Lebitiko̱ 12:6 - Xo̱jo̱n eén Néná

^6-7 »Ngije jatjosón ni̱xtjin nga katsꞌéntsjie yojoo̱ kui na̱ xi yeꞌé kui ndií, tsi chjo̱on ko̱jo tsi xi̱ꞌin, chjiéngá ko̱e̱je̱ nínga bitjasꞌi̱e̱nni ndiꞌandikoón. Kó ki̱a̱ sa̱ꞌínkꞌasꞌiee̱n chináꞌmii̱ ngo cho̱tsa̱nga̱ xi sꞌe̱ tsí ngo noó, ko̱jo tsi jó tójo, ko̱jo tsi jó toṉña̱. Kósꞌe̱ kui chináꞌmii̱ ku̱i̱ꞌítí kui cho̱tsa̱nga̱a̱ nganda tsi̱ꞌe̱ Néná, kó sa̱ꞌínkꞌasꞌiee̱n Néná kui tójoo̱ ko̱jo tsi kui toṉñaa̱, tsi̱ꞌe̱ nga si̱ꞌanjetakón jeé, kó bo̱a̱ tsꞌén nga na̱aa̱n kui ndií je kamátsjie. »Kuí bí kui kjo̱a̱kitii̱ xi chjiéngá sa̱ꞌínkjatjosón ngo na̱ xi ku̱i̱ꞌé ngo ndí chjo̱on ko̱jo tsi ngo ndí xíꞌín.

Lebitiko̱ 12:6 ပူးပေါင်းရင်းမြစ်များ

Jenesii̱s 15:9

Sꞌe̱ Néná bi̱ katsoó: —Ndibéje̱ní ngo ndí cho̱yojo chjo̱on, ko̱jo ngo tindso̱ chjo̱on xi ján noó, ko̱jo ngo cho̱tsa̱nga̱ xi jaꞌatji ndi̱ja̱a̱ xi ján noó, ko̱jo ngo toṉñaa̱ ko̱jo ngo tójo.

Lebitiko̱ 12:2

tsi̱ꞌe̱ nga sa̱ꞌínkꞌasꞌiee̱n xota̱ Israee̱l kui kjo̱a̱botíxomaa̱: «Kjiꞌanga ngo na̱ xi ku̱i̱ꞌé ngo ndí xíꞌín, chjiéngá tsjiejín ka̱ma yito ni̱xtjin, xikó maá kjiꞌanga kjimaa̱ saá.

Lebitiko̱ 12:5

»Tsi ndí chjo̱on xi yeꞌé kui naa̱, chjiéngá tsjiejín ka̱ma jó xomana̱, xikoó kjiꞌanga kjimaa̱ saá, kó chjiéngá sa̱ꞌíntsjiera yojoo̱ ngi ichítié ko̱jo tjiꞌún ngo ni̱xtjin ngase.

Lebitiko̱ 14:22

Kó ti̱ ka̱ma sa̱ꞌínkꞌasꞌien tsi ka̱maa̱ jó tójo ko̱jo tsi jó toṉña̱, ngo kui cho̱o̱ tsi̱ꞌe̱ nga si̱ꞌanjetakoón jeé, sꞌe̱ xi ingoo̱ tsi̱ꞌe̱ nga kꞌuití nganda tsa̱ꞌa̱n.

Lebitiko̱ 15:14

Xi ma jin ni̱xtjin chjiéngá ko̱e̱je̱ nínga bitjasꞌi̱e̱nnii̱ ndiꞌandikoón ki̱a̱ ngindyi̱ko̱n Néná. Kó ngatjíjo̱ jó tójo ko̱jo tsi jó toṉña̱ xi ngatsꞌénkꞌásꞌieén chináꞌmii̱.

Lebitiko̱ 15:29

Xi ma jin ni̱xtjii̱n, nga kjíbé jó tójo ko̱jo tsi jó toṉña̱, ngatjíjo̱ kó ngatsꞌénkꞌásꞌieén chináꞌmii̱ ki̱a̱ nínga bitjasꞌi̱e̱nnii̱ ndiꞌandikoón.

Xki̱ 6:10

Ngije jachó xi jin ni̱xtjii̱n, chjiéngá ko̱e̱je̱jo jó ndí toṉña̱ ko̱jo tsi jó ndií tójo, kó chináꞌmii̱ sa̱ꞌínkꞌasꞌiee̱n ki̱a̱ nínga bitjasꞌi̱e̱nnii̱ ndiꞌandikoón.

Rkaa̱ 2:22

Kó ngije jatjosón ni̱xtjin nga katsꞌéntsjie yojoo̱ ngindyi̱ko̱n Néná, xikótsꞌèn íjñá kjo̱a̱kitii̱ Moisee̱, na̱ꞌmii̱ ko̱jo na̱aa̱n kui ndií, kijíjo̱ na̱xi̱ńdáꞌniú Jerusale̱n, tsi̱ꞌe̱ nga kijíkakoó Néná,

Juaa̱ 1:29

Nga kamángindyiojón Juaa̱ kamábe nga Kjisoo̱ tsꞌéndibákón tiñaa̱, kó bi̱ katsó: –Kꞌi̱e̱ tikón kꞌi̱e̱e̱ ndí cho̱tsa̱nga̱a̱ Néná, xi foaꞌáxín jeé xotaa̱ kui nga̱sondiee̱.

2 Xota̱ Korinto̱ 5:21

Kristoo̱ nde ngo jé kisꞌiejiín, nganda tsa̱ñá boá nga Néná xikoó tsi xota̱ jé katsꞌén, tsi̱ꞌe̱ nga ñá xota̱ kixi̱ ka̱ma ngindyi̱ko̱n Néná, ta̱ngatꞌanii̱ ni xi katsꞌén Kristoo̱.

Xota̱ Ebreo̱ 7:26

Kjisoo̱ kuí boá kui chináꞌmi xi ꞌniú nkꞌa xaá xi machjiénná ñá: Kuí xí tsjie, kuí xí jmíjiín ni xi ndajín, kuí xí jmíjiín ni xi ndándí, kuí xí xín tikónnii̱ xota̱jeé, kuí xí ꞌniú niꞌándikón ki̱a̱ ndiꞌakꞌajmii̱,