Lebitiko̱ 2:2 - Xo̱jo̱n eén Néná

² sꞌe̱ jaskan ngatsjaá já chináꞌmii̱. Kó kui jaá chináꞌmii̱ nga kjíbé ngo tji̱ngo̱ kui to ndso̱ko̱a̱n ṉño̱pan xi je ndyi̱a̱a̱ isti̱ ko̱jo ni sije̱e̱n, kó ki̱a̱ ngatꞌítísón nga̱són ṉchandikoón, tsi̱ꞌe̱ nga jún kjo̱a̱ꞌátsjienjnú nga án boá xi tsꞌéntsjájnúꞌun ngayeje nii̱. Kuí boá kui nii̱ xi ngo kjo̱a̱tjó xi sije̱n, xi si̱ꞌankꞌasꞌien nganda tsa̱ꞌa̱n.

Lebitiko̱ 2:2 ပူးပေါင်းရင်းမြစ်များ

Éksondo̱ 30:16

»Ngayeje to̱ntiboa xi sa̱ꞌínkꞌasꞌien xota̱ Israee̱l, ji si̱ꞌinkꞌasꞌíi̱n chináꞌmii̱ tsi̱ꞌe̱ nga ki̱a̱ ku̱i̱ꞌíchjíní to̱n xi machjieén nga niꞌántsjána ki̱a̱ ndiꞌandikoón. Bo̱a̱ tsꞌén nga kjo̱a̱ꞌátsjienna nga xota̱ Israee̱l je íchjína, kó nga ka̱májín sa̱ꞌinkꞌién an».

Lebitiko̱ 1:17

Jaskan ngatatiengaa̱ kui cho̱o̱, ta̱nga jmí tsi kjo̱a̱ꞌáxiín nga̱a̱, kó jmí tsi jó tjín kꞌo̱xié. Kó nga fetꞌaa̱ kui chináꞌmii̱ ki̱a̱ ngatꞌítí nga̱són chikín xí tjítií kui cho̱o̱. Kuí boá kui nii̱ xi ngo kjo̱a̱tjó xi sije̱n, xi si̱ꞌankꞌasꞌien nganda tsa̱ꞌa̱n».

Lebitiko̱ 2:16

»Chináꞌmii̱ ki̱a̱ ku̱i̱ꞌítí nga̱són ṉchandikoón chiboa kui kjo̱a̱tjoó, tsi̱ꞌe̱ nga jún kjo̱a̱ꞌátsjienjnú nga án boá xi tsꞌéntsjájnúꞌun ngayeje nii̱».

Lebitiko̱ 2:9

Kó ki̱a̱, já chináꞌmii̱ ku̱i̱ꞌítí chiboa kui kjo̱a̱tjoó, tsi̱ꞌe̱ nga jún kjo̱a̱ꞌátsjienjnú nga án boá xi tsꞌéntsjájnúꞌun ngayeje nii̱. Kuí boá kui nii̱ xi ngo kjo̱a̱tjó xi sije̱n, xi si̱ꞌankꞌasꞌien nganda tsa̱ꞌa̱n.

Lebitiko̱ 24:7

»Kó nga ngo nga̱ndee̱ kui ndi̱yà nínga síndo kui paa̱n, tꞌíndée̱ nisije̱n xi kui soboá soboá, xikoó tsi ngo kjo̱a̱tjó xi nga tí nganda tsa̱ꞌa̱n.

Lebitiko̱ 4:31

Jaskan ngatꞌítí ngayeje xinieé kui cho̱o̱ nga̱són ṉchandikoón, xikó niꞌaán nga niꞌánkꞌasꞌien ngo kjo̱a̱tjó kjo̱a̱a̱ nga chjiáꞌá nga nda ko̱jo nga tsjatsꞌèn mindyión. Kó bo̱a̱ tsꞌén nga chináꞌmii̱ sa̱ꞌínkꞌasꞌien ngo kjo̱a̱tjó xi sije̱n kjo̱a̱a̱ kui xotaa̱, kó án sa̱ꞌinjetakóo̱n jeé.

