Lebitiko̱ 11:24 - Xo̱jo̱n eén Néná

^24-25 Tsi tjín xí sa̱ꞌínjo̱ yojo kꞌiee̱n ngo kui cho̱o̱ xi je jesón, tsjiejín ka̱ma xi bo̱a̱ katsꞌeén ngaskande nga ka̱majñoó, kó chjiéngá ko̱nié ńjñoo̱ ngijee̱.

Lebitiko̱ 11:24 ပူးပေါင်းရင်းမြစ်များ

Lebitiko̱ 11:23

Ta̱ꞌya cho̱ xi̱xi̱ní xi tjiín nga̱ ko̱jo nijón sé, chjiéngá cho̱ xi tsjiejín kꞌuínjnúu̱.

Lebitiko̱ 11:31

Tsi tjín xí sa̱ꞌínjo̱ ko̱jo tsi skjíbé yojo kꞌiee̱n kui cho̱o̱, tsjiejín ka̱ma ngaskande nga ka̱majñoó.

Lebitiko̱ 14:46

»Tsi tjín xí kꞌo̱sꞌien kui ndiꞌaa̱ tji̱e̱nga kisichjá, chjiéngá tsjiejín ka̱ma ngaskande nga ka̱majñoó.

Lebitiko̱ 15:10

Tsi tjín xí sa̱ꞌínjo̱ ngo ni xi katsꞌénkjién kui nda̱ xi tjiín kui chiꞌii̱n, tsjiejín ka̱ma ngaskande nga ka̱majñoó, kó chjiéngá ko̱nié ńjñoo̱ ko̱jo ngatangóyá.

Lebitiko̱ 15:11

Ti̱ kui nii̱ xi sa̱ꞌín tsi ngo nda̱ katsꞌénjo̱ kui nda̱a̱, tsi aniéjónjín tsja.

Lebitiko̱ 15:15

Kósꞌe̱ chináꞌmii̱ nga kjíbé kuí cho̱o̱, kó ngo nga tsꞌenkꞌásꞌién kjo̱a̱tjó tsi̱ꞌe̱ nga sa̱ꞌinjetakóo̱n jeé, kó xi ingoo̱ nganda tsa̱ꞌa̱n ngatꞌítí. Kó bo̱a̱ tsí tsꞌén nga kui xi tjiín kui chiꞌii̱n, xota̱ xi je kamátsjie kꞌuiín.

Lebitiko̱ 15:27

Ngayeje xota̱ xi sa̱ꞌínjo̱ kui ni xi katsꞌénkjién kuí naa̱, ti̱ chjiéngá tsjiejín ka̱ma kui nga, ngaskande nga ka̱majñoó, kó chjiéngá ko̱nié ńjñoo̱ ko̱jo ngatangóyá.

Lebitiko̱ 15:8

»Tsi kui nda̱ xi tjiín kui chiꞌii̱n, ko̱títiajón ngo nda̱ xi tsjie, kui xi akatítiajoón tsjiejín ka̱ma ngaskande nga ka̱majñoó, kó chjiéngá ko̱nié ńjñoo̱ ko̱jo ngatangóyá.

Lebitiko̱ 16:26

»Kui xi kjo̱jo tindsoo̱ ki̱a̱ nangi kixií, chjiéngá ko̱nié ńjñoo̱, ko̱jo ngatangóyá ngindiee̱ nga kꞌo̱sꞌien nginí nínga síndo ndiꞌaa̱ xotaa̱.

Lebitiko̱ 16:28

Kui xi ku̱i̱ꞌítí kui nii̱, chjiéngá ko̱nié ńjñoo̱, ko̱jo ngatangóyá ngindiee̱ nga kꞌo̱sꞌien nginí nínga síndo ndiꞌaa̱ xotaa̱.

Lebitiko̱ 22:4

»Tsi ngo chináꞌmii̱ xi tjiín ngo chiꞌin tji̱xin yojoo̱, ko̱jo tsi yojo ndikoón, ka̱májín skji̱ni̱e̱ kjo̱a̱tjó xi ꞌniú ndikón xi an kiniꞌánkꞌasꞌienna, ngaskande tsí ngije katsꞌéntsjie yojoo̱. »Ngojín chináꞌmii̱ xi ka̱ma sa̱ꞌínjo̱ ngo ni xi kisitꞌaa̱ ngo ini̱ma̱, ti̱nde ka̱májín sa̱ꞌínjo̱ ngo nda̱ xi chiꞌin tjiín yojo ndikoón. Ti̱nde ka̱májín sa̱ꞌínjo̱ ngo cho̱ xi ꞌbifé yojoo̱ nga̱són tꞌanangii̱, ko̱jo tsi ngo nda̱ xi je kiꞌmíyà nga tsjiejín. Tsi bo̱a̱ sa̱ꞌín, tsjiejín ka̱ma ngaskande nga ka̱majñoó, kó ka̱májín skji̱ni̱e̱ ni xi niꞌánkꞌasꞌienna nga kjo̱a̱tjó xi ꞌniú ndikón, tsi tjónjín ko̱ngóyá.

