Lebitiko̱ 10:3 - Xo̱jo̱n eén Néná

³ Kósꞌe̱ Moisee̱ bi̱ katsoó Aaroo̱n: —Kuí bí kui nii̱ xi íjinkon Néná nga bi̱ katsó: “Mejénna nga ku̱i̱ntꞌiéꞌénna chináꞌmina, kó nga ngayeje xota̱ na̱xi̱ńdaá xi ngatsꞌèntsjàna”. Kó nde ngo ni katsójín Aaroo̱n.

Lebitiko̱ 10:3 ပူးပေါင်းရင်းမြစ်များ

Jenesii̱s 18:25

¡Jí boá ngo Ne xi kotsijee̱n tsi nda ko̱jo tsi ndajín ndyi̱tsꞌèn ngayeje xota̱ nga̱sondiee̱! ¡Kó jí ka̱májín nijan si̱ꞌinkꞌin ji xota̱ xi ndajín ndyi̱tsꞌe̱én ko̱jo xota̱ xi nda ndyi̱tsꞌe̱én! ¡Jí boá ngo Ne xi ndse̱je̱n tsꞌenseén ngayeje xotaa̱!

Joo̱b 2:10

Ta̱nga Joo̱b, bi̱ katsoó: —¡Jmí chjo̱ón! Ngata̱ bo̱a̱jín tsó kjo̱a̱chi̱ni xi ndokjo̱e̱ ji. Tsi niꞌánjo̱ꞌó ñá ngayeje ni nda xi tsjáná Néná, ja̱ ti̱ chjiéngá si̱ꞌanjo̱ꞌo ni xi ndajiín nga. Kó ndatsi bo̱a̱ kjiꞌi ngayeje ni xi je kamaá Joo̱b, katsꞌénjéjín nga chꞌo katsoó Néná.

Xo̱jo̱n Salmoo̱ 119:120

Fotsié má an nga tsakjon má an ngindyikin ji, ¡ée̱n boá xi tsꞌénkjátsiéna!

Xo̱jo̱n Salmoo̱ 148:14

¡Néná boá xi katsjaá ngaꞌniú xota̱ na̱xi̱ńdaá! ¡Kuíni nga ngayeje xota̱ tsjiee̱ xi ngatsꞌèntsjaà, kui xi xota̱ Israee̱l, kui xota̱ na̱xi̱ńdá xí ꞌniú tjoó kui! ¡Bo̱a̱ kjiꞌi!

Xo̱jo̱n Salmoo̱ 39:10

Ngiti̱ niꞌínjéjínní ngase, ngatꞌa̱ ndse̱ boá xi tjítsꞌénꞌónna.

Xo̱jo̱n Salmoo̱ 39:9

»Xikoó tsi kamáni̱ma̱, iskjíxꞌájín an ndso̱ꞌba án, ¡ngatꞌa̱ jí boá xi bo̱a̱ kase ji nga bo̱a̱ ka̱ma!

Xo̱jo̱n Salmoo̱ 46:10

Kó bi̱ katsó Néná: «Xió ti̱ndyiónjnú, kó ngatamayajnú nga an boá xi Ne an, kó si̱ꞌandikónna ngi̱jii̱n ngayeje na̱xi̱ńdaá, ko̱jo xcha̱ndikónna ngayeje tꞌanangii̱.»

Xo̱jo̱n Salmoo̱ 89:7

Achichí yandikón Néná kjiꞌanga matikó ndítsjiee̱, ngayeje xi síndo nga ngo foaꞌatjiyajoo̱n xi bendikón.

Xo̱jo̱n Salmoo̱ 93:5

Ji Ne, bo̱a̱ kjíꞌí ngayeje ni xi ndokjo̱e̱ ji. Kjo̱a̱tsjiee̱, kuí boá xi tsjaá kjo̱a̱tsjakjiꞌi Ndiꞌáa̱, ngatsjéni̱xtjin ko̱jo ta̱kjiꞌání.

Éksondo̱ 14:17

Ngatꞌa̱ án boá xi sa̱ꞌin tajá án ini̱ma̱a̱ an xota̱ Ejiptoo̱ tsi̱ꞌe̱ nga ko̱e̱je̱tji̱ngijnú, kósꞌe̱ kjiꞌá boá nga sa̱ꞌinkjié an. Kó ngije katsꞌée̱n nda̱ ree̱ ko̱jo ngayeje juu̱n ko̱jo karretaa̱, xota̱ Ejiptoo̱ sku̱i̱e̱ nga án boá xi Nee̱ xota̱ Israee̱l. ¡Kokomáráa̱ ngaꞌniú tsie xi tjínna!

