Lebitiko̱ 17:11 - Xo̱jo̱n eén Néná

¹¹ Jiín boá xi tsjaá kjo̱a̱mindyion yojoo̱. Ti̱ ánní bo̱a̱ xi katsjajnúꞌun jiín kui cho̱o̱, tsi̱ꞌe̱ nga ki̱a̱ si̱ꞌankꞌasꞌienjnúꞌun ṉchandikónna, kó ndokꞌóchji̱nií kui kjo̱a̱mindyion xi tjiín kui jiín, nga an tsꞌenjetakónjnúꞌun jéjnú.

Lebitiko̱ 17:11 ပူးပေါင်းရင်းမြစ်များ

Jenesii̱s 9:4

Ta̱nga ka̱májín xi̱ni̱e̱jnú yojoo̱ cho̱ xi to̱kó tjiín jín, ngatꞌa̱ jiín boá xi kjo̱a̱mindyioo̱n.

Lebitiko̱ 16:11

»Jaskan ngije Aaroo̱n katsꞌénkꞌasꞌienna ngo kjo̱a̱tjó xi ndií cho̱yojo xi tsi̱ꞌe̱, kjo̱a̱a̱ nga ka̱majetakoón jeé ko̱jo kjo̱a̱a̱ jeé xota̱ ndiꞌaa̱,

Lebitiko̱ 17:12

Kuíni nga xota̱ Israee̱l ko̱jo tsi xota̱ xi xín nangi chji̱a̱ni, chjiénjín nga yojo xi tjiín ndeta̱ ngo tsí tín jín xí ka̱ma skji̱ni̱e̱.

Lebitiko̱ 17:14

Ngatjaꞌátsjienjnú nga kuí jiín xi tsjaá kjo̱a̱mindyion ngayeje cho̱o̱. Kuíni nga tsjandièjínjnúꞌun nga ka̱ma xi̱ni̱e̱jnú yojo xi tjiín jín, kó kui xi bo̱a̱ sa̱ꞌiín, chjiéngá ku̱i̱yòtjíngií ki̱a̱ na̱xi̱ńdaá.

Lebitiko̱ 4:25

Jaskan chináꞌmii̱ ngatsꞌénkꞌándyi̱ni xtín tsja kui jiín tindsoo̱, kósꞌe̱ ngatindyiaá ndyi̱ko̱n kui ṉchandikoón, kó jín xí ngasee̱ ki̱a̱ nga kjitjónjón ngindiee̱ kui ṉchandikoón.

Lebitiko̱ 4:26

Jaskan ngatꞌítí ngayeje xinieé kui cho̱o̱, xikó niꞌaán nga niꞌánkꞌasꞌien ngo kjo̱a̱tjó kjo̱a̱a̱ nga chjiáꞌá nga nda ko̱jo nga tsjatsꞌèn mindyión. Kó bo̱a̱ tsꞌén nga chináꞌmii̱ boá xi sa̱ꞌínkꞌasꞌien kui kjo̱a̱tjoó kjo̱a̱a̱ kui xota̱ xi katsꞌénjeé, kó án sa̱ꞌinjetakóo̱n jeé.

Lebitiko̱ 8:15

kó Moisee̱ katsꞌénkꞌién kui cho̱o̱. Sꞌe̱ tji̱e̱nmá katsꞌénkꞌandyi̱ni xtín tsja jiín kui cho̱o̱, kósꞌe̱ katsangijon kui jiín nga ngo nga ngo nga̱ndee̱ kui ṉchandikoón, sꞌe̱ jaskan jín xí ngasee̱ ki̱a̱ iskjitjónjón ngindiee̱ kui ṉchandikoón, bo̱a̱ tsꞌén katsꞌéntsjie kui ngi̱ndiee̱, kósꞌe̱ katsꞌénkꞌasꞌiee̱n Néná.

Matioo̱ 20:28

xikó maá nga ndií nda̱ xi̱ꞌii̱n, jmí tsi jeꞌe kui nga̱sondiee̱ tsi̱ꞌe̱ nga si̱ꞌansee̱n, ta̱sá jeꞌe tsi̱ꞌe̱ nga kui xi sa̱ꞌínseén xotaa̱, ko̱jo tsi̱ꞌe̱ nga tsja̱á yojoo̱ tsi̱ꞌe̱ nga ku̱i̱ꞌíchjítáꞌín kjín xota̱.

Matioo̱ 26:28

ngatꞌa̱ kuí xi̱ꞌbi̱ xi jínna, nínga tjíꞌbínda ngo kjo̱a̱tja̱tsi̱e̱ tsi̱ꞌe̱ Néná ko̱jo jún. Jín xí xtjoón ta̱ngatꞌanií kjo̱a̱ndaa̱ kjín xota̱, tsi̱ꞌe̱ nga si̱ꞌanjetakoón jeé.

Markoo̱ 14:24

Kó Kjisoo̱, bi̱ katsó: –Kuí xi̱ꞌbi̱ xi jínna, nínga tjíꞌbínda ngo kjo̱a̱tja̱tsi̱e̱ tsi̱ꞌe̱ Néná ko̱jo jún. Jín xí xtjoón, ta̱ngatꞌanií kjo̱a̱ndaa̱ kjín xota̱ nga xtjón.