Lebitiko̱ 7:21

»Tsi tjín xí sa̱ꞌínjo̱ ngo ni xi tsjiejín tjíꞌmií, kó ti̱ kuí xí skji̱ni̱e̱ni yojo xi je kiniꞌánkꞌasꞌienna kjo̱a̱tjó nga kichjiáꞌá kjo̱a̱a̱ nga nda ko̱jo nga tsjatsꞌèn kꞌuijñá ngo xota̱, chjiéngá ku̱i̱yòtjíngií kui na̱xi̱ńdaá kui xi bo̱a̱ katsꞌeén».

Xki̱ 19:7

»Kó nga kui chináꞌmii̱ je ngiti̱ tsjiejín kamá, chjiéngá ko̱nié ńjñoo̱ ko̱jo ngatangóyá, kó ka̱májín kꞌo̱sꞌien nínga síndo ndiꞌaa̱ xotaa̱ ngaskande nga ka̱mangixoón. Ngije kjima ꞌña̱a̱ jè ka̱ma ko̱e̱je̱ nginí, kó chjiéngá ti̱ bo̱a̱ ti̱ sa̱ꞌín kui nda̱ xi ítí cho̱yojoo̱ nga.

1 Xota̱ Korinto̱ 15:33

Ngata̱ boeꞌéndièjínjnú nga tjín xí kꞌo̱ṉcha̱jojnú, xikó tsó kui eén “xota̱ xi ꞌbítso̱majo̱ xota̱ xi ndajín, ti̱ ndajín má ndatsi kui nga”

2 Xota̱ Korinto̱ 6:17

Kó kuíni nga bi̱ katsó ngase Néná: Tji̱taxínjinjnú ngamasiee̱n kui xotaa̱, kó tji̱taxínboaꞌájnú, tsó Ndi̱a̱ná. Ngata̱chiíjín niꞌánjo̱jnú ni xi ndándí ngindyikón an. Kó án skjíbéjnúꞌun.

Xota̱ Éfeso̱ 5:11

Kó ngata̱ ki̱a̱jín niꞌánkamajo̱jnú kui xota̱ xi ndyi̱tsꞌèn ni xi jmí ni chjíjiín xi tjimá nínga jñoó, ta̱sá takójnúu̱ nga ndajínkjiꞌi ni xi ndyi̱tsꞌèn.

Xota̱ Kolosa̱ 2:20

Tsi jún je nijan kꞌienjnú ko̱jo Kristoo̱, jè kamándéjnú kjo̱a̱a̱ kui nii̱ a̱siénni̱xtjin xi botixómaá nga̱sondiee̱, kó míkjo̱a̱a̱ nga ta̱kó bo̱a̱ tsꞌén tindyiónjnú xikoó tsi kui nga̱sondiee̱ botixómájnú. Ánní nga ndyi̱niꞌánsénjnúu̱ kjo̱a̱botíxoma xi tsó xotaa̱.

Xota̱ Ebreo̱ 9:26

Tsi bo̱a̱ kamá, Kristoo̱ achichíra̱ kjín ndi̱yà kꞌien, ndeskande koó nga kijítjatsꞌee̱n kui nga̱sondiee̱, ta̱nga ngotꞌe̱ ꞌne̱, ngije kjifetꞌaa̱ ni̱xtjii̱n, Kristoo̱ ta̱ ngo tsí ndi̱yà jeꞌe, nga ti̱ kuii̱ katsjá yojoo̱ nga kiniꞌánkꞌién tsi̱ꞌe̱ nga kjo̱a̱ꞌáxín jeé.

1 Xo̱jo̱o̱n Juaa̱ 1:7

Ta̱nga tsi nínga tikón ndiꞌí xí tsꞌentsíjee̱n timá, xikótsꞌèn Néná tikón nínga tikón ndiꞌí xí tsꞌentsíjee̱n, kjiꞌá boá nga ja̱kꞌi̱e̱ ja̱ngaján ndyi̱niꞌángo yojoná, kó jiín Jesukristoo̱ boá xi tsꞌéntsjiejón ngayeje jéná.