Lebitiko̱ 15:14 - Xo̱jo̱n eén Néná

¹⁴ Xi ma jin ni̱xtjin chjiéngá ko̱e̱je̱ nínga bitjasꞌi̱e̱nnii̱ ndiꞌandikoón ki̱a̱ ngindyi̱ko̱n Néná. Kó ngatjíjo̱ jó tójo ko̱jo tsi jó toṉña̱ xi ngatsꞌénkꞌásꞌieén chináꞌmii̱.

Lebitiko̱ 15:14 ပူးပေါင်းရင်းမြစ်များ

Lebitiko̱ 1:14

»Kó tsi tjín xí sa̱ꞌínkꞌasꞌienna ngo kjo̱a̱tjó xi cho̱ xi tjiín tsja̱nga̱, chjiéngá tójo ko̱jo tsi ndií toṉña̱ xi sa̱ꞌínkjién.

Lebitiko̱ 12:6

»Ngije jatjosón ni̱xtjin nga katsꞌéntsjie yojoo̱ kui na̱ xi yeꞌé kui ndií, tsi chjo̱on ko̱jo tsi xi̱ꞌin, chjiéngá ko̱e̱je̱ nínga bitjasꞌi̱e̱nni ndiꞌandikoón. Kó ki̱a̱ sa̱ꞌínkꞌasꞌiee̱n chináꞌmii̱ ngo cho̱tsa̱nga̱ xi sꞌe̱ tsí ngo noó, ko̱jo tsi jó tójo, ko̱jo tsi jó toṉña̱. Kósꞌe̱ kui chináꞌmii̱ ku̱i̱ꞌítí kui cho̱tsa̱nga̱a̱ nganda tsi̱ꞌe̱ Néná, kó sa̱ꞌínkꞌasꞌiee̱n Néná kui tójoo̱ ko̱jo tsi kui toṉñaa̱, tsi̱ꞌe̱ nga si̱ꞌanjetakón jeé, kó bo̱a̱ tsꞌén nga na̱aa̱n kui ndií je kamátsjie. »Kuí bí kui kjo̱a̱kitii̱ xi chjiéngá sa̱ꞌínkjatjosón ngo na̱ xi ku̱i̱ꞌé ngo ndí chjo̱on ko̱jo tsi ngo ndí xíꞌín.

Lebitiko̱ 12:8

Ta̱nga tsi kui naa̱ jmíjín to̱n xi kꞌo̱tsieni ngo cho̱tsa̱nga̱, ka̱má jó tójo ko̱jo tsi jó toṉña̱ sa̱ꞌínkꞌasꞌien. Kó chináꞌmii̱ ngo kui cho̱o̱ xi ku̱i̱ꞌítí nganda tsi̱ꞌe̱ Néná, kó xi ingoo̱, kjo̱a̱tjó tsi̱ꞌe̱ nga niꞌánjetakón jé sa̱ꞌín. Kó bo̱a̱ tsꞌén nga ka̱matsjie kui naa̱».

Xki̱ 6:10

Ngije jachó xi jin ni̱xtjii̱n, chjiéngá ko̱e̱je̱jo jó ndí toṉña̱ ko̱jo tsi jó ndií tójo, kó chináꞌmii̱ sa̱ꞌínkꞌasꞌiee̱n ki̱a̱ nínga bitjasꞌi̱e̱nnii̱ ndiꞌandikoón.

2 Xota̱ Korinto̱ 5:21

Kristoo̱ nde ngo jé kisꞌiejiín, nganda tsa̱ñá boá nga Néná xikoó tsi xota̱ jé katsꞌén, tsi̱ꞌe̱ nga ñá xota̱ kixi̱ ka̱ma ngindyi̱ko̱n Néná, ta̱ngatꞌanii̱ ni xi katsꞌén Kristoo̱.

Xota̱ Ebreo̱ 10:10

Néná jè katsꞌéntsjiená, ngatꞌa̱ Jesukristoo̱ katsꞌénkjatjosón ni xi kamámejeén Néná, kjiꞌanga ti̱ kuii̱ yojoo̱ katsꞌénkꞌasꞌien nga kiniꞌánkꞌién ta̱ ngo tsí ndi̱yà.

Xota̱ Ebreo̱ 10:12

Ta̱nga Kristoo̱ ta̱ ngo tsí ndi̱yà katsꞌénkꞌasꞌien yojoo̱ xikoó ngo kjo̱a̱tjó xi ta̱ kjiꞌání chjínií, ta̱ngatꞌanii̱ jeé xotaa̱, kósꞌe̱ ki̱a̱ kisꞌijña nga fojnií Néná.

Xota̱ Ebreo̱ 10:14

Ngo tsi kjo̱a̱tjó katsjá nga katsꞌén xi chjiéngá ka̱ma xota̱ tsjiee̱, ngatsjéni̱xtjin.

Xota̱ Ebreo̱ 7:26

Kjisoo̱ kuí boá kui chináꞌmi xi ꞌniú nkꞌa xaá xi machjiénná ñá: Kuí xí tsjie, kuí xí jmíjiín ni xi ndajín, kuí xí jmíjiín ni xi ndándí, kuí xí xín tikónnii̱ xota̱jeé, kuí xí ꞌniú niꞌándikón ki̱a̱ ndiꞌakꞌajmii̱,