Lebitiko̱ 13:2 - Xo̱jo̱n eén Néná

² «Kjiꞌanga ngo xi kamáske ngo ndiè tji̱xin yojoo̱, ko̱jo tsi ṉdoꞌon katjoo̱, ko̱jo tsi kamátsjie tji̱xin yojoo̱, chjiéngá ngindyi̱ko̱n ngo kui já chináꞌmii̱ ko̱e̱je̱.

Lebitiko̱ 13:2 ပူးပေါင်းရင်းမြစ်များ

Lebitiko̱ 13:1

Néná tsíchji̱a̱jo Moisee̱ ko̱jo Aaroo̱n nga bi̱ katsoó:

Lebitiko̱ 13:3

Chináꞌmii̱ skotsíjee̱n tji̱xin yojoo̱, kó tsi kjima tiboa tsja̱ xi tjiín ki̱a̱ nínga katjo kui ṉdoo̱, kó tsi kjifísꞌienya ki̱a̱ nínga katjo kui ṉdoo̱, tsi bo̱a̱ kjiꞌi, chiꞌin xi tsꞌénkjátsón tji̱xin yojoná boá xi tjiín, kuíni nga kui xi oo̱n chjiéngá tsjiejín ka̱ma.

Lebitiko̱ 13:8

Tsi ngije askotsijee̱n chináꞌmii̱ kui xi oo̱n, kó tsi kamábe nga je ngayeje tji̱xin yojoo̱ je katjoo̱ ṉdo, chjiéngá tsjiejín ka̱tso̱o̱ kui chináꞌmii̱, ngatꞌa̱ chiꞌin xi tsꞌénkjátsón tji̱xin yojoná xi koo̱n.

Lebitiko̱ 14:3

Kui chináꞌmii̱ ndi̱tsee̱n nínga síndo ndiꞌaa̱ xotaa̱ ki̱a̱ skotsíjee̱n kui xi oo̱n. Tsi je kamándaya, chináꞌmii̱ ku̱i̱ꞌa jó cho̱ xi tjiín tsja̱nga̱, ko̱jo ngo chikjan yákón, ko̱jo rixtó xi iní, ko̱jo ngo chꞌo̱ xka̱ isopo̱.

Lebitiko̱ 14:35

Kjiꞌanga bo̱a̱ ka̱ma, kui xi tsi̱ꞌe̱ ndiꞌaa̱ ngatjítsáyaá chináꞌmii̱, kó bi̱ nga tsoó: “Ta̱ yà jàn mí ni xi kjifotjoo̱ xoó ndiꞌana”.

Xki̱ 12:10

Kó ngije xín kijíboaꞌá kui ṉdi̱i̱ ki̱a̱ nínga tikón ndiꞌandikoón, na̱ Riyaa̱ chiꞌin xi tsꞌénkjátsón tji̱xin yojoná katsoboaá. ¡Kó tji̱xin yojoo̱ tiboa xó xó kamá! Nga kamábe Aaroo̱n nga bo̱a̱ kjiꞌi na̱ Riyaa̱,

Xki̱ 12:12

Tji̱xin yojoo̱ na̱ Riyaa̱ je jatson yeje, bo̱a̱ má kamaá xikó maá tji̱xin yojoo̱ ngo ndí kꞌien xi katsen xtió. ¡Ngo kjo̱a̱nda míꞌaá, chji̱e̱ꞌèe̱ Néná nga sa̱ꞌíndaya!»

Matioo̱ 8:4

Kó Kjisoo̱, bi̱ katsoó: –Jéꞌe̱n, ngata̱ ꞌyàjín xi ꞌmíyée̱ kui nii̱, ta̱sá tꞌenchíi̱n chináꞌmii̱, kó te̱ꞌé ji ngo chji̱e̱ xikó kjiꞌi xi si̱ꞌankꞌasꞌien xi katsó Moisee̱ nga atíxoma, tsi̱ꞌe̱ nga sku̱i̱e̱ kui jaá nga je kamándaya ji.

Markoo̱ 1:44

–Jéꞌe̱n, ngata̱ ꞌyàjín xi ꞌmíyée̱ kui nii̱, ta̱sá tꞌenchíi̱n chináꞌmii̱, kó takèe̱ yojòo̱, sꞌe̱ te̱ꞌé ji ngo chji̱e̱ xikó kjiꞌi xi si̱ꞌankꞌasꞌien xi katsó kjo̱a̱kitii̱ Moisee̱, tsi̱ꞌe̱ nga sku̱i̱e̱ kui jaá nga je kamándaya ji.

Rkaa̱ 17:14

Nga kamábe Kjisoo̱ kui jaá, bi̱ katsoó: –Tangínjnú, kó takójnúu̱ yojojnú chináꞌmii̱. Kó tji̱e̱nga ndyi̱fí ngi̱ya ndi̱ya̱à, kamátsjiejón nga katjoꞌóxiín chiꞌii̱n.

Rkaa̱ 5:14

Kó Kjisoo̱ ꞌniú tsíꞌáa̱, nga bi̱ katsoó: –Ngata̱ ꞌyàjín xi ꞌmíyée̱, ta̱sá tꞌenchíi̱n chináꞌmii̱, kó takèe̱ yojòo̱, kó te̱ꞌé ji ngo chji̱e̱ nga je kamátsjiejón ji, xikó katsó Moisee̱ nga atíxoma, tsi̱ꞌe̱ nga sku̱i̱e̱ kui jaá nga je kamándaya ji.

Ndeuteronomio̱ 24:8

»Tsi tjín jún xi ngo chiꞌin kꞌuieé tji̱xin yojoo̱, chjiéngá ngatjíkoón chináꞌmii̱. Kui jaá jè be ni xi sa̱ꞌín kjo̱a̱a̱ kui nii̱, kuíni nga jún chjiéngá ki̱a̱ kongintjingíjnú ni xi ko̱tíxomájnú.

Ndeuteronomio̱ 28:27

»Néná achichí chiꞌin xi ꞌniú, xi mandayajín xi sa̱ngíyájnú nga ko̱tíjéjnú, kó sꞌi̱kitsie maá yojojnú ni toꞌo xi tsꞌenkꞌiénná, ko̱jo tjiá, ko̱jo tjiejón ka̱majnú. Kó ti̱ kꞌuieé ṉdo xi on tji̱xin yojojnú, xikoó xi jatjoo̱ xota̱ Ejiptoo̱.