Lebitiko̱ 19:30 - Xo̱jo̱n eén Néná

³⁰ »Cha̱ndikónjnú ni̱xtjin nga niꞌánkjaꞌyaá, kó cha̱ndikónjnú ndiꞌandikónna. Án boá xi Nee̱ xota̱ Israee̱l.

Lebitiko̱ 19:30 ပူးပေါင်းရင်းမြစ်များ

Xo̱jo̱n Salmoo̱ 89:7

Achichí yandikón Néná kjiꞌanga matikó ndítsjiee̱, ngayeje xi síndo nga ngo foaꞌatjiyajoo̱n xi bendikón.

Éksondo̱ 20:8

»Ngatjaꞌátsjienjnú nga ni̱xtjin xotoo̱, ni̱xtjin ndikón boá, tsi̱ꞌe̱ nga an si̱ꞌandikónna.

Eklesiastee̱ 5:1

Kjiꞌanga kꞌuín jí na̱ngo̱xi̱i̱ Néná, chíi̱n nga ta̱xkiya si̱ꞌínjín ji ngo ni, ta̱sá tjón tꞌendàꞌyé ji, ngindiee̱ nga ki̱a̱ kꞌuínje̱ ji xota̱ xi kitikjo̱a̱ xi tsꞌenkꞌásꞌién kjo̱a̱tjoó, kui xi nde bejín nga ndajín ndyi̱tsꞌe̱én.

Lebitiko̱ 10:3

Kósꞌe̱ Moisee̱ bi̱ katsoó Aaroo̱n: —Kuí bí kui nii̱ xi íjinkon Néná nga bi̱ katsó: “Mejénna nga ku̱i̱ntꞌiéꞌénna chináꞌmina, kó nga ngayeje xota̱ na̱xi̱ńdaá xi ngatsꞌèntsjàna”. Kó nde ngo ni katsójín Aaroo̱n.

Lebitiko̱ 15:31

»Jún Moise̱ ko̱jo Aaro̱n, chjiéngá jún tatíxomájnúu̱ ni xi sa̱ꞌín xota̱ Israee̱l kjo̱a̱a̱ ni xi tsjiejín. Ngatꞌa̱ tsi bo̱a̱jín si̱ꞌánjnú, ko̱yà kuí xotaa̱ ta̱ngatꞌanii̱ nga ni xi tsjiejín ku̱i̱ꞌíkitsieni ndiꞌandikónna.

Lebitiko̱ 16:2

«Bo̱a̱ tꞌíi̱n Aaro̱n ntsꞌie ji nga ngi̱ndie xi ꞌniú ndikoón, kui xi tikón ngi̱yaa̱ ndiꞌandikoón, ngo ngi̱ndie xi ta̱nisién ꞌniú ndikón ki̱a̱a̱. Ki̱a̱ boá nínga je kamángána nga ki̱a̱ fotjokjà án, ki̱a̱ nga̱soón koxa̱a̱ kjo̱a̱ꞌbíndaa̱. Kuíni nga Aaroo̱n ka̱májín kꞌo̱sꞌien ki̱a̱a̱ ta̱jmì chi̱bo̱a̱ní, ngatꞌa̱ tsájmi̱ ko̱yà kjiꞌanga kjo̱tjokjá án ki̱a̱a̱.

Lebitiko̱ 19:3

»Cha̱ndikónjnú na̱anjnú ko̱jo na̱ꞌmijnú, kó cha̱ndikónjnú ni̱xtjin nga niꞌánkjaꞌyaá. Án boá xi Nee̱ xota̱ Israee̱l.

Lebitiko̱ 26:2

»Cha̱ndikónjnú ndiꞌandikónna, kó ti̱ꞌankjaꞌyájnú ni̱xtjin xotoo̱. Án boá xi Nee̱ xota̱ Israee̱l.

Matioo̱ 21:13

kó bi̱ katsoó: –Jè kjitꞌa xo̱jo̱o̱n nínga bi̱ tsoó: «Ndiꞌana, ndiꞌa nínga ku̱i̱chji̱a̱a̱ Néná ngayeje xota̱ kꞌuiín», ta̱nga jún ndo̱bo̱a̱a̱ chejé jè kiniꞌánjnú.

2 Xota̱ Korinto̱ 6:16

Kó kótsꞌèn ka̱mangojo̱ xkjín na̱ngo̱xi̱i̱ Néná, ko̱jo a̱sie̱én ngo ne xi tsꞌénda xotaa̱. Ngatꞌa̱ ñá boá xi na̱ngo̱xi̱i̱ Néná xí tikoón, xikó katsó ti̱ kuii̱ Néná: Ki̱a̱ kotíjña̱jìi̱n, kó ki̱a̱ kjótsoꞌbájìi̱n, kó an xí Nee̱ ka̱ma an, kó kui xotaa̱, xi xota̱ na̱xi̱ńdána ka̱ma.

1 Xo̱jo̱o̱n Peé 4:17

Jè jachó chi̱bo̱a̱ nga Néná ku̱i̱ꞌítsꞌi̱yanii̱ nga ka̱tso̱yà tsi nda ko̱jo tsi ndajín katsꞌén xota̱ xi tsi̱ꞌe̱, kó tsi ñá tjón ku̱i̱ꞌítsꞌi̱yanii̱ nga bo̱a̱ sa̱ꞌín, kókjiꞌi ni xi ka̱maa̱ xota̱ xi ntꞌiéꞌénjiín éntjatsi̱e̱e̱ Néná.