Lebitiko̱ 11:43 - Xo̱jo̱n eén Néná

^43-45 Tsjie tindyiónjnú, kó ngata̱ niꞌánndándíjínjnú yojojnú xikoó kui cho̱o̱. Án boá Nee̱ xota̱ Israee̱l, kó án boá ngo Ne xi kje̱ꞌe. Án boá xi tsꞌaxiéjnúꞌun nangi Ejipto̱, tsi̱ꞌe̱ nga an xi ka̱ma an Nejnú. Ka̱májín bo̱a̱ kon ka̱majnú xikoó xota̱ xi kje̱ꞌe nangi, ngatꞌa̱ an bo̱a̱jín kon an xi kókón ne xi kje̱ꞌe.

Lebitiko̱ 11:43 ပူးပေါင်းရင်းမြစ်များ

Jenesii̱s 1:20

Kósꞌe̱ bi̱ katsó Néná: «Mejénna nga ngi̱jin ndáchíkoón ngasꞌikitsie ngayeje to̱ko̱ya xi síndo. Mejénna nga kꞌuié cho̱ xi fítji̱e̱n nga̱són nga̱sondiee̱, kó ngatꞌítso̱ma xikó kjiꞌi nga tiyá nkꞌa jàn».

Jenesii̱s 7:21

Úchán ichítié ni̱xtjin tsꞌandíyaá nga jaꞌajen ndáfoaa̱. Kó bo̱a̱ tsꞌén jesón ngayeje xotaa̱, xi chjo̱on xí xi̱ꞌin. Kó ti̱ jesón ngayeje cho̱ xi ma ꞌbítji̱e̱, ko̱jo cho̱ kꞌijñá, ko̱jo cho̱ xi tjiín tsja̱nga̱, ko̱jo cho̱ xi ꞌbifé yojoo̱ nga̱són tꞌanangii̱ ko̱jo ndí cho̱ xi ꞌniú xi̱xi̱i̱. Jesón ngayeje xi síndo xi tjín nga̱sondiee̱. Ta̱kuítsí Noee̱ ko̱jo xota̱ xi nijan kisꞌińdojo̱ ngi̱ya tjotso xi ta̱nisién ꞌniú jee̱ xi kisꞌińdo ngase nga̱sondie.

Lebitiko̱ 20:25

»Án boá xi Nee̱ xota̱ Israee̱l. Án boá xi indotꞌaxínjnúꞌun nínga síndo xota̱ na̱xi̱ńdá xí ngasee̱, tsi̱ꞌe̱ nga jún xi ka̱majnú xota̱ na̱xi̱ńdána. Kuíni nga jún chjiéngá xcha̱ cha̱n cha̱njnú ñá cho̱ xi tsjie ko̱jo xi tsjiejín, kó nga ka̱májín si̱ꞌanjo̱jnú cho̱ xi tsjiejín, tsi̱ꞌe̱ nga ko̱jo júnjín tsjiejín ka̱majnú. Chjiéngá xota̱ xi bo̱a̱jín kón ka̱majnú. Ngatꞌa̱ án boá xi Nee̱ xota̱ Israee̱l, kó bo̱a̱jín kón an, xikoó ne xi ngasee̱.