangii̱ nga katsꞌéndikón Néná,

Xo̱jo̱n Salmoo̱ 133:2

Achichí tsjákjiꞌi nga yà kuí nii̱, bo̱a̱ fóyanii̱ xikó maá kui ndásíje̱n nda xi botiéjón to̱ko̱ já chináꞌmii̱, kui xi ndibajénni ndeskande to̱ko̱, kó fochó ngaskande se.

Éksondo̱ 29:7

Kó ti̱ chjatjájìn ji to̱ko̱ kui isti̱ xi nanginjon xotaa̱ xi boeꞌéxaá.

Lebitiko̱ 13:45

»Xota̱ xi tjiín chiꞌin xi tsꞌénkjátsón tji̱xin yojoná, chjiéngá skjíndiyá ńjñoo̱, kó ngatꞌítso̱ma ndso̱toko, kó tji̱e̱nga tjiín kui chiꞌii̱n, chjiéngá xota̱ xi tsjiejín kꞌuiín. Kjin kꞌuíndo, kjinnii̱ nínga síndo ndiꞌaa̱ xotaa̱. Kó chjiéngá masien kje̱n ko̱óꞌmá, kó skja̱ndáyà nga bi̱ ka̱tso̱: “¡Tsjiejín an! ¡Tsjiejín an!”

Lebitiko̱ 16:32

»Chináꞌmi xi xá katseꞌéxaá kuí boá xi sa̱ꞌín kui nii̱. Kó ngatajá ńjño chináꞌmii̱, kui xi lino̱ kamándanii̱,

Lebitiko̱ 8:12

Sꞌe̱ jaskan katsangijon isti̱ to̱ko̱ Aaroo̱n, kósꞌe̱ katsꞌénkꞌasꞌiee̱n Néná, nga kui xi ka̱ma chináꞌmii̱.

Xki̱ 35:25

Xota̱ na̱xi̱ńdaá chjiéngá skoón kui xota̱ xi jmí tsi xá katsꞌénkꞌiénni ngo xota̱, kó ngata̱ tsja̱ndièjín nga xkjín kuí xi kiniꞌánkꞌieén sa̱ꞌíngojo nga sa̱ꞌínkꞌién. Kuíni nga xota̱ na̱xi̱ńdaá ko̱e̱je̱jo kui nda̱ xi jmí tsi xá katsꞌénkꞌiénnii̱, ki̱a̱ kui na̱xi̱ńdáꞌniú xi xá tikónnii̱. Tji̱e̱nga ki̱a̱ tikón kui xotaa̱ ki̱a̱ kui na̱xi̱ńdáꞌniuú, jmí ni ka̱májiín, kó jmíjín xi ni sa̱ꞌínjo̱. Ta̱nga ka̱májín kjo̱tjoni kui na̱xi̱ńdáꞌniuú, tji̱e̱nga tikón ngase ngito̱ko̱o̱ kui chináꞌmii̱. Ngije kꞌien ngito̱ko̱o̱ chináꞌmii̱, ka̱ma ko̱e̱je̱ nginí ndiꞌaa̱ kui nda̱a̱, kó jmíjín xi ni sa̱ꞌínjo̱. Ta̱nga tsi kui nda̱a̱ kjo̱tjoni kui na̱xi̱ńdáꞌniuú ngindiee̱ nga ko̱yà kuí ngito̱ko̱o̱ chináꞌmii̱, kó tsi ki̱a̱ sa̱ko̱ó xkjín kuí xota̱ xi kiniꞌánkꞌieén, kui xkjín xí kiniꞌánkꞌieén ka̱má sa̱ꞌínkꞌién kui xi bo̱a̱ katsꞌeén, kó jmí jé kꞌuiéjiín.

Xki̱ 6:7

ndatsi ngo xi xchaá xi kꞌien, ko̱jo tsi ngo ntsꞌi̱e̱, ko̱jo tsi ngo ndichja. Tsi sa̱ꞌínjo̱, jè ngiti̱ tsjiejín ka̱ma, xikótsꞌèn tsjie ma xota̱ xi ta̱ xána tsí xi tsꞌén.

Matioo̱ 26:65

Kósꞌe̱ chináꞌmi xi ꞌniú nkꞌa xaá, katsꞌénxchán, kó iskjíndiyájón má ńjño xi yajá kuí, sꞌe̱ bi̱ katsó: ¡Chꞌo katsoó Néná! Kó si̱ꞌan ngase chistiko̱. Jún má xi kandaꞌyájnú én chꞌo tsó xi tsíchji̱a̱,