Éksondo̱ 14:4

Kó án boá xi sa̱ꞌin tajá án ini̱ma̱a̱ nda̱ ree̱, tsi̱ꞌe̱ nga ko̱e̱je̱tji̱ngijnú, kó nga bo̱a̱ sa̱ꞌín, sa̱ꞌinkjié an xota̱ juu̱n, kó kokòo̱ ngaꞌniúna. Bo̱a̱ tsꞌén nga xota̱ Ejiptoo̱ sku̱i̱e̱ nga án xi Néná án». Kó xota̱ Israee̱l katsꞌén ni xi katsoó Néná nga sa̱ꞌín.

Éksondo̱ 19:22

Kó ngaskande chináꞌmi xi kji̱ndi̱bákón tiñana, chjiéngá ku̱i̱ꞌíjñanda mára yojoo̱, ngatꞌa̱ tsájmi̱ ko̱yà ndatsa kui nga.

Éksondo̱ 19:24

Kó Néná bi̱ katsoó: —Ti̱tjaje̱n ji kui na̱xi̱i̱, kó ndibénijíngí nginí ji, kó ndibéje̱ ji Aaroo̱n nga. Ta̱nga ta̱ꞌyajín xi ka̱ma kji̱ndi̱bá ngase kꞌi̱e̱e̱, nde chináꞌmii̱ ka̱májín kji̱ndi̱bá, tsi bo̱a̱ sa̱ꞌín, ko̱yà ki.

Éksondo̱ 30:30

»Ti̱ kuíní kui istii̱ xi ko̱na̱ngínjin ji chináꞌmi xi tsa̱ꞌa̱n, xikoó Aaroo̱n ko̱jo jaá.

Lebitiko̱ 21:15

Bo̱a̱ tsí tsꞌén nga xota̱ tji̱e̱e̱ ka̱ma sa̱ꞌín xá xí tsa̱ꞌa̱n ngatsjéni̱xtjin. An, Nee̱ xota̱ Israee̱l, jè katsjaxáa̱ ngito̱ko̱o̱ chináꞌmii̱ tsi̱ꞌe̱ nga ta̱ xá xí tsa̱ꞌa̱n tsí xi sa̱ꞌín».

Lebitiko̱ 21:17

tsi̱ꞌe̱ nga tsja̱á Aaro̱n ntsꞌi̱e̱ kui kjo̱a̱botíxomaa̱: «Tsi ngo xota̱ tji̱e̱ tse̱ xi jmí tsi nda yojoo̱, ka̱májín ki̱a̱ kjo̱chó tiña ṉchandikónna, tsi̱ꞌe̱ nga kui xi sa̱ꞌínkꞌasꞌien ngo kjo̱a̱tjó xi tí nganda tsa̱ꞌa̱n. Ka̱májín chináꞌmina ka̱ma ngo xota̱ xi ti̱ka̱, ko̱jo tsi xi ńkjá ndyi̱ko̱n, ko̱jo tsi xi fí ni̱ma̱tꞌa, ko̱jo tsi xi ka̱tòn tsja, ko̱jo tsi xi toꞌoyitsꞌèn, ko̱jo tsi xi katojmé, ko̱jo tsi xi ndajínkjiꞌi yojoo̱, ko̱jo tsi xi tjiín ngo chiꞌin tji̱xin yojoo̱, ko̱jo tsi xi kijítie too̱.

Lebitiko̱ 21:6

Jún jè ta̱ xá tsa̱ꞌa̱n tsí xi si̱ꞌánjnú, kó chjiéngá ko̱nda̱ꞌyáꞌénjnúꞌun ngatsjéni̱xtjin. Chjiéngá kje̱ꞌe kón ka̱majnú, ngatꞌa̱ jún boá xi si̱ꞌankꞌasꞌienjnú paa̱n ko̱jo kjo̱a̱tjó xi ꞌbítí nganda tsa̱ꞌa̱n.

Lebitiko̱ 21:8

»Chjiéngá ku̱i̱ndyiontꞌaxínjnúu̱ ngayeje ni xi ndajín, ngatꞌa̱ jún boá xi niꞌánkꞌasꞌiénjnú paa̱n nganda tsa̱ꞌa̱n. Chjiéngá kje̱ꞌe kón ka̱majnú, ngatꞌa̱ an bo̱a̱jín kón an xikoó ne xi ngasee̱. Án boá xi Nee̱ xota̱ Israee̱l, kó kje̱ꞌe kón katsꞌenjnúꞌun jún.

Lebitiko̱ 22:9

»Ngayeje chináꞌmii̱ chjiéngá sa̱ꞌínkjatjosón kui kjo̱a̱botíxomaa̱. Tsi sa̱ꞌínkjatjosónjín, ko̱yà. An, Nee̱ xota̱ Israee̱l boá xi je katsjaxáa̱ nga ta̱ xána tsí xi sa̱ꞌín.

