Lebitiko̱ 2:11 - Xo̱jo̱n eén Néná

¹¹ »Ngojín kjo̱a̱tjó xi si̱ꞌankꞌasꞌienna xi ka̱ma ku̱i̱ndyiaa̱ ntsjién ko̱jo tsi nisan, ngatꞌa̱ kuí nii̱ xi sa̱ꞌínkijintjo̱.

Lebitiko̱ 2:11 ပူးပေါင်းရင်းမြစ်များ

Éksondo̱ 23:18

»Kjiꞌanga si̱ꞌankꞌiénjnú ngo cho̱ nganda tsa̱ꞌa̱n, ngata̱ ki̱a̱jín nijan niꞌánkꞌasꞌiénjnúꞌun pan xi tjiín nisan, ko̱jo jiín kui cho̱o̱, ti̱nde ngata̱ chjaꞌátjójínjnú xinieé kui cho̱o̱ tsi̱ꞌe̱ nga kamángindyiojón.

Éksondo̱ 29:25

Sꞌe̱ jaskan kui jaá ngatsꞌénkꞌásꞌieén ji paa̱n ko̱jo yojoo̱, kó nganda tsa̱ꞌa̱n tꞌítí ji ki̱a̱ ṉchandikoón, xikoó ngo kjo̱a̱tjó xi sije̱n mana.

Éksondo̱ 34:25

»Kjiꞌanga si̱ꞌankꞌasꞌienjnúꞌun ngo kjo̱a̱tjó xi ngo cho̱, ngata̱ kjiꞌájín nijan niꞌánkꞌasꞌiénjnúꞌun jiín kui cho̱o̱ ko̱jo pan xi tjiín nisan. Ti̱nde ngata̱ chjaꞌátjójínjnú ni xi kꞌo̱ngii̱ kui cho̱ xi si̱ꞌankꞌiénjnú kjiꞌanga ka̱ma sꞌué paskuaa̱.

Énkjínkón 24:13

¡Ji ndí, chítꞌe ji ntsjieén, ngatꞌa̱ achichí nda! Kó achichí ixi ka̱maa̱ ndso̱ꞌbe ji.

Énkjínkón 25:16

Tsi ntsjién kasakoo̱, ngata̱ tsꞌatiojín chini ji, ngatꞌa̱ tsájmi̱ sa̱ꞌíntsꞌe̱e̱ tsobo̱a̱.

Énkjínkón 25:27

Ndajínkjiꞌi nga tsie ntsjién xi̱ni̱e̱, ti̱nde kjo̱a̱jejín bo̱a̱ tsi ti̱ña̱á xi ku̱i̱ndyi̱sé kjo̱a̱jená.

Matioo̱ 16:6

Kósꞌe̱ Kjisoo̱, bi̱ katsoó: –Chónjnú yojojnú kjo̱a̱a̱ nisaa̱n nda̱ꞌyo̱paa̱n já fariseoo̱ ko̱jo já sanduseoo̱.

Markoo̱ 8:15

Kósꞌe̱ Kjisoo̱, bi̱ katsoó: –Chónjnú yojojnú kjo̱a̱a̱ nisaa̱n nda̱ꞌyo̱paa̱n já fariseoo̱, ko̱jo nisaa̱n nda̱ꞌyo̱paa̱n Erondee̱.

Rkaa̱ 12:1

Tji̱e̱nga achichí kjín mi̱ xota̱ kamátikótꞌaa̱ Kjisoo̱ xi ngaskande katsjánié má xkjín, Kjisoo̱ ítsꞌi̱yanii̱ nga tjón bi̱ katsoó xota̱ tsi̱ꞌe̱: –Chónjnú yojojnú kjo̱a̱a̱ nisaa̱n nda̱ꞌyo̱paa̱n já fariseoo̱, ngatꞌa̱ kuí nii̱ xi kjo̱a̱jókje̱e̱n.

Rkaa̱ 21:34

Chónjnúu̱ yojojnú, kó ngata̱ ꞌbíjinjínjnú ini̱ma̱jnú, kjo̱a̱xki̱ꞌaá, ko̱jo kjo̱a̱chꞌi̱i̱, ko̱jo ni nga̱sondiee̱, ngatꞌa̱ tsi ta̱ bi̱ má tji̱e̱n kjo̱chó kui ni̱xtjii̱n,

Ni xi kamá 14:22

kó ki̱a̱ katsjángaꞌniuú xota̱ xi sꞌijii̱n Kjisoo̱, kó ꞌniú tsíchji̱a̱jo, tsi̱ꞌe̱ nga sa̱ꞌínsꞌijin, kó bo̱a̱ katsoó nga chjiéngá tsie kjo̱a̱ni̱ma̱ ku̱i̱tja̱tió, tsi̱ꞌe̱ nga ku̱i̱tjásꞌi̱e̱n nínga botixómá Néná.

Xota̱ Ngalasia̱ 5:9

Bi̱ tsó xotaa̱ nga: “Ndeta̱ chií tsí nisaa̱n xi mindyiakátjo̱ ngayeje nda̱ꞌyo̱paa̱n.”

1 Xo̱jo̱o̱n Peé 4:2

tsi̱ꞌe̱ nga xikó kjiꞌi ni̱xtjin xi chaja ngasee̱ nga kꞌuijñá nga̱sondiee̱, kꞌuijñá xikótsꞌèn mejeén Néná, kó jmí tsi xikótsꞌèn mejeén kjo̱a̱niꞌánkjoó xotaa̱.