Lebitiko̱ 5:11

»Tsi kui xi katsꞌénjeé jmíjiín to̱n nga kꞌo̱tsieni jó tójo ko̱jo tsi jó toṉña̱, ka̱ma jó kilo̱ ndso̱ko̱a̱n ṉño̱pan xi nda sa̱ꞌínkꞌasꞌienna tsi̱ꞌe̱ nga sa̱ꞌinjetakóo̱n jeé. Kó chináꞌmii̱ ngatjíjoo̱, kó kui chináꞌmii̱ skjíbé ngo tji̱ngo̱ kui ndso̱ko̱a̱n ṉño̱paa̱n, kó ki̱a̱ ku̱i̱ꞌítí nga̱soón ṉchandikoón. Kó bo̱a̱ tsꞌén nga jún kjo̱a̱ꞌátsjienjnú nga án boá xi tsjajnúꞌun ngayeje nii̱. Kuí boá kui nii̱ xi ngo kjo̱a̱tjó xi niꞌánkꞌasꞌien kjo̱a̱a̱ nga niꞌánjetakón jé, kó nga jmí isti̱ ko̱jo nga jmí nisije̱n mindyiajínjnúu̱.

Lebitiko̱ 6:15

Kui chináꞌmii̱ chjiéngá skjíbé ngo tji̱ngo̱ ndso̱ko̱a̱n ṉño̱paa̱n ko̱jo istii̱ ko̱jo ngayeje nisijee̱n, kó ki̱a̱ ku̱i̱ꞌítí nga̱són ṉchandikoón, tsi̱ꞌe̱ nga jún kjo̱a̱ꞌátsjienjnú nga án boá xi tsjajnúꞌun ngayeje nii̱. Kuí boá kui nii̱ xi ngo kjo̱a̱tjó xi sije̱n, xi si̱ꞌankꞌasꞌien nganda tsa̱ꞌa̱n.

Xki̱ 5:18

»Sꞌe̱ jaskan, ko̱kó ngo chi̱bo̱a̱ nga on kjimaa̱ ni xi katsꞌén kui naa̱, kó chináꞌmii̱ skjíndó tsja̱a̱ kui naa̱, kósꞌe̱ sa̱ꞌínkꞌasꞌien ngindyi̱ko̱n Néná. Chináꞌmii̱ tsja̱á kui xota̱chjo̱on kui kjo̱a̱tjoó, tji̱e̱nga kjiꞌiꞌniuú ni xi ndyi̱a̱ ndáfoa xi sa xi ndajín tsꞌeén xota̱ xi tsꞌénjeé.

Xki̱ 5:26

Kó kui chináꞌmii̱ skjíbé ngo tji̱ngo̱ ni xi maxchá jno̱o̱, kó ki̱a̱ ku̱i̱ꞌítí nga̱soón ṉchandikoón, tsi̱ꞌe̱ nga Néná kjo̱a̱ꞌátsjiee̱n ꞌyání bo̱a̱ xi katsꞌénkꞌasꞌien kui kjo̱a̱tjoó. »Jaskan kui naa̱ kꞌuí kui ndáfoa saa̱,

Ni xi kamá 10:4

Kó Korniee̱ ta̱ askotsijendárií kui ndítsjiee̱, kó achichí katsakjón nga asíyaá, sꞌe̱ bi̱ katsoó: –Mí xí machjieén Ndi̱a̱. Kósꞌe̱ bi̱ katsó ndítsjiee̱: –Nga tindokjo̱e̱e̱ Néná, ko̱jo nga tibosíke̱je ngayeje xota̱ ni̱ma̱ xi jmí to̱njiín, je jachó kui nii̱ ngindyi̱ko̱n Néná.