Xki̱ 16:5

kósꞌe̱ bi̱ katsoó Koree̱ ko̱jo xota̱ xi nijan tsoꞌbájo̱: —¡Jún boá xi xota̱ tji̱e̱e̱ Lebii̱, xi je tsꞌajónjne̱ ji̱n! Ndyiojón ta̱jñó ndibájnú, kó chꞌi̱a̱jnú ni xi mindyia xꞌueé, kósꞌe̱ ki̱a̱ tꞌíjñájnú kui nii̱ ngindyi̱ko̱n Néná. Kósꞌe̱ Néná kjo̱a̱ꞌájin xota̱ xi mejeén nga sa̱ꞌín xaá ki̱a̱ ndiꞌandikoón, kó ta̱kuítsí kui xotaa̱ xi ka̱ma sa̱ꞌín kui xaá.

Xki̱ 20:12

Ta̱nga Néná bi̱ katsoó Moisee̱ ko̱jo Aaroo̱n: «Jún kisꞌijinjínjnú an, ti̱nde kiniꞌándikónjínjnúꞌun ngindyi̱ko̱n xota̱ Israee̱l. Kuíni nga ki̱a̱jín nijan ku̱i̱tjásꞌi̱e̱njojnú kui xotaa̱ tꞌanangi xi an tsjàa̱».

Matioo̱ 10:37

Ngayeje xota̱ xi ꞌniú ngase tjoó na̱ꞌmii̱ ko̱jo na̱aa̱n ta̱bo̱a̱jiín án, ka̱májín xota̱ tsa̱ꞌa̱n ka̱ma. Ngayeje xi ꞌniú mején ngasee̱ ndí xi̱ꞌii̱n ko̱jo tsi ndí chjo̱ón ta̱bo̱a̱jiín án, ti̱ ka̱májín xota̱ tsa̱ꞌa̱n ka̱ma nga,

Juaa̱ 12:28

Na̱ꞌmi, ngatꞌieé kjo̱a̱je jaꞌée̱n. Kósꞌe̱ kandaꞌyá ngo nda̱ ndiꞌakꞌajmi jàn, xi bi̱ katsó: –Jè tjiín kjo̱a̱je, kó kꞌuié nginií ingo ndi̱yà.

Juaa̱ 14:13

kó ngayeje ni xi chji̱e̱ꞌèe̱ Na̱ꞌmii̱ ngajona, sa̱ꞌin an, tsi̱ꞌe̱ nga xcha̱ kjo̱a̱jee̱ Na̱ꞌmii̱ kjiꞌanga xcha̱ ni xi sa̱ꞌín ndií.

Ndeuteronomio̱ 32:51

Aaroo̱n ko̱jo ji kandaꞌyáꞌénjínjnúꞌun ki̱a̱ na̱xi̱ńdá Kandee̱, kjiꞌanga kixindyionjnú ki̱a̱ tꞌa ndáńchꞌi̱ xi tjitjó má ndáfoaa̱ ki̱a̱ Meribaa̱, kui xi tikón ki̱a̱ nangi kixií nangi Sii̱n. Kó ngindyi̱ko̱n ngayeje xota̱ Israee̱l kamáyàndikónjínjnúꞌun.

2 Xota̱ Tesalónika̱ 1:10

Bo̱a̱ ka̱ma ni̱xtjin nga kjo̱e̱ꞌe Ndi̱a̱ná, tsi̱ꞌe̱ nga xota̱ tsjiee̱ tsja̱á kjo̱a̱je, kó ngayeje xota̱ xi je kisꞌijii̱n kui, tsja ka̱maa̱ nga sku̱i̱e̱. Ngi̱jii̱n kui xotaa̱ je tindyiónjnú jún, ngatꞌa̱ jè kisꞌijinjnú ni xi je kiꞌmíyàjne̱ ko̱jo ni xi kiniꞌánjne̱ ji̱n.

1 Xo̱jo̱o̱n Peé 4:17

Jè jachó chi̱bo̱a̱ nga Néná ku̱i̱ꞌítsꞌi̱yanii̱ nga ka̱tso̱yà tsi nda ko̱jo tsi ndajín katsꞌén xota̱ xi tsi̱ꞌe̱, kó tsi ñá tjón ku̱i̱ꞌítsꞌi̱yanii̱ nga bo̱a̱ sa̱ꞌín, kókjiꞌi ni xi ka̱maa̱ xota̱ xi ntꞌiéꞌénjiín éntjatsi̱e̱e̱ Néná.