Lebitiko̱ 2:4 - Xo̱jo̱n eén Néná

⁴ »Kjiꞌanga tjín xí sa̱ꞌínkꞌasꞌienna ngo chji̱e̱ xi pan ko̱jo tsi ngayita̱, to ndso̱ko̱a̱n ṉño̱pan xi si̱ꞌandani kui nii̱, chjiéngá xi ꞌniú ndaa̱ xi si̱ꞌankjién. Kui paa̱n ko̱jo kui ngayitaa̱ jmí nisan ku̱i̱ndyiajiín, ndso̱ko̱a̱n ṉño̱pan xi si̱ꞌandajo̱ni paa̱n chjiéngá isti̱ ku̱i̱ndyiaa̱ nga si̱ꞌanda̱ꞌyo̱ni, kó ngayitaa̱ ta̱ ko̱na̱ngínjón tsí istii̱.

Lebitiko̱ 2:4 ပူးပေါင်းရင်းမြစ်များ

Xo̱jo̱n Salmoo̱ 22:14

Xikó má maá ndáfoaa̱ nga tjon, bo̱a̱ má kjimana, ngayeje ńdana je jatjokjo, ini̱ma̱na je kjimańdá ngi̱ya jàn xikó maá ngo sién.

Éksondo̱ 12:8

Kó kui ni̱xtji̱e̱e̱n chjiéngá yojo xi ꞌbítsjó skji̱ni̱e̱, ko̱jo pan xi jmí nisanjiín ko̱jo xka̱ xi sa.

Éksondo̱ 16:31

Kui pan xi jaꞌátikó tiboa kamá xikoó to ndi̱ꞌee̱, kó ixi kamá xikoó pan xi nanginjon ntsjieén. Xota̱ Israee̱l «mana̱» katsoó kui nii̱.

Éksondo̱ 29:2

Jaskan, ti̱ꞌinkꞌájin ji isti̱ ndso̱ko̱a̱n ńño pan xi ꞌniú ndaa̱, kó ti̱ꞌinde ji pan ko̱jo ngayita̱ xi nanginjon isti̱, ta̱nga nga jmí nisan mindyiéjíi̱n.

Lebitiko̱ 1:11

Ki̱a̱ nga tsꞌenkꞌién ki̱a̱ tꞌa ṉchandikoón, kó já chináꞌmii̱ ki̱a̱ nga kjitjónjón jiín kui cho̱o̱ nga nijón nga̱ndee̱ kui ṉchandikoón.

Lebitiko̱ 10:12

Moisee̱ ti̱ bi̱ ti̱ katsoó Aaroo̱n ko̱jo ndií kui xi Itamaa̱r ko̱jo Eleasaa̱: «Ngi̱jii̱n kui kjo̱a̱tjó xi ꞌbítí ngandaa̱ Néná, kui kjo̱a̱tjó xi ni xi maxchání jno̱o̱ ꞌniú ndikón ngase xi̱ꞌba̱. Kuíni nga kuí boá kui kjo̱a̱tjoó xi si̱ꞌandanijnú pan xi jmí nisanjiín. Kui paa̱n ki̱a̱ xi̱ni̱e̱jnú ki̱a̱ tꞌa ṉchandikoón, ngatꞌa̱ kuí boá kui ngi̱ndiee̱ xi xá tikónni.

Lebitiko̱ 7:12

Tsi xi sa̱ꞌínkꞌasꞌien kui kjo̱a̱tjoó, tsi̱ꞌe̱ nga tsja̱ana ndokꞌóchjì boá, chjiéngá ndso̱ko̱a̱n ṉño̱pan xi sa̱ꞌínkꞌasꞌienna, ko̱jo pan, ko̱jo ngayita̱ xi jmí nisanjiín. Ngayeje kui nii̱ chjiéngá tsie isti̱ ku̱i̱ndyiaa̱ nga si̱ꞌanda̱ꞌyo̱ni.

Xki̱ 6:15

»Kó kui xota̱ nasareoo̱, chjiéngá ko̱e̱je̱jo ki̱a̱ ndiꞌandikoón ngo ni̱se̱nyá pan ko̱jo ṉño̱ xinié xi jmí nisanjiín, xi ndso̱ko̱a̱n ṉño̱pan xi nda kamándajo̱ni, xi ikindyiaa̱ isti̱ nga kiniꞌánda̱ꞌyo̱, ko̱jo ngatjíjo̱ kjo̱a̱tjó xi ngasee̱, kui xi ni xi maxchá jno̱o̱ ko̱jo binoo̱.

Matioo̱ 26:38

Kósꞌe̱ Kjisoo̱, bi̱ katsoó: –Achichí ndasen tikón ini̱ma̱na ngaskande nga ko̱yà an, ti̱ndyionrajnú kꞌi̱e̱e̱, kó nijan ku̱i̱ndyionda.

Juaa̱ 12:27

Ngotꞌe̱ achichí nda̱ kjimaa̱ ini̱ma̱na, kó mí ni xi xián án. Na̱ꞌmi, ꞌna̱xiéꞌéní kui chi̱bo̱a̱a̱. Ta̱nga kuí xá jachó an kui chi̱bo̱a̱a̱.

Juaa̱ 3:34

Ngatꞌa̱ kui xi katsangiya Néná, eén Néná xí chji̱a̱, ngatꞌa̱ Néná tsjaá ngayeje ngaꞌniuú.

Xota̱ Ebreo̱ 7:26

Kjisoo̱ kuí boá kui chináꞌmi xi ꞌniú nkꞌa xaá xi machjiénná ñá: Kuí xí tsjie, kuí xí jmíjiín ni xi ndajín, kuí xí jmíjiín ni xi ndándí, kuí xí xín tikónnii̱ xota̱jeé, kuí xí ꞌniú niꞌándikón ki̱a̱ ndiꞌakꞌajmii̱,

1 Xo̱jo̱o̱n Peé 2:1

Kuíni nga chjiéngá chja̱ꞌáxínjnúu̱ yojojnú ngayeje to̱ko̱ya ni xi ndajín, ngayeje kjo̱a̱maña, ko̱jo kjo̱a̱jókje̱n, ko̱jo kjo̱a̱ꞌontakón, ko̱jo ngayeje to̱ko̱ya ényà.

1 Xo̱jo̱o̱n Peé 2:22

Kristoo̱ ngojín jé katsꞌén, ti̱nde jmíni̱xtjin tjín xí tsꞌenṉcha̱jo nga tsíchji̱a̱,