Lebitiko̱ 19:14 - Xo̱jo̱n eén Néná

¹⁴ »Ngata̱ mojnóchàjínjnú xota̱ xi xtiya, ti̱nde ngata̱ ꞌbíndojnúu̱ ni xi sti̱ngí xota̱ xi ti̱ka̱a̱ ki̱a̱ ndi̱yà nínga tjimá. Cha̱ndikónjnúꞌun. Án boá xi Nee̱ xota̱ Israee̱l.

Lebitiko̱ 19:14 ပူးပေါင်းရင်းမြစ်များ

Jenesii̱s 42:18

Kó xi ma ján ni̱xtjin Kosiee̱ bi̱ katsoó: «Tsakjón án Néná. Tsi ja̱koxi̱ nga xota̱ xi ndajnú ko̱jo tsi mejénjnú ku̱i̱ndyionra ngasejnú nga̱sondie, bi̱ ti̱ꞌánjnú: te̱ꞌéndièjnú nga ngo ntsꞌiejnú xi ngatꞌíjñára ndo̱bo̱a̱yà, kó xi ngasee̱ ngatjíjoo̱ to ndso̱ko̱a̱n ṉño̱pan xota̱ xi síndo ndiꞌajnú, ngatꞌa̱ achichíra̱ je bojoó, ta̱nga ndibájo̱jnú ntsꞌiejnú xi kjindií, kó bo̱a̱ tsí tsꞌén skuié an tsi ja̱koxi̱ ni xi ndyi̱ꞌmìjnú.» Kó já ntsꞌi̱e̱ Kosiee̱ jo̱ꞌo katsó ni xi kiꞌmií,

Xo̱jo̱n Salmoo̱ 111:10

Ngayeje xota̱ xi mejeén nga xota̱ xi kjínkón ka̱ma, tjón mára ngatamabendikón Néná. Kui xota̱ xi bo̱a̱ tsꞌeén, bokó nga xota̱ xi kjínkón boá. ¡Néná, ngatsjéni̱xtjin tsoboaá nga si̱ꞌantsjaa̱!

Lebitiko̱ 19:15

»Tsi ngo ni kꞌuíndajnú nínga kjimandajin ngo ni, kixi̱ ti̱ꞌánjnú kui nii̱. Ngata̱ kjo̱a̱ndaa̱jín ngo xota̱ mongínjnú, tsi cho̱n ko̱jo tsi ni̱ma̱.

Lebitiko̱ 19:32

»Kjiꞌanga ngindyi̱ko̱n ngo xota̱ xi xchaá tindyiónjnú, ko̱jo tsi ngindyi̱ko̱n ngo xota̱ xi xchá ngase ta̱bo̱a̱jiín jún, cha̱ndikónjnú, kó ti̱ndyiakixi̱jnú.

Lebitiko̱ 25:17

»Ngata̱ ngojín xi ꞌboṉcha̱jo xkjín, cha̱ndikónjnúꞌun. Án boá xi Nee̱ xota̱ Israee̱l.

Xota̱ Roma̱ 12:14

Ndókjo̱a̱tjéjnú xota̱ xi ndyi̱mongatji̱ngijnú, chji̱a̱ꞌajnúu̱ Néná nga sa̱ꞌínchikonñé, kó jmí tsi chꞌo kꞌuínjnúu̱.

Xota̱ Roma̱ 14:13

Kó kuíni nga ngiti̱ ko̱ndókjo̱a̱taꞌinján ñá xingi̱ tsi nda ko̱jo tsi ndajín ndyi̱tsꞌèn, ta̱sá si̱ꞌankjó cha̱n cha̱n tsi̱ꞌe̱ nga ta̱xkiya si̱ꞌán jàn ngo ni xi sa̱ꞌín nga ngo ntsꞌie xi ngiti̱ ka̱maꞌniátakónjín Néná.

1 Xota̱ Korinto̱ 10:32

Ngata̱ júnjín xi niꞌánkꞌákajnú xota̱ xi jundíoo̱, ko̱jo xota̱ xi jundío̱jín, ko̱jo xota̱ na̱ngo̱xi̱i̱ Néná.

1 Xo̱jo̱o̱n Peé 1:17

Kó nga “Na̱ꞌmi” ndyi̱ꞌmìjnúu̱ kui Néná xi ta̱ són tsꞌénjo̱ xotaa̱ nga tsáyà tsi nda ko̱jo tsi ndajín ni xi katsꞌén, chjiéngá xcha̱ndikónjnú ngatsjéni̱xtjin nga ku̱i̱ṉtsomajnú kui nga̱sondiee̱.

1 Xo̱jo̱o̱n Peé 2:17

Cha̱ndikónjnú ngayeje xota̱. Ti̱ꞌantjójnú ngayeje ntsꞌié, ko̱jo ndichjá. Ngatamandikónjnú Néná. Cha̱ndikónjnú nda̱ Ree̱.

Ni xi akakoo̱ 2:14

Ta̱nga tikón chiboana ni kondra̱ tse̱: nga ki̱a̱ síndoo̱ chiboa xota̱ xi mejénjiín nga kjo̱ta̱xi̱ín kjo̱a̱bokoyaá Balaa̱n, kui xi atíxomaa̱ Balaa̱k tsi̱ꞌe̱ nga katsꞌénjé xota̱ xi chji̱a̱ni Israee̱l, tsi̱ꞌe̱ nga iskjinie ni xi je kiniꞌánkꞌasꞌiee̱n ngo a̱sie̱én ngo ne xi tsꞌénda xotaa̱, ko̱jo kjo̱a̱a̱ nga katsꞌén kjo̱a̱tondo̱.