Xota̱ Roma̱ 3:25

Néná xí bo̱a̱ tsꞌén íjñá xikoó ngo chji̱e̱ nga kꞌien Jesukristoo̱, tsi̱ꞌe̱ nga ta̱ngatꞌanii̱ kui jín xí iskjitjón nga kꞌien nga si̱ꞌanjetakónnii̱ xota̱ xi sꞌijii̱n, kó bo̱a̱ tsꞌén Néná akó kjo̱a̱kixi̱i̱, ta̱ngatꞌanii̱ nga tsiekon kamá nga katsꞌénjín xki̱ jé xi kisꞌie ngasꞌe̱,

Xota̱ Roma̱ 5:9

Ja̱ kuíni nga ngotꞌe̱ ꞌne̱, Néná kꞌo̱xiéꞌáná, tsi̱ꞌe̱ nga sa̱kójínná kjo̱a̱xcha̱án, ngatꞌa̱ jè xota̱ kixi̱ katsꞌénná ta̱ngatꞌanii̱ nga kꞌien Kristoo̱.

Xota̱ Éfeso̱ 1:7

Kuí ndií xi kꞌien tsi̱ꞌe̱ nga Néná tsꞌaxiéꞌáná ñá, kó kuíni nga tjínná kjo̱a̱niꞌánjetakoón jéná, xikó kjiꞌi tsie kjo̱a̱nda je xi katsjáná Néná,

Ndeuteronomio̱ 12:23

Ta̱nga ngata̱ chiniejínjnú yojo xi to̱kó tjiín jín, chjiéngá te̱ꞌéndiè márajnúu̱ nga kjo̱tjo jiín kui yojoo̱ ki̱a̱ nga̱són tꞌanangii̱, xikoó tsi ndáfoa. Tsi ko̱nda̱ꞌyáꞌénjnúu̱ Néná, nda̱ ku̱i̱ndyionjnú jún ko̱jo xota̱ tji̱e̱jnú.

Xota̱ Kolosa̱ 1:14

kui xi íchjítjéná, tsi̱ꞌe̱ nga jatjoꞌa ñá, ko̱jo nga kiniꞌánjetakoón jéná.

Xota̱ Kolosa̱ 1:20

Kó nga ngatꞌaa̱ Kristoo̱ nga Néná boá xi katsꞌén nga kjo̱e̱ꞌekón nginií ngayeje xi síndotꞌaxiín, xi síndo kui nga̱sondiee̱, ko̱jo xi síndo ndiꞌakꞌajmii̱, kó Kristoo̱ boá xi katsjá kjo̱a̱xioó ta̱ngatꞌanii̱ jín xí iskjitjón tꞌa kroo̱.

Xota̱ Ebreo̱ 13:12

kó kuíni nga Kjisoo̱ ndi̱tsee̱n ṉdi̱a̱a̱ jaꞌatio kjo̱a̱ni̱ma̱ nga kiniꞌánkꞌién. Ki̱a̱ katsꞌénkꞌasꞌien jín tsi̱ꞌe̱ nga katsꞌéntsjie xota̱ na̱xi̱ńdaá.

Xota̱ Ebreo̱ 9:22

Kjo̱a̱kitii̱ tsó nga tsi̱ꞌe̱ nga ka̱matsjie mején ngayeje nii̱ ngindyi̱ko̱n Néná, jiín xí bo̱a̱ tsꞌén. Kuíni nga chjiéngá jín xtjónní tsi̱ꞌe̱ nga ka̱majetakón jeé.

1 Xo̱jo̱o̱n Peé 1:2

Xikó tsꞌén índa Néná xí na̱ꞌminá nga kamámejeén jaꞌájinjnú jún, tsi̱ꞌe̱ nga xota̱ na̱xi̱ńdá xí tsi̱ꞌe̱ ka̱majnú. Kó nga ngatꞌaa̱ A̱si̱énni̱xtjii̱n, ko̱jo ngatꞌaa̱ nga kꞌien Jesukristoo̱ nga katsꞌéntsjiejónjnú ngayeje jéjnú, tsi̱ꞌe̱ nga ko̱nda̱ꞌyáꞌénjnú. Ngatama tsie kjo̱a̱nda ko̱jo kjo̱a̱xió xi tsja̱ajnú Néná.

1 Xo̱jo̱o̱n Juaa̱ 1:7

Ta̱nga tsi nínga tikón ndiꞌí xí tsꞌentsíjee̱n timá, xikótsꞌèn Néná tikón nínga tikón ndiꞌí xí tsꞌentsíjee̱n, kjiꞌá boá nga ja̱kꞌi̱e̱ ja̱ngaján ndyi̱niꞌángo yojoná, kó jiín Jesukristoo̱ boá xi tsꞌéntsjiejón ngayeje jéná.

1 Xo̱jo̱o̱n Juaa̱ 2:2

Jesukristoo̱ boá xi katsjá yojoo̱ xikoó ngo kjo̱a̱tjó, nga jaꞌatio kjo̱a̱ni̱ma̱ ta̱ngatꞌanii̱ nga íchjítjé jéná ñá xi je kisꞌijinná Néná. Kó jmí tsi ta̱ jéná tsí, ko̱jo jeé ngayeje xota̱ xi tjín nga̱sondiee̱ boá nga.

Ni xi akakoo̱ 1:5

ko̱jo xi katsangiya Jesukristoo̱, chistiko̱ xi ꞌniátakoón, kuí boá ndí tjón xi jaꞌáꞌyaá, ko̱jo xi tjiín xá nga botixómaá ngayeje re xi chji̱a̱ni tꞌanangii̱. Kristoo̱ tjoó ñá, kó kuí boá xi índondéná kjo̱a̱a̱ jéná nga iskjitjón jiín,