Lebitiko̱ 14:7 - Xo̱jo̱n eén Néná

⁷ Ngije kamá kui nii̱, jiín kui cho̱o̱ yito ndi̱yà skjitjónjón kui xi oo̱n tsi̱ꞌe̱ nga ka̱matsjie, sꞌe̱ jaskan ngije bo̱a̱ ka̱tso̱ nga jè kamátsjie kui xi oo̱n, sa̱ꞌínkjíndé cho̱ xi ingoo̱.

Lebitiko̱ 14:7 ပူးပေါင်းရင်းမြစ်များ

Xo̱jo̱n Salmoo̱ 51:2

¡Taníjín ngase ji ni ndajín xi katsꞌen an, kó ti̱ꞌintsjiejín ji jéna!

Xo̱jo̱n Salmoo̱ 51:7

Isopo̱ ti̱ꞌinkjìn jí nga ti̱ꞌintsjiejínní, kó ka̱matsjiejón an, Taníjínní kó tsjie ngase ka̱ma an ta̱bo̱a̱jiín nchꞌaàn.

Lebitiko̱ 13:13

Chináꞌmii̱ skotsíjee̱n kui xi oo̱n, kó tsi kui chiꞌii̱n je katsoboaá ngayeje yojoo̱, kjiꞌá boá nga xota̱ xi tsjie ka̱tso̱o̱. Jè kamátsjie, ngatꞌa̱ kui nii̱ ta̱ ngo tsí chiꞌin xi tsoboaá tji̱xin yojoná boá.

Lebitiko̱ 13:17

Kó tsi kui chináꞌmii̱ sku̱i̱e̱ nga ki̱a̱ nínga katjo kui ṉdoo̱ je kamátiboa, chjiéngá bo̱a̱ katsó nga tsjie kui xi oo̱n.

Lebitiko̱ 14:51

kósꞌe̱ jaskan nga kjíbé kui chikjan yákoón, ko̱jo kui chꞌo̱ xka̱ isopoo̱, ko̱jo kui rixtó inií, ko̱jo kui cho̱ xi tikoón, kó ngatsꞌénkꞌándyi̱ni jiín ko̱jo ndáfoaa̱. Kósꞌe̱ kui ndáfoaa̱ yito ndi̱yà nga kjitjónjón kui ndiꞌaa̱,

Lebitiko̱ 16:14

»Jaskan ngije kamá kui nii̱, Aaroo̱n ngatsꞌénkꞌándyi̱ni xtín tsja, jiín ndí cho̱yojo chichií, kósꞌe̱ nga kjitjónjón nga ngo nga ngo nga̱ndee̱ tsꞌoa koxa̱a̱ kjo̱a̱ꞌbíndaa̱. Sꞌe̱ jaskan yito ndi̱yà nga kjitjónjón kje̱n tsꞌoa kui koxa̱a̱.

Lebitiko̱ 16:19

sꞌe̱ jaskan yito ndi̱yà nga kjitjónjón. Bo̱a̱ tsꞌén nga ka̱matsjie kui ṉchandikoón kjo̱a̱a̱ ni xi tsjiejiín xota̱ Israee̱l, kósꞌe̱ an si̱ꞌankꞌasꞌienna kui ṉchaa̱n ngijee̱.

Lebitiko̱ 4:17

Kó ki̱a̱ ngatsꞌénkꞌándyi̱ni xtín tsja kui jiín, kósꞌe̱ yito ndi̱yà nga kjitjón xtji̱e̱e̱n nínga tikón ńjño kortinaa̱ ngi̱ndie xi ꞌniú ndikoón.

Lebitiko̱ 8:11

Kó ti̱ indyiaá ṉchandikoón, ko̱jo ngayeje ni xi niꞌánkjién ki̱a̱a̱ nga, ko̱jo ni xi ki̱cha̱ bronsee̱ ko̱jo ngindiee̱ kui nii̱ nga. Tsi̱ꞌe̱ nga katsꞌénkꞌasꞌiee̱n Néná kuí ṉchandikoón, yito ndi̱yà iskjitjónjón isti̱.

Juaa̱ 19:34

Kó ngo nda̱juu̱n xi ngo ki̱cha̱yojó janijon ni̱se̱e̱n, kó tji̱e̱nmá jatjo jín ko̱jo ndáfoa.

