Lebitiko̱ 15:18 - Xo̱jo̱n eén Néná

¹⁸ »Tsi ngo nda̱ ko̱jo ngo na̱ sa̱ꞌíntsjajo̱ yojoo̱, chjiéngá tsjiejín ka̱ma ngaskande nga ka̱majñoó, kó chjiéngá ko̱ngóyá ngijee̱.

Lebitiko̱ 15:18 ပူးပေါင်းရင်းမြစ်များ

Xo̱jo̱n Salmoo̱ 51:5

Ja̱koxi̱ boá nga ngi̱jii̱n ni xi ndajiín nga kamánda an, ko̱jo nga jè tjínna jé nga nga yeꞌéna na̱anna.

Éksondo̱ 19:15

Jaskan Moisee̱, bi̱ katsoó: «Jún chjiéngá ku̱i̱ndyiondajnú ngatꞌa̱ ngii̱ si̱ꞌantsjajnúu̱ Néná. Kuíni nga chjiéngá ku̱i̱ndyionxónjnú nga ján kui ni̱xtjii̱n, jmíjín xi ínchjín sa̱ꞌínjo̱».

Lebitiko̱ 15:16

»Tsi ngo nda̱ xi nde bejín nga xtjón ndáxójmaá yojo ndikoón, chjiéngá tsjiejín ka̱ma ngaskande nga ka̱majñoó, kó chjiéngá ngatangóyá.

Lebitiko̱ 15:17

Tsi ndáxójmaá kui nda̱a̱ xtjonjón ngo ńjño, ko̱jo tsi ngo ni xi tji̱xin, kui nii̱ tsjiejín ka̱ma ngaskande nga ka̱majñoó, kó chjiéngá ko̱nié.

1 Xota̱ Korinto̱ 6:12

“Ngayeje nii̱ xi tsjandiè kjo̱a̱kitii̱ nga ka̱ma sa̱ꞌin an”, ta̱nga jmí tsi ngayeje nii̱ xi nda sa̱ꞌínna. “Ngayeje nii̱ xi tsjandiè kjo̱a̱kitii̱ nga ka̱ma sa̱ꞌin an”, ta̱nga tsjandièjín an nga ngo kui nii̱ xi sa̱ꞌínna tsi̱ꞌe̱ nga kui xi ko̱tíxomana.

1 Xota̱ Korinto̱ 6:18

Ti̱yójnúu̱ kjo̱a̱tondoo̱. Ngayeje kje̱ꞌe jé xi sa̱ꞌín ngo xota̱ jmí ni tsꞌénjiín yojoo̱, ta̱nga tsi ngo xi tondo̱, ti̱kuíní yojoo̱ xi tjítsꞌénkjátsón.

2 Timoo̱ 2:22

Chje̱ꞌéxíi̱n yojòo̱ ni xi ndajín xi mején tsꞌén já xo̱ngo̱ò, kó tꞌentji̱ngi ji kjo̱a̱kixi̱i̱, ko̱jo kjo̱a̱sꞌijii̱n, ko̱jo kjo̱a̱tjoó, ko̱jo kjo̱a̱xioó, ki̱a̱ ti̱ꞌinkamaje̱ xota̱ xi tsjie ini̱ma̱a̱ ko̱jo xi chji̱a̱a̱ Ndi̱a̱ná.

Xota̱ Ebreo̱ 13:4

Ngayeje jún, cha̱ndikónjnú kjo̱a̱bixaa̱n, kó cha̱ndikónjnú xi̱ꞌinjnú ko̱jo tsi chjo̱ónjnú, ngatꞌa̱ xota̱ xi tondoo̱, ko̱jo kui xi ndyi̱tsꞌèntꞌaa̱ kjo̱a̱ xkjín, Néná boá xi ko̱tíjeé.

1 Xo̱jo̱o̱n Peé 2:11

Jún ndí ntsꞌie xi tjóna, ꞌniú míꞌájnúꞌun xikoó xota̱ xi xín nangi, ko̱jo xikoó xota̱ xi ndyi̱foaꞌa kui nga̱sondiee̱, nga ngata̱ boeꞌéjínjnúu̱ ngi̱ndie ni nga̱sondie xi mejeén ini̱ma̱jnú, ngatꞌa̱ kuí nii̱ xi sa̱ꞌínchajajnú,