Lebitiko̱ 17:10 - Xo̱jo̱n eén Néná

¹⁰ »Tsi ngo xota̱ Israee̱l, ko̱jo tsi ngo xota̱ xi xín nangi chji̱a̱ni, ta̱nga tsi ki̱a̱ tikón kui na̱xi̱ńdaá, xi skji̱ni̱e̱ yojo xi tjiín jín, kondraa̱ kotíjña̱ an, kó kongatji̱ngìi̱ ki̱a̱ na̱xi̱ńdaá.

Lebitiko̱ 17:10 ပူးပေါင်းရင်းမြစ်များ

Jenesii̱s 9:4

Ta̱nga ka̱májín xi̱ni̱e̱jnú yojoo̱ cho̱ xi to̱kó tjiín jín, ngatꞌa̱ jiín boá xi kjo̱a̱mindyioo̱n.

Xo̱jo̱n Salmoo̱ 34:16

Ta̱nga kje̱n Néná kondra̱ tikónnii̱ xota̱ xi ni xi ndajín ndyi̱tsꞌe̱én, tsi̱ꞌe̱ nga tsá sa̱ꞌínkjié kjo̱a̱foaꞌátsjien xi kisꞌiee̱ kui nga̱sondiee̱.

Éksondo̱ 30:33

Tsi tjín xota̱ Israee̱l xi sa̱ꞌínda ingo isti̱ xi xikoó xi̱ꞌbi̱, kó tsi ta̱xkiya sa̱ꞌínkjién nga sa̱ngínjón kje̱ꞌe xota̱, kui xi bo̱a̱ katsꞌeén chjiéngá ku̱i̱yòtjíngií ngi̱jii̱n jún».

Lebitiko̱ 17:11

Jiín boá xi tsjaá kjo̱a̱mindyion yojoo̱. Ti̱ ánní bo̱a̱ xi katsjajnúꞌun jiín kui cho̱o̱, tsi̱ꞌe̱ nga ki̱a̱ si̱ꞌankꞌasꞌienjnúꞌun ṉchandikónna, kó ndokꞌóchji̱nií kui kjo̱a̱mindyion xi tjiín kui jiín, nga an tsꞌenjetakónjnúꞌun jéjnú.

Lebitiko̱ 19:26

»Ngata̱ chiniejínjnú ni xi tjiín jín. »Ngata̱ niꞌánjínjnú ngayeje to̱ko̱ya kjo̱a̱tjiꞌe.

Lebitiko̱ 3:17

»Nga jmíni̱xtjin chiniejnú xinié ko̱jo jín. Jmí ndasénjín ta̱ nínga tindyiónjnú, kui nii̱ kjo̱a̱kiti boá, kó chjiéngá si̱ꞌankjatjosónjnú ngatsjéni̱xtjin».

Ni xi kamá 15:20

ta̱ ka̱ma ta̱ ngo tsi xo̱jo̱n si̱ꞌandàa̱ nínga kꞌuiyáa̱, tsi̱ꞌe̱ nga ku̱i̱ꞌíjñátꞌaxiín yojoo̱ ngayeje ni xi ndándí xi chji̱a̱ni ngo a̱sie̱én ngo ne xi tsꞌénda xotaa̱, kó nga sa̱ꞌínkamajo̱jín xi tondo̱, ko̱jo nga skji̱ni̱e̱jín yojoo̱ cho̱ xi niꞌánxíndo nga niꞌánkꞌién, ko̱jo yojo xi ndyi̱a̱a̱ jín.

Ni xi kamá 15:29

Nga xi̱ni̱e̱jínjnú yojoo̱ cho̱ xi je kiniꞌánkꞌasꞌiee̱n ngo a̱sie̱én ngo ne xi tsꞌénda xotaa̱, ko̱jo nga xi̱ni̱e̱jínjnú jín, ko̱jo yojoo̱ cho̱ xi kiniꞌánxíndo, ko̱jo nga ka̱májín tondo̱ ka̱majnú. Tsi si̱ꞌankjatjosónjnú ngayeje kui nii̱, ndakjíꞌí ni xi ndyi̱niꞌánjnú. Nda ngasꞌiejnú.”

Ndeuteronomio̱ 12:23

Ta̱nga ngata̱ chiniejínjnú yojo xi to̱kó tjiín jín, chjiéngá te̱ꞌéndiè márajnúu̱ nga kjo̱tjo jiín kui yojoo̱ ki̱a̱ nga̱són tꞌanangii̱, xikoó tsi ndáfoa. Tsi ko̱nda̱ꞌyáꞌénjnúu̱ Néná, nda̱ ku̱i̱ndyionjnú jún ko̱jo xota̱ tji̱e̱jnú.

Ndeuteronomio̱ 15:23

Ta̱kuítsí jiín kui cho̱o̱ xi ka̱májín xi̱ni̱e̱jnú, chjiéngá ko̱e̱ꞌéndièjnúu̱ nga xtjón mára ki̱a̱ nga̱són tꞌanangii̱.»

Xota̱ Ebreo̱ 10:29

Ja̱ ti̱ꞌankjínjnúu̱ takónjnú, kókjiꞌi ni xi si̱ꞌaa̱n kui xi tsꞌéntsjánié ni xi katsꞌén ndií Néná, kókjiꞌi ni xi si̱ꞌaa̱n kui xi ta̱ kjo̱a̱ndaní máa kui jín xí Néná índajo̱ni nga katsꞌéntsjie kui xotaa̱, ko̱jo kókjiꞌi ni xi ka̱maa̱ xi chꞌo tjítsoó A̱si̱énni̱xtjii̱n Néná xi tsꞌén tsjá kjo̱a̱ndaa̱.