Lebitiko̱ 1:14 - Xo̱jo̱n eén Néná

¹⁴ »Kó tsi tjín xí sa̱ꞌínkꞌasꞌienna ngo kjo̱a̱tjó xi cho̱ xi tjiín tsja̱nga̱, chjiéngá tójo ko̱jo tsi ndií toṉña̱ xi sa̱ꞌínkjién.

Lebitiko̱ 1:14 ပူးပေါင်းရင်းမြစ်များ

Jenesii̱s 15:9

Sꞌe̱ Néná bi̱ katsoó: —Ndibéje̱ní ngo ndí cho̱yojo chjo̱on, ko̱jo ngo tindso̱ chjo̱on xi ján noó, ko̱jo ngo cho̱tsa̱nga̱ xi jaꞌatji ndi̱ja̱a̱ xi ján noó, ko̱jo ngo toṉñaa̱ ko̱jo ngo tójo.

Lebitiko̱ 12:8

Ta̱nga tsi kui naa̱ jmíjín to̱n xi kꞌo̱tsieni ngo cho̱tsa̱nga̱, ka̱má jó tójo ko̱jo tsi jó toṉña̱ sa̱ꞌínkꞌasꞌien. Kó chináꞌmii̱ ngo kui cho̱o̱ xi ku̱i̱ꞌítí nganda tsi̱ꞌe̱ Néná, kó xi ingoo̱, kjo̱a̱tjó tsi̱ꞌe̱ nga niꞌánjetakón jé sa̱ꞌín. Kó bo̱a̱ tsꞌén nga ka̱matsjie kui naa̱».

Lebitiko̱ 5:10

Cho̱ xi ingoo̱, chináꞌmii̱ ngatꞌítí nganda tsa̱ꞌa̱n, xikótsꞌèn je atixoma an nga si̱ꞌan, tsi̱ꞌe̱ nga an sa̱ꞌinjetakóo̱n kui xi katsꞌénjeé.

Lebitiko̱ 5:11

»Tsi kui xi katsꞌénjeé jmíjiín to̱n nga kꞌo̱tsieni jó tójo ko̱jo tsi jó toṉña̱, ka̱ma jó kilo̱ ndso̱ko̱a̱n ṉño̱pan xi nda sa̱ꞌínkꞌasꞌienna tsi̱ꞌe̱ nga sa̱ꞌinjetakóo̱n jeé. Kó chináꞌmii̱ ngatjíjoo̱, kó kui chináꞌmii̱ skjíbé ngo tji̱ngo̱ kui ndso̱ko̱a̱n ṉño̱paa̱n, kó ki̱a̱ ku̱i̱ꞌítí nga̱soón ṉchandikoón. Kó bo̱a̱ tsꞌén nga jún kjo̱a̱ꞌátsjienjnú nga án boá xi tsjajnúꞌun ngayeje nii̱. Kuí boá kui nii̱ xi ngo kjo̱a̱tjó xi niꞌánkꞌasꞌien kjo̱a̱a̱ nga niꞌánjetakón jé, kó nga jmí isti̱ ko̱jo nga jmí nisije̱n mindyiajínjnúu̱.

Lebitiko̱ 5:7

»Tsi xi katsꞌénjeé jmíjiín to̱n xi kꞌo̱tsieni ngo ndí tindso̱ chjo̱on, chjiéngá jó tójo ko̱jo tsi jó toṉña̱ xi ngatsꞌénkꞌásꞌiénna. Chináꞌmii̱ ngatjíjoo̱ nga jó kui cho̱o̱, kó chináꞌmii̱ ngo kui cho̱o̱ xi sa̱ꞌínkꞌasꞌienna tsi̱ꞌe̱ nga sa̱ꞌinjetakóo̱n jeé, kó xi ingo kui cho̱o̱ nganda tsa̱ꞌa̱n ngatꞌítí. Cho̱ xi tjoón nga kjítꞌósén, ta̱nga nga ꞌboxiékjojín to̱ko̱,

Matioo̱ 11:29

Chꞌi̱a̱jnú kui yá é xí tsꞌéntsjájnúꞌun, kó ngatamajnú ni xi tsꞌénbokoyájnúꞌun, ngatꞌa̱ ntꞌiéꞌén án ko̱jo nda ini̱ma̱na, kó bo̱a̱ tsꞌén ka̱ma sa̱ꞌínkjaꞌyá ini̱ma̱jnú.

Matioo̱ 21:12

Kó nga jachó Kjisoo̱ ndi̱tsen na̱ngo̱xi̱i̱ Néná tsangatji̱ngii̱ ngayeje xota̱ xi ndyi̱botiñá ko̱jo xi ndyi̱ꞌbotsie ni, kó tsꞌajmitójó yámíxa̱a̱ xota̱ xi ndyi̱bosíkjo to̱n, ko̱jo tsꞌajmitójó yáxíríee̱ xota̱ xi ndyi̱botiñá tójoo̱,

Rkaa̱ 2:24

Kó bo̱a̱ tsꞌén kijítsꞌenkꞌásꞌieén Néná xikótsꞌèn botixómá kjo̱a̱kitii̱ Néná, nínga bi̱ tsoó: Chjiéngá ngo ꞌniú toṉña̱ ko̱jo tsi jó tójo si̱ꞌankꞌasꞌiee̱n Néná.

2 Xota̱ Korinto̱ 8:12

Ngatꞌa̱ tsi ngayeje takón nga ko̱e̱ꞌé, Néná tsja ka̱maa̱ nga ndyi̱boeꞌé ni xi ndyi̱boeꞌé, ngatꞌa̱ kui, míꞌájín ni xi jmíjínná.

Xota̱ Ebreo̱ 7:26

Kjisoo̱ kuí boá kui chináꞌmi xi ꞌniú nkꞌa xaá xi machjiénná ñá: Kuí xí tsjie, kuí xí jmíjiín ni xi ndajín, kuí xí jmíjiín ni xi ndándí, kuí xí xín tikónnii̱ xota̱jeé, kuí xí ꞌniú niꞌándikón ki̱a̱ ndiꞌakꞌajmii̱,