Xota̱ Ebreo̱ 10:22

Kuíni chjiéngá nga ngayeje ini̱ma̱ná nga kongínchon tiñáa̱ Néná, nga kꞌuiéná ngo kjo̱a̱sꞌijin xi ja̱koxi̱, nga tsjie ka̱ma ini̱ma̱ná kjo̱a̱a̱ ni xi ndajínkjiꞌi xi tikoón kjo̱a̱kjíntakónná ko̱jo nga ko̱niéjón ñá yojoná ndáfoa xi tsjie.

Xota̱ Ebreo̱ 12:24

Tsangínchon tiñajnúu̱ Kjisoo̱, kui xi ngatꞌaa̱ kui nga Néná índa ngo kjo̱a̱ꞌbínda tja̱tsi̱e̱ kjo̱a̱a̱ kui jín xí iskjitjón nga kꞌien, kui xi chjí ngasenii̱ ngatꞌa̱ bokóná ni xi nda ngase, ta̱bo̱a̱jiín jiín Abee̱.

Xota̱ Ebreo̱ 9:13

Jiín cho̱yojo xi̱ꞌii̱n, ko̱jo jiín tindso̱ xi̱ꞌii̱n, ko̱jo ndisoo̱ cho̱yojo xi̱xi̱ ínchjín xi ꞌbítí ṉchandikoón, kui xi kachjatjónjón xota̱ xi ndándií, kisꞌiee̱ ngaꞌniú tsi̱ꞌe̱ nga katsꞌéntsjie yojoo̱ xotaa̱ ngindyi̱ko̱n Néná.

Xota̱ Ebreo̱ 9:19

Kó bi̱ katsꞌén Moisee̱ ngije katsóyaà kjo̱a̱botíxomaa̱ ngayeje xota̱ na̱xi̱ńdaá, iskjíbé ngo tsa̱nga̱ iní, ko̱jo ngo tjiaa̱ ngo yá xí ꞌmí isopo̱, kó katsꞌénkꞌandyi̱ni jiín cho̱yojo xi̱xi̱i̱, ko̱jo tsi̱ꞌe̱ tindso̱ xi̱ꞌin xi katsꞌénkꞌájinni ndáfoa, kó iskjitjónjón xo̱jo̱n kjo̱a̱kitii̱, ko̱jo ngayeje xota̱ na̱xi̱ńdaá.

Xota̱ Ebreo̱ 9:21

Kó Moisee̱ ti̱ bo̱a̱ ti̱ tsꞌén iskjitjónjón jín ndiꞌańjñoo̱, ko̱jo ngayeje ni xi niꞌánkjién nganiꞌántsjaá Néná ki̱a̱ na̱ngo̱xi̱i̱.

Xota̱ Ebreo̱ 9:26

Tsi bo̱a̱ kamá, Kristoo̱ achichíra̱ kjín ndi̱yà kꞌien, ndeskande koó nga kijítjatsꞌee̱n kui nga̱sondiee̱, ta̱nga ngotꞌe̱ ꞌne̱, ngije kjifetꞌaa̱ ni̱xtjii̱n, Kristoo̱ ta̱ ngo tsí ndi̱yà jeꞌe, nga ti̱ kuii̱ katsjá yojoo̱ nga kiniꞌánkꞌién tsi̱ꞌe̱ nga kjo̱a̱ꞌáxín jeé.

1 Xo̱jo̱o̱n Peé 1:2

Xikó tsꞌén índa Néná xí na̱ꞌminá nga kamámejeén jaꞌájinjnú jún, tsi̱ꞌe̱ nga xota̱ na̱xi̱ńdá xí tsi̱ꞌe̱ ka̱majnú. Kó nga ngatꞌaa̱ A̱si̱énni̱xtjii̱n, ko̱jo ngatꞌaa̱ nga kꞌien Jesukristoo̱ nga katsꞌéntsjiejónjnú ngayeje jéjnú, tsi̱ꞌe̱ nga ko̱nda̱ꞌyáꞌénjnú. Ngatama tsie kjo̱a̱nda ko̱jo kjo̱a̱xió xi tsja̱ajnú Néná.

1 Xo̱jo̱o̱n Juaa̱ 5:6

Ndáfoa ko̱jo jín akakoni Jesukristoo̱, kó jmí tsi ta̱ ndáfoa tsi, ndáfoa ko̱jo jín boá. Kó A̱si̱énni̱xtjii̱n Néná boá xi chistiko̱, ngatꞌa̱ ja̱koxi̱ boá kui A̱si̱énni̱xtjii̱n.