Lebitiko̱ 16:21 - Xo̱jo̱n eén Néná

^21-22 Ngatꞌíjñasoón nga jó tsja to̱ko̱ kui cho̱o̱, kó nga tsáyà ngayeje jé xí katsꞌén xota̱ Israee̱l, kó bo̱a̱ tsꞌén nga kui tindsoo̱ xi si̱ꞌankaꞌa jeé xota̱ na̱xi̱ńdaá. Sꞌe̱ jaskan kui tindsoo̱ ki̱a̱ kongínjo̱ nangi kixií, tsi̱ꞌe̱ nga ko̱e̱je̱jo ngayeje jé xí katsꞌén xota̱ Israee̱l.

Lebitiko̱ 16:21 ပူးပေါင်းရင်းမြစ်များ

Xo̱jo̱n Salmoo̱ 32:5

Ta̱nga kixiyaa jéna, kó iꞌmájaán ni ndajín xi katsꞌen an. Bi̱ kixian an: Xiyàa̱ Néná ni xi ndajín xi katsꞌen an. Kó jí boá xi kiniꞌínjetakínní kuí ni xi ndajiín jé xí katsꞌen an.

Xo̱jo̱n Salmoo̱ 51:3

Ngatꞌa̱ be án ni xi ndajín xi tsꞌen an, kó ngatsjéni̱xtjin nga kje̱n án tikón jéna.

Éksondo̱ 29:10

»Sꞌe̱ tji̱e̱nmá tꞌenje̱ ji ndí cho̱yojoo̱ ki̱a̱ ndiꞌandikoón, kó bo̱a̱ tꞌíi̱n Aaroo̱n ko̱jo jaá, nga ngatꞌíjñasoón tsja, to̱ko̱ kui cho̱o̱.

Énkjínkón 28:13

Xi ꞌbíꞌmá jé xi tsꞌén, jmíni̱xtjin nda ko̱e̱je̱e̱, ta̱nga kui xi ka̱tso̱yaa̱, kó ngiti̱ sa̱ꞌínjéjín, kuí boá xi sa̱ko̱ó kjo̱a̱jetakoón Néná.

Lebitiko̱ 1:4

kó ki̱a̱ ngatꞌíjñasoón tsja to̱ko̱ kui ndií cho̱yojoo̱, sꞌe̱ nga tsꞌenkꞌién ngijee̱. Bo̱a̱ tsꞌén nga tsja ka̱mana nga skjíbé án kui kjo̱a̱tjoó, kó sa̱ꞌinjetakóo̱n jeé. »Kó já chináꞌmii̱ sa̱ꞌínkꞌasꞌienna jiín kui ndí cho̱yojoo̱, sꞌe̱ jaskan ki̱a̱ nga kjitjónjón nga nijón nga̱ndee̱ kui ṉchandikoón.

Lebitiko̱ 16:20

»Ngije kamaá Aaroo̱n nga katsꞌén ngayeje kui nii̱, an sa̱ꞌínkꞌasꞌienna kui tindso̱ xi ingoo̱, kui xi kiniꞌánkꞌiénjiín.

Xota̱ Roma̱ 10:10

Ngatꞌa̱ ngi̱jii̱n ini̱ma̱ná boá nga sꞌijinná kjo̱a̱a̱ ni xi kixi̱i̱, ta̱nga ndso̱ꞌbá ñá boá xi ku̱i̱chji̱a̱ nga sꞌi̱jinná nga kjo̱tjoꞌa ñá.

2 Xota̱ Korinto̱ 5:21

Kristoo̱ nde ngo jé kisꞌiejiín, nganda tsa̱ñá boá nga Néná xikoó tsi xota̱ jé katsꞌén, tsi̱ꞌe̱ nga ñá xota̱ kixi̱ ka̱ma ngindyi̱ko̱n Néná, ta̱ngatꞌanii̱ ni xi katsꞌén Kristoo̱.