Lebitiko̱ 16:13 - Xo̱jo̱n eén Néná

¹³ kó ngije tjiyátsjà kui nii̱, ngatꞌasꞌien ki̱a̱ ngi̱ndie nínga ꞌniú ndikoón, kui xi tikón nga̱xto̱n kortina̱ je xi tji̱e̱e̱n. Ki̱a̱ ngatindyiá nisijee̱n ngi̱jii̱n xꞌueé, tsi̱ꞌe̱ nga ṉdi̱i̱ ko̱e̱je̱jon ki̱a̱ tsꞌoa xi kjiꞌmani koxa̱a̱ kjo̱a̱ꞌbíndaa̱. Kó ko̱yàjín nga bo̱a̱ sa̱ꞌín.

Lebitiko̱ 16:13 ပူးပေါင်းရင်းမြစ်များ

Éksondo̱ 25:21

Ngije akjaye ji ngi̱yaa̱ kui koxa̱a̱ ndi̱jo̱ tie xi kjitꞌa nga tie kjo̱a̱botíxomaa̱, tjaꞌme ji koxa̱a̱.

Éksondo̱ 28:43

Kuí xkángíndieé xi ko̱a̱ja̱ Aaroo̱n ko̱jo ndií kjiꞌanga kꞌo̱sꞌien ndiꞌandikoón, ko̱jo tsi kjiꞌanga ko̱e̱je̱ tiña nínga tikón ṉchaa̱n nga sa̱ꞌín xaá. Tsi sa̱ꞌínkjiénjín kui ńjñoo̱, kotijéñáa̱, kó ngaskande ka̱ma ko̱yà. Kjo̱a̱kiti boá kui nii̱ kó chjiéngá sa̱ꞌínkjatjosón Aaroo̱n ko̱jo xota̱ tji̱e̱e̱ ngatsjéni̱xtjin».

Éksondo̱ 30:1

»Ti̱ mejénna nga si̱ꞌinde ji ngo ṉchan xi yáꞌakasia̱ nínga kꞌuití nisijee̱n. Yichán ún sentímetro̱ ngatama nga tiyaá ko̱jo nga ndojoó, kó ichítié ko̱jo yichán sentímetro̱ ngatama nga nkꞌa, kó nga ngo nga ngo nijon, ni xi ja̱ kon ndi̱ja̱ kon xi tꞌíndée̱, kó ta̱ ngo ndo̱jò ngatama ngayeje yojoo̱ kui nii̱,

Lebitiko̱ 22:9

»Ngayeje chináꞌmii̱ chjiéngá sa̱ꞌínkjatjosón kui kjo̱a̱botíxomaa̱. Tsi sa̱ꞌínkjatjosónjín, ko̱yà. An, Nee̱ xota̱ Israee̱l boá xi je katsjaxáa̱ nga ta̱ xána tsí xi sa̱ꞌín.

Xki̱ 16:18

Nga kamángindyiojón, Koree̱ ítikó ngayeje xota̱ xi nijan kamá kó ki̱a̱ jachó kje̱n nínga tikón ndiꞌandikoón, tsi̱ꞌe̱ nga ki̱a̱ ku̱i̱chji̱a̱jo Moisee̱ ko̱jo Aaroo̱n. Nga ngo nga ngo ndyi̱yaꞌa ni xi mindyia xꞌueé. Kósꞌe̱ Néná jachó nga akó kjo̱a̱jee̱ ngindyi̱ko̱n xota̱ na̱xi̱ńdaá,

Xki̱ 16:46

kó Moisee̱ bi̱ katsoó Aaroo̱n: «Achichí tjitsꞌénxchán Néná, kó tsꞌénbotíjérií xotaa̱. Kó kuíni nga chjábé jí ni xi mindyia xꞌueé, kó tindyiée̱ xꞌué xi síndo ṉchandikoón, kósꞌe̱ tindyiée̱ nisije̱n, sꞌe̱ jaskan tꞌen ji nínga síndo xota̱ Israee̱l, kó chji̱e̱ꞌèe̱ Néná tsi̱ꞌe̱ nga sa̱ꞌínjetakoón xota̱ Israee̱l».

Xki̱ 4:15

»Ngije ka̱maa̱ Aaroo̱n ko̱jo ndií nga ku̱i̱ꞌítsakjájón ngayeje ni xi machjién ki̱a̱ ndiꞌandikoón Néná, kó ngije ko̱e̱je̱, nangíyé ji ndií Koaa̱t tsi̱ꞌe̱ nga kui xi ko̱a̱ꞌa̱nijín ngayeje kui nii̱. Ta̱nga chjiéngá skoón nga ta̱xkiya sa̱ꞌínjo̱jín ngo ni xi ndikoón, ngatꞌa̱ ko̱yà tsí bo̱a̱ sa̱ꞌín. Kuí bí kui xaá xi sa̱ꞌín xota̱ tji̱e̱e̱ Koaa̱t ki̱a̱ ndiꞌandikoón.

Xki̱ 4:20

Bo̱a̱ tsí tsꞌén nga kꞌo̱sꞌienjín nga skotsíjee̱n ni xi ndikoón, kó ko̱yàjín ngijee̱».

Ndeuteronomio̱ 33:10

»Jún boá xi ndyi̱bokoyájnúu̱ xota̱ na̱xi̱ńdaá nga sa̱ꞌínkjatjosón kjo̱a̱botíxomaa̱ Néná, kó nga ki̱a̱ nga̱són ṉchandikoón Néná si̱ꞌankꞌasꞌienjnú ngayeje to̱ko̱ya kjo̱a̱tjó.

Xota̱ Ebreo̱ 7:25

Kó kuíni nga Kristoo̱ maa̱ ꞌboxiéꞌá ngatsjéni̱xtjin ngayeje xota̱ xi ngatꞌaa̱ kui nga tsꞌéntíñaa̱ yojoo̱ Néná, ngatꞌa̱ ngatsjéni̱xtjin tikón, tsi̱ꞌe̱ nga ku̱i̱ꞌatjé nga ku̱i̱chji̱a̱a̱ Néná kjo̱a̱a̱ kui xotaa̱.

Xota̱ Ebreo̱ 9:24

Ngatꞌa̱ Kristoo̱ jmí tsi tsꞌasꞌien ngi̱yaa̱ kui na̱ngo̱xi̱ ndikón xí katsꞌénda tsja xotaa̱, kui xi ta̱ ni xi katjoꞌótꞌa na̱ngo̱xi̱ ndikón xí ja̱koxi̱i̱ boá. Kristoo̱ boá xi ki̱a̱ má ndiꞌakꞌajmii̱ tsꞌasꞌien, tsi̱ꞌe̱ nga jachó ngindyi̱ko̱n Néná, kó kuí boá xi tsꞌénmíꞌá nganda tsa̱ñá.