Lebitiko̱ 13:6 - Xo̱jo̱n eén Néná

⁶ Ngije jaꞌa xi yito ni̱xtjii̱n, ti̱ skotsíjen nginií, kó tsi ngiti̱ kamátsiejín ngase ki̱a̱ nínga tikón kui ṉdoo̱, tsi ta̱sá je kichajá, kui nii̱ ta̱ ngo tsí ṉdo xi katjoo̱ yojoo̱. Kósꞌe̱ kjiꞌá boá nga chináꞌmii̱, bo̱a̱ ka̱tso̱ nga tsjie kuí xi oo̱n, kó kui xi oo̱n ko̱nié ńjñoo̱, kósꞌe̱ je ka̱matsjie.

Lebitiko̱ 13:6 ပူးပေါင်းရင်းမြစ်များ

Xo̱jo̱n Salmoo̱ 19:12

ꞌYá xí ka̱maa̱ nga ti̱ kuii̱ sku̱i̱e̱ soboá ni xi ndajín xi tsꞌén. ¡Ti̱ꞌinjetakínní ji Ne, kjo̱a̱a̱ kui jé xí bejín an nga tsꞌen an!

Énkjínkón 20:9

Nde ngojín xota̱ xi ka̱ma bo̱a̱ ka̱tso̱ nga je katsꞌéntsjie ini̱ma̱a̱ ko̱jo nga jmíjéjiín.

Eklesiastee̱ 7:20

Ta̱nga nga ja̱koxi̱, jmíjín kui nga̱sondiee̱ ngo xota̱ xi kixi̱, xi sa̱ꞌín ni xi ndaa̱, ko̱jo xi jmíni̱xtjin sa̱ꞌínjé.

Lebitiko̱ 11:40

Tsi tjín xí skji̱ni̱e̱ yojoo̱ kui cho̱o̱, tsjiejín ka̱ma ngaskande nga ka̱majñoó, kó chjiéngá ko̱nié ńjñoo̱. Tsi tjín xí skjinínkꞌá yojoo̱ kui cho̱ xi je kꞌiee̱n, tsjiejín ka̱ma ngaskande nga ka̱majñoó, kó chjiéngá ko̱nié ńjñoo̱ nga.

Lebitiko̱ 13:2

«Kjiꞌanga ngo xi kamáske ngo ndiè tji̱xin yojoo̱, ko̱jo tsi ṉdoꞌon katjoo̱, ko̱jo tsi kamátsjie tji̱xin yojoo̱, chjiéngá ngindyi̱ko̱n ngo kui já chináꞌmii̱ ko̱e̱je̱.

Lebitiko̱ 13:5

kó xi ma yito ni̱xtjin ingo ndi̱yà skotsíjen nginií. Tsi to̱kó bo̱a̱ kjiꞌi ki̱a̱ nínga tikón kui ṉdoo̱, kó tsi kjimatsiejín ngase kui nii̱, to̱kó ku̱i̱ꞌíjñátꞌaxínra kui xi oo̱n ngi yito ni̱xtjin ngase.

Lebitiko̱ 13:7

»Tsi ngije askotsijee̱n kui xi oo̱n, kó tsi je kamátsjie kiꞌmií, ta̱nga tsi kui ṉdo xi tjitjoó yojoo̱ kjimatsie ngase, chjiéngá ti̱ ko̱e̱je̱kon nginií chináꞌmii̱.

Lebitiko̱ 14:8

»Jaskan kui xi oo̱n ko̱nié ńjñoo̱, sꞌe̱ ko̱ngóyá, kó ku̱i̱ꞌíjoón ngayeje yojoo̱. Bo̱a̱ tsꞌén nga je ka̱matsjie, kó je ka̱ma kꞌo̱sꞌien nginí nínga síndo ndiꞌaa̱ xotaa̱, ndatsi chjiéngá ngi yito ni̱xtjin kꞌuijñá ndi̱tsee̱n ndiꞌa nínga ꞌbíjñá.

Xota̱ Roma̱ 14:1

Kó ti̱ꞌanjo̱ꞌojnú kui xota̱ xi kji̱e̱ tajájín síndojin nii̱ Néná, ta̱nga ngata̱ ndokjo̱a̱tijo̱jínjnú kjo̱a̱a̱ xikótsꞌèn bee̱ko̱n.

2 Xota̱ Korinto̱ 7:1

Jún xota̱ xi tjóna, ñá tsa̱ñá ni xi katsóyàtjón Néná nga tsja̱á xota̱ xi tsi̱ꞌe̱. Kuíni nga tsjietsꞌén ku̱i̱ndyión ngindyi̱ko̱n Néná, nga xín kꞌuijñá ni xi tsꞌénndándí yojoná, ko̱jo ini̱ma̱ná. Si̱ꞌando̱jò kjin kjin kui kjo̱a̱tsjiee̱ nga xcha̱ndikón Néná.

Ndeuteronomio̱ 32:5

»Jún xota̱ Israee̱l, Néná boá xi katsꞌéndajnú, kuí boá xi xikoó tsi na̱ꞌmijnú. Ta̱nga jún ndajínjnú xota̱, kó chꞌo kiꞌmíjnúu̱. Kitikjo̱a̱ ko̱jo chi̱ni je kamájnú, kó nde tsoboájínjnú nga ndií kui ka̱majnú. ¡Xota̱ xi nde tsjájiín ndokꞌóchji̱ì boá jún!

Xota̱ Ebreo̱ 10:22

Kuíni chjiéngá nga ngayeje ini̱ma̱ná nga kongínchon tiñáa̱ Néná, nga kꞌuiéná ngo kjo̱a̱sꞌijin xi ja̱koxi̱, nga tsjie ka̱ma ini̱ma̱ná kjo̱a̱a̱ ni xi ndajínkjiꞌi xi tikoón kjo̱a̱kjíntakónná ko̱jo nga ko̱niéjón ñá yojoná ndáfoa xi tsjie.

Xota̱ Ebreo̱ 9:10

Kui kjo̱a̱botíxomaa̱ kjo̱a̱a̱ nichiniee̱, ni ꞌyoó ko̱jo xikótsꞌèn tsꞌéntsjie yojoo̱ xotaa̱ ngindyi̱ko̱n Néná tsí bo̱a̱, kui kjo̱a̱botíxomaa̱ chjírií ta̱nga ngaskande tsí nga Néná ko̱síkjo nii̱.

Xo̱jo̱o̱n Sandiyaá 3:2

Ngayeje ñá niꞌán ni xi bo̱a̱jín kjiꞌi, ta̱nga tsi ngo nda̱ xi chiíjín ku̱i̱chji̱a̱ ngo én xí ndajínkjiꞌi, kuí boá xi̱ꞌba̱ xi je kamá xi chjiéngá ka̱ma, kó ka̱maa̱ nga nda ku̱i̱ꞌíꞌniuú nga kjo̱jo ngayeje yojoo̱.