Lebitiko̱ 12:8 - Xo̱jo̱n eén Néná

⁸ Ta̱nga tsi kui naa̱ jmíjín to̱n xi kꞌo̱tsieni ngo cho̱tsa̱nga̱, ka̱má jó tójo ko̱jo tsi jó toṉña̱ sa̱ꞌínkꞌasꞌien. Kó chináꞌmii̱ ngo kui cho̱o̱ xi ku̱i̱ꞌítí nganda tsi̱ꞌe̱ Néná, kó xi ingoo̱, kjo̱a̱tjó tsi̱ꞌe̱ nga niꞌánjetakón jé sa̱ꞌín. Kó bo̱a̱ tsꞌén nga ka̱matsjie kui naa̱».

Lebitiko̱ 12:8 ပူးပေါင်းရင်းမြစ်များ

Lebitiko̱ 1:14

»Kó tsi tjín xí sa̱ꞌínkꞌasꞌienna ngo kjo̱a̱tjó xi cho̱ xi tjiín tsja̱nga̱, chjiéngá tójo ko̱jo tsi ndií toṉña̱ xi sa̱ꞌínkjién.

Lebitiko̱ 13:1

Néná tsíchji̱a̱jo Moisee̱ ko̱jo Aaroo̱n nga bi̱ katsoó:

Lebitiko̱ 14:21

»Tsi kui xi ka̱matsjiee̱ ni̱ma̱ nga jmí to̱njiín, tsi̱ꞌe̱ nga ka̱matsjie ka̱má sa̱ꞌínkꞌasꞌien ngo tsí cho̱tsa̱nga̱, jó kilo̱ ndso̱ko̱a̱n ṉño̱pan, ko̱jo ngo kuarto̱ litro̱ isti̱.

Lebitiko̱ 14:22

Kó ti̱ ka̱ma sa̱ꞌínkꞌasꞌien tsi ka̱maa̱ jó tójo ko̱jo tsi jó toṉña̱, ngo kui cho̱o̱ tsi̱ꞌe̱ nga si̱ꞌanjetakoón jeé, sꞌe̱ xi ingoo̱ tsi̱ꞌe̱ nga kꞌuití nganda tsa̱ꞌa̱n.

Lebitiko̱ 15:14

Xi ma jin ni̱xtjin chjiéngá ko̱e̱je̱ nínga bitjasꞌi̱e̱nnii̱ ndiꞌandikoón ki̱a̱ ngindyi̱ko̱n Néná. Kó ngatjíjo̱ jó tójo ko̱jo tsi jó toṉña̱ xi ngatsꞌénkꞌásꞌieén chináꞌmii̱.

Lebitiko̱ 15:15

Kósꞌe̱ chináꞌmii̱ nga kjíbé kuí cho̱o̱, kó ngo nga tsꞌenkꞌásꞌién kjo̱a̱tjó tsi̱ꞌe̱ nga sa̱ꞌinjetakóo̱n jeé, kó xi ingoo̱ nganda tsa̱ꞌa̱n ngatꞌítí. Kó bo̱a̱ tsí tsꞌén nga kui xi tjiín kui chiꞌii̱n, xota̱ xi je kamátsjie kꞌuiín.

Lebitiko̱ 15:29

Xi ma jin ni̱xtjii̱n, nga kjíbé jó tójo ko̱jo tsi jó toṉña̱, ngatjíjo̱ kó ngatsꞌénkꞌásꞌieén chináꞌmii̱ ki̱a̱ nínga bitjasꞌi̱e̱nnii̱ ndiꞌandikoón.

Lebitiko̱ 4:26

Jaskan ngatꞌítí ngayeje xinieé kui cho̱o̱, xikó niꞌaán nga niꞌánkꞌasꞌien ngo kjo̱a̱tjó kjo̱a̱a̱ nga chjiáꞌá nga nda ko̱jo nga tsjatsꞌèn mindyión. Kó bo̱a̱ tsꞌén nga chináꞌmii̱ boá xi sa̱ꞌínkꞌasꞌien kui kjo̱a̱tjoó kjo̱a̱a̱ kui xota̱ xi katsꞌénjeé, kó án sa̱ꞌinjetakóo̱n jeé.

Lebitiko̱ 5:11

»Tsi kui xi katsꞌénjeé jmíjiín to̱n nga kꞌo̱tsieni jó tójo ko̱jo tsi jó toṉña̱, ka̱ma jó kilo̱ ndso̱ko̱a̱n ṉño̱pan xi nda sa̱ꞌínkꞌasꞌienna tsi̱ꞌe̱ nga sa̱ꞌinjetakóo̱n jeé. Kó chináꞌmii̱ ngatjíjoo̱, kó kui chináꞌmii̱ skjíbé ngo tji̱ngo̱ kui ndso̱ko̱a̱n ṉño̱paa̱n, kó ki̱a̱ ku̱i̱ꞌítí nga̱soón ṉchandikoón. Kó bo̱a̱ tsꞌén nga jún kjo̱a̱ꞌátsjienjnú nga án boá xi tsjajnúꞌun ngayeje nii̱. Kuí boá kui nii̱ xi ngo kjo̱a̱tjó xi niꞌánkꞌasꞌien kjo̱a̱a̱ nga niꞌánjetakón jé, kó nga jmí isti̱ ko̱jo nga jmí nisije̱n mindyiajínjnúu̱.

Lebitiko̱ 5:7

»Tsi xi katsꞌénjeé jmíjiín to̱n xi kꞌo̱tsieni ngo ndí tindso̱ chjo̱on, chjiéngá jó tójo ko̱jo tsi jó toṉña̱ xi ngatsꞌénkꞌásꞌiénna. Chináꞌmii̱ ngatjíjoo̱ nga jó kui cho̱o̱, kó chináꞌmii̱ ngo kui cho̱o̱ xi sa̱ꞌínkꞌasꞌienna tsi̱ꞌe̱ nga sa̱ꞌinjetakóo̱n jeé, kó xi ingo kui cho̱o̱ nganda tsa̱ꞌa̱n ngatꞌítí. Cho̱ xi tjoón nga kjítꞌósén, ta̱nga nga ꞌboxiékjojín to̱ko̱,

Matioo̱ 21:12

Kó nga jachó Kjisoo̱ ndi̱tsen na̱ngo̱xi̱i̱ Néná tsangatji̱ngii̱ ngayeje xota̱ xi ndyi̱botiñá ko̱jo xi ndyi̱ꞌbotsie ni, kó tsꞌajmitójó yámíxa̱a̱ xota̱ xi ndyi̱bosíkjo to̱n, ko̱jo tsꞌajmitójó yáxíríee̱ xota̱ xi ndyi̱botiñá tójoo̱,

2 Xota̱ Korinto̱ 8:9

Ngatꞌa̱ jè yàjnú kjo̱a̱nda xi akóná Ndi̱a̱ná Jesukristoo̱, ngatꞌa̱ ta̱ngatꞌanii̱ nga tjoó jún nga ni̱ma̱ kamá kuí, ndatsi cho̱n boá. Tsi̱ꞌe̱ nga kui kjo̱a̱ni̱ma̱ xi kisꞌiee̱ kui, kamácho̱nnijnú jún.