Lebitiko̱ 15:16 - Xo̱jo̱n eén Néná

¹⁶ »Tsi ngo nda̱ xi nde bejín nga xtjón ndáxójmaá yojo ndikoón, chjiéngá tsjiejín ka̱ma ngaskande nga ka̱majñoó, kó chjiéngá ngatangóyá.

Lebitiko̱ 15:16 ပူးပေါင်းရင်းမြစ်များ

Lebitiko̱ 15:17

Tsi ndáxójmaá kui nda̱a̱ xtjonjón ngo ńjño, ko̱jo tsi ngo ni xi tji̱xin, kui nii̱ tsjiejín ka̱ma ngaskande nga ka̱majñoó, kó chjiéngá ko̱nié.

Lebitiko̱ 15:18

»Tsi ngo nda̱ ko̱jo ngo na̱ sa̱ꞌíntsjajo̱ yojoo̱, chjiéngá tsjiejín ka̱ma ngaskande nga ka̱majñoó, kó chjiéngá ko̱ngóyá ngijee̱.

Lebitiko̱ 22:4

»Tsi ngo chináꞌmii̱ xi tjiín ngo chiꞌin tji̱xin yojoo̱, ko̱jo tsi yojo ndikoón, ka̱májín skji̱ni̱e̱ kjo̱a̱tjó xi ꞌniú ndikón xi an kiniꞌánkꞌasꞌienna, ngaskande tsí ngije katsꞌéntsjie yojoo̱. »Ngojín chináꞌmii̱ xi ka̱ma sa̱ꞌínjo̱ ngo ni xi kisitꞌaa̱ ngo ini̱ma̱, ti̱nde ka̱májín sa̱ꞌínjo̱ ngo nda̱ xi chiꞌin tjiín yojo ndikoón. Ti̱nde ka̱májín sa̱ꞌínjo̱ ngo cho̱ xi ꞌbifé yojoo̱ nga̱són tꞌanangii̱, ko̱jo tsi ngo nda̱ xi je kiꞌmíyà nga tsjiejín. Tsi bo̱a̱ sa̱ꞌín, tsjiejín ka̱ma ngaskande nga ka̱majñoó, kó ka̱májín skji̱ni̱e̱ ni xi niꞌánkꞌasꞌienna nga kjo̱a̱tjó xi ꞌniú ndikón, tsi tjónjín ko̱ngóyá.

2 Xota̱ Korinto̱ 7:1

Jún xota̱ xi tjóna, ñá tsa̱ñá ni xi katsóyàtjón Néná nga tsja̱á xota̱ xi tsi̱ꞌe̱. Kuíni nga tsjietsꞌén ku̱i̱ndyión ngindyi̱ko̱n Néná, nga xín kꞌuijñá ni xi tsꞌénndándí yojoná, ko̱jo ini̱ma̱ná. Si̱ꞌando̱jò kjin kjin kui kjo̱a̱tsjiee̱ nga xcha̱ndikón Néná.

Ndeuteronomio̱ 23:12

»Néná ki̱a̱ tikónjinjnú jún, tsi̱ꞌe̱ nga skónjnú kó tsja̱ajnú nga jún xi si̱ꞌánjnú nga ku̱i̱xkánjo̱jnú kondra̱jnú. Kuíni nga chjiéngá tsjie ka̱ma ki̱a̱ nínga kꞌuíndo ndiꞌaa̱ xotaa̱, ka̱májín kꞌuié ni xi tsjajín maá. Chjiéngá ndi̱tsen nínga síndo ndiꞌaa̱ kui xotaa̱ ku̱i̱ꞌíjñá ngo ngi̱ndie nínga kjo̱tì, kó ngo ti̱xa̱ ngatsꞌénda nínga ku̱i̱ndyianijín ngayeje kui nii̱. Tsi Néná sa̱ko̱ó ki̱a̱ nínga síndo ndiꞌaa̱ xotaa̱ ngo ni xi tsjajín ka̱maa̱, kuí boá xi ko̱ngaboaꞌájnú.

1 Xo̱jo̱o̱n Peé 2:11

Jún ndí ntsꞌie xi tjóna, ꞌniú míꞌájnúꞌun xikoó xota̱ xi xín nangi, ko̱jo xikoó xota̱ xi ndyi̱foaꞌa kui nga̱sondiee̱, nga ngata̱ boeꞌéjínjnúu̱ ngi̱ndie ni nga̱sondie xi mejeén ini̱ma̱jnú, ngatꞌa̱ kuí nii̱ xi sa̱ꞌínchajajnú,

1 Xo̱jo̱o̱n Juaa̱ 1:7

Ta̱nga tsi nínga tikón ndiꞌí xí tsꞌentsíjee̱n timá, xikótsꞌèn Néná tikón nínga tikón ndiꞌí xí tsꞌentsíjee̱n, kjiꞌá boá nga ja̱kꞌi̱e̱ ja̱ngaján ndyi̱niꞌángo yojoná, kó jiín Jesukristoo̱ boá xi tsꞌéntsjiejón ngayeje jéná.