Lebitiko̱ 19:17 - Xo̱jo̱n eén Néná

^17-19 »Ngata̱ onjín chꞌiájnú ngo xota̱ ko̱jo ngata̱ niꞌángojojínjnú. Kjiꞌanga tjín xí si̱ꞌanxchánjo̱jnú, ti̱ꞌanxchánjo̱jnú. Ngata̱ ki̱a̱jín niꞌánkamajo̱jnú xota̱ xi ni xi ndajín ndyi̱tsꞌèn. »Ngatjaꞌátsjienjnú nga chjiéngá tjó si̱ꞌánjnú xingi̱jnú xi kótsꞌèn tjójnú yojojnú. »Ti̱ꞌankjatjosónjnú kjo̱a̱botíxomana. Án boá xi nee̱ xota̱ Israee̱l. »Ngata̱ kje̱ꞌe to̱ko̱yajín cho̱ niꞌánkixanjo̱jnú ngo to̱ko̱ya cho̱ xi tjínjnú. Ngata̱ niꞌánkꞌajinjínjnúu̱ xkjín xojmá xi ꞌbítji̱e̱jnú ngo chikjan nangi. Ngata̱ chajájínjnú ńjño xi kamándani kjín to̱ko̱ya ńchjón.

Lebitiko̱ 19:17 ပူးပေါင်းရင်းမြစ်များ

Jenesii̱s 27:41

Kó Esauu̱ achichí chꞌo kamaá Jakoo̱b ta̱ngatꞌanii̱ nga jaꞌáxiín kui kjo̱a̱niꞌánchikonñé xi katsjaá na̱ꞌmii̱, kó índa nga ngije ko̱yà na̱ꞌmii̱ sa̱ꞌínkꞌién ntsꞌi̱e̱.

Xo̱jo̱n Salmoo̱ 141:5

Ndakjíꞌí nga sa̱ꞌínxchánjo̱na ko̱jo tsi ku̱i̱ꞌéna ngo xota̱ xi kixi̱, xikó maá tsi ndásíje̱n xi nda ka̱mana nga ꞌniú ku̱i̱chji̱a̱jona. Ji Ne, ngatsjéni̱xtjin tsꞌénmíꞌaá nga ko̱ti̱jée̱ xota̱ xi ꞌniú ndajiín.

Énkjínkón 9:8

Ngata̱ niꞌínxchínje̱jín ji xota̱ xi mojnókiená, tsi̱ꞌe̱ nga sa̱ꞌínchꞌójiín, ta̱sá xota̱ xi kjínkoón xi ti̱ꞌinchji̱ni̱ ji, kó tjó sa̱ꞌiín kuí.

Rkaa̱ 17:3

Kuíni nga, ¡chónjnú ngayeje ni xi si̱ꞌánjnú! Tsi ngo ntsꞌie sa̱ꞌín ngo jé, ti̱ꞌinxchínje̱ ji, kó tsi sa̱ꞌínkꞌoyà yojoo̱ nga ngiti̱ bo̱a̱jín sa̱ꞌín, ti̱ꞌinjetakíi̱n.

Xota̱ Roma̱ 1:32

Jè be kui xotaa̱ nga kjo̱a̱kitii̱ Néná tsó nga ngayeje xota̱ xi tsꞌén kuí nii̱, chjiéngá ko̱yà, ta̱nga jmí tsi ta̱ ta̱kó bo̱a̱ ndyi̱tsꞌèn tsi, ngaskande tsja maa̱ kjo̱a̱a̱ xota̱ xi ndyi̱tsꞌèn kuí nii̱.

1 Xota̱ Korinto̱ 5:2

Kótsꞌèn nga tsja kjimajnú kjo̱a̱a̱ xikótsꞌèn síndo xota̱ na̱ngo̱xi̱i̱. A mí tsí ta̱sá ndasen ku̱i̱ndyionjnú, nga bo̱a̱ kjiꞌi ni xi tjítsꞌén kuí nda̱a̱. Chjiéngá ngiti̱ ko̱e̱ꞌéndièjínjnúu̱ nga ki̱a̱ kꞌuijñájinjnú kui nda̱ xi bo̱a̱ tjítsꞌeén.

Xota̱ Ngalasia̱ 6:1

Jún ntsꞌie, tsi ngo xi kamáyà nga ngo jé tjítsꞌén, jún xi je tindyiónjnú xikótsꞌèn mejeén A̱si̱énni̱xtjii̱n Néná, chjiéngá ni̱ma̱takón ka̱majnú nga ko̱si̱ko̱jójnú, tsi̱ꞌe̱ nga sa̱ꞌíndaya yojoo̱ kui xi tjítsꞌénjeé, ta̱nga chónjnú yojojnú nga ngo nga ngojnú, tsi̱ꞌe̱ nga jmí tsi ko̱jo jún chjátꞌayákónjnú.

Xota̱ Éfeso̱ 5:11

Kó ngata̱ ki̱a̱jín niꞌánkamajo̱jnú kui xota̱ xi ndyi̱tsꞌèn ni xi jmí ni chjíjiín xi tjimá nínga jñoó, ta̱sá takójnúu̱ nga ndajínkjiꞌi ni xi ndyi̱tsꞌèn.

1 Timoo̱ 5:20

Ta̱nga kui xota̱ xi ta̱kó ndyi̱tsꞌènjeé, ti̱ꞌinchji̱ni̱ ji ngindyi̱ko̱n ngayeje xota̱ na̱ngo̱xi̱i̱, tsi̱ꞌe̱ nga xota̱ xi ngasee̱ ka̱mandikoón.

1 Timoo̱ 5:22

Ngata̱ ta̱xkiya boeꞌéxéjíi̱n ngo nda̱ nga kꞌuíjñisée̱n ndse̱, ngatꞌa̱ tsi ta̱, ta̱ chiboa ko̱e̱ꞌéxée̱ ko̱jo ji nijan si̱ꞌinjéje̱. Tsjietsꞌén tindyin kjo̱a̱a̱ ngayeje ni xi ndajiín.

2 Timoo̱ 4:2

nga tꞌíni̱jmìi̱ xotaa̱ kui eén, bo̱a̱ ti̱ꞌin ji nga ka̱ma, ko̱jo nga ka̱májín, ti̱ꞌinꞌindakon ji tsi̱ꞌe̱ nga sku̱i̱e̱ tsi ndajínkjiꞌi ni xi katsꞌén, ti̱ꞌinchji̱ni̱ ji ko̱jo te̱ꞌéngaꞌníi̱, kó takoyèe̱ nga bi̱ tsiee̱ ka̱ma takín.

Titoo̱ 1:13

Ja̱koxi̱ kuí ni xi katsó kui ndaa̱, kuíni nga ꞌniú ndókjo̱e̱je ji, tsi̱ꞌe̱ nga kixi̱ kjo̱jo kjo̱a̱sꞌijii̱n Néná,

Titoo̱ 2:15

Kuí nii̱ xi chjiéngá ko̱ko̱yée̱. Te̱ꞌéngaꞌníi̱, kó ti̱ꞌinchji̱ni̱ ji xotaa̱, nga si̱ꞌinkjìn jí xá xí tjiín. Ngata̱ ngojín xota̱ xi ta̱ ton sku̱i̱e̱e̱.

1 Xo̱jo̱o̱n Juaa̱ 2:11

Ta̱nga xi chꞌoo̱ xota̱ xi ngasee̱, ngi̱jin nínga jñoó boá nínga tikón, kó nínga jñoó boá nínga tsoꞌbá, kó nde bejín nínga tsꞌénfí, ngatꞌa̱ kui kjo̱a̱jñoó jè katsꞌénti̱ka̱.

1 Xo̱jo̱o̱n Juaa̱ 2:9

Xota̱ xi bo̱a̱ ka̱tso̱ nga nínga tikón ndiꞌí xí tsꞌentsíjee̱n tikón, ta̱nga tsi chꞌoo̱ xota̱ xi ngasee̱, ta̱kó nínga jñoó boá nínga tikón.